Xeografía e Historia

Visita ó Parlamento de Galicia 2016

Visita ó Parlamento de Galicia no curso 2016/17

Alumnado de 4º de ESO e 1º de Bacharelato de Antropoloxía visitou o venres 15 de abril o Parlamento de Galicia acompañados polos profesores Herminia Pernas, Mª Carmen Fernández e Marcelino Luna. Alí foron recibidos polo secretario da cámara José Manuel Balseiro e  por Antonio Basanta Fernández, actual xefe de gabinete da Consellería do Mar e exalumno do instituto burelense.

O alumnado puido coñecer de primeira man o funcionamento da Cámara e visitou estancias tan representativas como o Salón de Plenos e a Sala dos Reis, onde toman posesión oficial do seu cargo todos cargos institucionais nomeados polo Parlamento, entre eles, o Presidente da Xunta de Galicia.

Rematada a visita o alumnado realizou un rueiro pola zona vella da cidade de Santiago de Compostela e a posterior visita á Cidade da Cultura.

Esta actividade está organizada polo departamento de Ciencias Sociais,Xeografía e Historia.

 

 

A noticia aparece recollida na Voz de Galicia: http://www.lavozdegalicia.es/noticia/amarina/2016/04/16/ies-monte-castelo-parlamento/0003_201604X16C7991.htm

 

 

Visita ao Parlamento

Visita ao Parlamento 2015

Venres 10 de abril de 2015- Alumnos de 4º ESO e 1º BAC de Antropoloxía  visitaron o Parlamento Galego acompañados da profesora de Historia Herminia Pernas e do director do centro Marcelino Luna.Foron recibidos polo Secretario da Cámara galega, o tamén mariñán Jose Manuel Balseiro, e polos deputados da comarca Vidal Martínez Sierra (PPdeG) e Jose Ramón Val Alonso (PSdeG).

Dentro desta visita cultural a Santiago tamén participaron nun rueiro pola zona vella da cidade, visitaron o Consello da Cultura de Galega e a Cidade da Cultura .

Esta actividade está organizada polo departamento de Xeografía e Historia.

 

Visita a Cariño e Cabo Ortegal

Programa "UN MAR DE CULTURA"

O martes 9 de decembro alumnos de 3º de ESO e de 1º de BAC de Bioloxía e Xeoloxía realizaron unha visita didáctica a Cariño. Realizaron unha visita guiada á cetárea natural de "A Balandra" para coñecer de preto o cultivo de marisco. Despois visitaron a fábrica de conservas "La Pureza" unha empresa familiar con 90 anos de historia e dedicada á elaboración de salazóns e conservas de peixe de forma artesanal. Despois visitaron o cabo Ortegal para coñecer o seu faro. Xa de volta a Burela na vila mariñeira de San Cibrao viron a fabricación artesanal de barcos de madeira nunha das poucas carpinterías de ribeira que aínda subsisten na zona, Asteleiros Fra.

Esta actividade estivo organizada polos departamentos de Xeografía e Historia e Ciencias Naturais coa que se pretende achegar o medio marítimo ao alumnado a través da visita a empresas relacionadas co mar.

A visita aparece recollida no blog: http://www.maremasma.com/blog/?p=416

 

 

 

 

 

 

Visita ó Parlamento galego 2014

Visita ó Parlamento galego 2014

Os alumnos de 4º de ESO visitaron o Parlamento galego acompañadas polas profesoras Herminia Pernas e Susana Bayón e o axudante Comenius Massimiliano Matteri. Foron recibidos por José Manuel Balseiro e por Vidal Martínez-Sierra.

Visita a Deputación de Lugo

4 de decembro 2013- Os alumnos de 4º ESO e de 1º de BAC visitaron a Deputación de Lugo, dentro da visita ás distintas institucións do Estado, donde foron recibidos por Alfredo Llano (Deputado Director de Innovate). Tamén visitaron o Museo e o cemiterio de Lugo donde está o "xardín das lembrazas". Esta actividade está organizada polo departamento de Xeografía e Historia.

   
 

Visita ó Parlamento galego

Alumnos de 4º de ESO acompañados polos profesores Herminia Pernas e Jesús Carrascal visitaron o Parlamento de Galicia o 7 de marzo de 2013. Foron recibidos polo secretario do Parlamento, o mariñán do PP José Manuel Balseiro quen lles invitou a formular preguntas sobre o funcionamento da Cámara lexislativa galega, as funcións dos deputados e deputadas e calquera asunto de actualidade que puidera interesarlles. Ademáis tamén os acompañou o parlamentario socialista José Ramón Val Alonso.

O alumnado visitou as instalacións e coñeceu as distintas estancias do Pazo do Hórreo onde se desenvolven os actos institucionais e, sobre todo, a actividade parlamentaria

 

 

Presentación do libro " Centenario do cemiterio parroquial de Burela 1912-2012"

A profesora de Historia deste centro Herminia Pernas Oroza presentou o 14 de decembro o libro "Centenario do cemiterio parroquial de Burela 1912-2012" para conmemorar o centenario do camposanto burelés no que participou.

   

Visita ó Parlamento galego

 

Alumnos do IES Monte Castelo de Burela, visitaron o mércores 14 de marzo de 2012 o Parlamento. Fotografía do grupo cos parlamentarios da Mariña lucense das tres forzas políticas.
Esta actividade estivo organizada polo departamento de Xeografía e Historia.


 
Distribuir contido