2019-20

Informamos de que a Universidade de Santiago de Compostela recoñecerá esta tarde a excelencia do alumnado galego que acadou unha nota de acceso á universidade de 9 puntos ou máis.

Comprácenos comunicar que o instituto de Carril conta con dúas alumnas e un alumno que se atopan neste grupo de excelencia. Queremos expresarlles dende aquí os nosos máis sinceiros parabéns e facer constar o orgullo que isto supón para o noso Centro.

O acto de recoñecemento terá lugar no Salón Nobre de Fonseca da USC ás 17:00h. As circunstancias sanitarias actuais non permiten facer unha celebración multitudinaria pero está previsto que poida seguirse en directo a partir das 17h a través da canle de Youtube da USC:

• https://www.youtube.com/user/UniversidadeUSC;
  
• https://www.youtube.com/user/UniversidadeUSC/live

Un saúdo,

     A Dirección.

Reunido o claustro o día 7 de xullo ás 10:30 decidiu adoptar as seguintes medidas de protesta, ante as condicións que se presentan para a organización do vindeiro curso:

1. Facer público o seguinte comunicado na páxina do centro, xunto ao escrito aprobado no claustro anterior do 30 de xuño de 2020.

2. Facer unha concentración o mércores 8 de xullo ás 11 horas fronte ao instituto para ESIXIR UN ENSINO PÚBLICO SEGURO E DE CALIDADE.

3. Difundir a través dos medios de comunicación as nosas reinvindicacións.

ANIMAMOS Á PARTICIPACIÓN DA COMUNIDADE EDUCATIVA: familias, alumnado, persoal non docente e profesorado unidos na loita pola saúde e a calidade do noso ensino.

• Convocatoria ordinaria xullo 2020 ==>  Resumo da convocatoria
• Normas de presentación do alumnado e normas de realización das probas
• Anuncio: a ABAU 2020 celebrarase en FEXDEGA os día 7, 8 e 9 de xullo. A presentación terá lugar o luns 7 de xullo ás 9:00h