Skip to Content

2022-23

TORNEO DE DACHBALL

Sáb, 24/12/2022 - 00:38

Para rematar ben o trimestre, o 22 de Decembro a partir das 12:35 realizouse un torneo de Datchball no que participou tanto o alumnado como o profesorado. Que ben o pasamos! Haberá que repetir no segundo trimestre con outro deporte. Asegurámosvos que os profes volveremos ir por todas!!

AS FOLIADAS DO 1º TRIMESTRE

Ven, 23/12/2022 - 00:33

Os martes 8 de Novembro e 20 de Decembro houbo foliada no noso instituto. Que ben o pasamos sempre e que canteira tan marabillosa temos!! Graciñas a tod@s por participar e animarvos a compartir un ratiño xuntos!

 

MAGOSTO 2022

Mér, 16/11/2022 - 00:35

O día 11 de Novembro a partir das 12:35 celebrouse no instituto o noso tan querido Magosto. Houbo castañas, bolos preñados e festa, moita festa. Para o ano teremos que repetir, non si?
O EDLG aproveitou tamén para dar os agasallos ás cabazas premiadas no concurso do Samaín! Noraboa a tod@s!

OBRADOIRO DE REGUEIFAS 2022

Mar, 15/11/2022 - 00:29

Os días 26 de Outubro e 11 de Novembro, o alumnado de 4ºESO participou na biblioteca do centro nun Obradoiro de Regueifas, organizado pola Asociación O.R.A.L de Galicia e financiado pola Deputación de Pontevedra, da man de Guadalupe Blanco.
Que ben o pasaron. Moitísimas grazas!

SAMAÍN 2022

Xov, 03/11/2022 - 00:29

1. Concurso de cabazas.
Aquí vos deixamos as cabazas participantes no concurso deste ano. Que traballazo por parte da nosa rapazada!



2. Actividade co Club de Lectura.
O venres 28 de Outubro estivemos aprendendo cousiñas da tradición galega, moi relacionadas coa celebración do Samaín, en compañía dos membros do Club de Lectura.



3. Disfraces e clases decoradas.
Aquí tedes á clase de 3ºESO A decorando a súa aula e máis a un grupiño de alumn@s que se animou a vir disfrazado polo Samaín.

 

 

AS FOLIADAS DOS MARTES NO IES O CARRIL

Mér, 19/10/2022 - 00:37

O martes 4 de Outubro deron comezo as foliadas deste primeiro trimestre. Aquí vos deixamos uns vídeos que amosan, non só o ben que o pasamos, senón tamén a pedazo canteira que temos no noso instituto!!

CALENDARIO 2023

Mar, 18/10/2022 - 18:14

Queremos facer un calendario anual e necesitamos da vosa axuda. Dende o EDLG animámosvos a facer un debuxo que acompañe a cada mes do ano. Como vedes no cartel, o tema deste ano é Que bonito é vivir ao pé da ría de Arousa! O debuxo deberá facerse en horizontal e a data de entrega será o 30 de Novembro.

SAMAÍN: CONCURSO DE CABAZAS

Mar, 18/10/2022 - 18:07

Deixade a cabaza acompañada dun papeliño co voso nome e curso.

horarios atención ás familias 22-23

Mar, 11/10/2022 - 01:16

INFORMACIÓN IMPORTANTE PARA A DIGITAL WEEK

Xov, 29/09/2022 - 14:42

Os documentos anexos inclúen información sobre:

  • horarios
  • actividades
  • normas académicas e de convivencia
  • recomendacións (roupa, alerxias,...)

Tamén conteñen formularios a rechear polas/os nais/pais/titoras/as do alumnado participante.

É necesario informarse ben con todos estes documentos.

Distribuir contido


by Dr. Radut