Preparando o lanzamento
Un dos momentos máis delicados no lanzamento das cápsulas MarumaSat é o inflado do globo meteorolóxico que empuxará todo o dispositivo até a estratosfera. Para conseguir chegar a máis de 30 km de altura, precisamos introducir no globo un volume duns 3000 metros cúbicos de He. No lanzamento da MarumaSat III inflamos o globo en varias fases. Na primeira, introducimos un 15 % do volume de helio desexado. Na segunda, aplicamos outro 20 % e na terceira un 16 %. Queremos acabar o inflado en dúas fases máis. Na cuarta poñemos un 40 % do volume restante, e na quinta o que falta até completar os 3000 metros cúbicos. |