Arquivo de premios e eventos

Participación na Selección galega Sub 21

A nosa alumna de Bacharelato Judith Pedreira disputará a fase final do campeonato de España sub 21 formando parte da selección galega.

Premio de Excelencia

O noso ex-alumno Álvaro López Fraga, que está cursando 1º de Bacharelato en Estados Unidos cunha beca da Fundación Amancio Ortega e a Fundación Barrié , foi nominado para o "Premio de excelencia de la Academia Nacional de futuros científicos y tecnólogos".
Este premio foi concedido en Boston, Massachussets (EEUU)

Noraboa Álvaro!

Premio do programa "A Ponte entre o Ensino Medio e a USC" 2015

Cada ano realizase un acto de recoñecemento aos mellores estudantes de Centros de Ensino Medio de Galicia, que son os estudantes que acadan unha media de 9 entre o bacharelato e a fase xeral das probas de acceso a universidade.

Este acto tivo lugar o martes día  30 de xuño ás 18:00 horas na Sala Ángel Brage do Auditorio de Galicia en Santiago de Compostela.

Este ano a alumna do centro que obtivo este galardón foi Aroa Álvarez López Noraboa!!

Premio Imaxiña 2014

SEMIFINAIS DO PARLAMENTO XOVE

Dentro do Plan Proxecta PARLAMENTO XOVE os nosos alumnos de 4º de ESO quedaron semifinalistas, entre os 4 mellores centros de Galicia.O 18 de abril participaron no debate final no que o tema era: Cine.Desaparecerán as salas de cine como forma de ocio?

Os alumnos participantes, que foron acompañados pola profesora de Historia Herminia Pernas, son:

-Alvaro López Fraga

-Irene Rico Gómez

-Paula Vázquez Franco

-David García Novoa

Máis información no enlace: http://www.edu.xunta.gal/centros/iesmontecastelo/node/1479

Beca para estudar 1º de Bacharelato en Estados Unidos

A Fundación Amancio Ortega e a Fundación Barrié ofertan becas para estudar primeiro curso de bacharelato en Estados Unidos. Para acceder ás bolsas High School hai que ter unha nota media en 3º de ESO igual o superior a 7,5 y 7 en inglés.Este ano foron seleccionados tres os alumnos de A Mariña.

O alumno becado do IES Monte Castelo de Burela é Álvaro López Fraga (4º de ESO). Estará acollido por unha familia americana co obxecto de que o proceso de integración e aprendizaxe da lingua inglesa sexa o máis completo posible.

A dotación de cada beca supón o 100 % do curso académico, así como o apoio continuado durante a estancia, a organización das viaxes, aloxamento e manutención durante o curso, así como o correspondiente seguro médico e de accidente.

Primeiro premio do certame de poesía infantil e postais de Nadal do Concello de  Burela

A Concellería de Cultura deu a coñecer os nomes dos gañadores dos dous concursos organizados con motivo das festas de Nadal 2014: os certames de poesía infantil e de postais. Os premios foron entregados o venres 23 de xaneiro, ás 19.30 horas na sala de arte da Casa da Cultura de Burela, e consistiron na entrega de distintos lotes de material escolar adaptados á idade e categoría de cada rapaz.

No certame de poesía infantil Nadal 2014, establecéronse tres categorías. Na categoría C, de 12 a 16 anos, outorgáronse dous premios. O primeiro foi para a rapaza de 15 anos, Irene Rico, alumna do IES Monte Castelo.

Premio V Certame Narrativo Xuvenil Entre Iguais da Concellería de Benestar Social e Igualdade do Concello de Lugo

O venres 12 de decembro de 2014 tivo lugar a entrega de premios do V Certame Narrativo Xuvenil Entre Iguais que premia as creacións de rapaces e rapazas. O obxectivo deste certame é promover o valor da igualdade entre homes e mulleres dende a infancia para que medren con valores de respeto de cara a ambos sexos. Os premios foron entregados por Ana González Abelleira, concelleira de Benestar Social de Igualdade.

Os premiados neste certame narrativo foron:

-Na categoría de 12 a 14 anos:

1º PREMIO
Manuel Rubiños Trelles, co relato de título “A ver se o aceptas” (Alumno de 2º ESO-B)

3º PREMIO
Ainhoa Vázquez Reigosa, co relato de título “Azul/Rosa” (Alumna de 2º ESO-B)

A noticia aparece recollida na web do Concello de Lugo: http://www.lugo.es/cs/Satellite?c=Spark_Novas&cid=1227530111232&color=Rojo&idioma=es&pagename=Lugo%2FSpark_Novas%2FLugoNoticiaDetalle&tipoLetra=texto1 

Premio do programa " A Ponte entre Ensino Medio e a USC"

Ten lugar un acto de recoñecemento aos mellores estudantes de Centros de Ensino Medio de Galicia, que son os estudantes que acadan unha media de 9 entre o bacharelato e a fase xeral das probas de acceso a universidade.

Este acto tivo lugar o martes día  1 de xullo ás 18:00 horas na Sala Ángel Brage do Auditorio de Galicia en Santiago de Compostela.

Este ano a alumna do centro que obtivo este galardón foi Amara Chao Durán. Noraboa!!

Premio provincial do XVII Programa Voz Natura outorgado polo proxecto "Ríos e premios en boas mans" que coordina a profesora de Artes María Martín.

O resultado do proxecto son murais feitos polos alumnos de 4º de ESO e Bacharelato a partir de materiais reciclados que atoparon na praia ademáis da escultura chamada " O son do vento" de 5 metros  de alto con motivo do 35 aniversario do centro.

Segundo o xurado "Ríos e praias en boas mans" foi premiado por "a imaxinación demostrada e a orixinalidade educativa do proxecto".

A noticia na prensa:http://www.lavozdegalicia.es/noticia/amarina/2014/05/27/ies-monte-castelo-burela-lleva-premio-voz-natura-provincia/0003_201405X27C7991.html

 Toda a información na nosa web: http://www.edu.xunta.gal/centros/iesmontecastelo/node/1509

A entrega do premio foi na Festa de Voz Natura o sábado 7 de xuño no parque de Acea de Ama (Culleredo).