Skip to Content

IES Leiras Pulpeiro

Complementarias

Actividades desenvolvidas dentro do horario lectivo habitual e nas instalacións do centro.

Entroido 2016 no Leiras Pulpeiro

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

 

Entroido 2016 - IES Leiras Pulpeiro from IES Leiras Pulpeiro on Vimeo.

 

A AMPA "Leiras Pulpeiro", dentro das moitas iniciativas que están a levar a cabo neste curso, colaborou co instituto no desfile de Entroido e fixo entrega dos seus propios premios aos mellores disfraces. Algunhas nais participaron no desfile cun ánimo e unha alegría desbordantes e moitas das fotos desta montaxe foron feitas por un pai.

Queremos agradecer a AMPA a súa implicación, e esperamos que moitas familias se sumen á asociación para que a participación das familias sexa cada vez unha realidade máis presente no centro.

As familias que desexen darse de alta na AMPA, poden facelo doadamente na Secretaría do IES Leiras Pulpeiro. A cuota anual por familia son soamente 12 €.

 

Morreu Neira Vilas

Morreu Neira.
Esta mesma mañá, unha amiga común chamoume ao centro para dicirmo.

Deixounos sen facer ruído, durmido...
Quen sabe se soñando...

Hai catro días falei con el. Semellaba estar ben. A súa voz soaba con forza.
Tiña plans para hoxe.
Tíñaos.

Non deixou de traballar nunca. Traballador incansable...
traballador comprometido coa lingua...
...coa nosa.

Don Xosé estivo connosco hai pouco. O salón de actos, cheo, gardaba silencio. Mesmo parecía que as paredes o escoitaban!

Seguro que o facían...

Escoitaban as vivencias dun rapaz na súa aldea, as dun exiliado que non baixou a cabeza e loitou dende alén do mar pola súa lingua, e así polo seu pobo.
O pobo dun neno labrego...

Escoitaban en silencio.
Aprendían en silencio.

Morreu Neira.

Mais vivirá sempre Balbino.

                                                     Íñigo

 

(nova na web publicada o 21 de abri de 2015):

O pasado xoves 16 de abril tivemos a inmensa fortuna de poder contar coa presenza de D. Xosé Neira Vilas, que tivo a xenerosidade de facernos unha visita e charlar co alumnado de Bacharelato.

Os nosos alumnos e alumnas non esquecerán as súas palabras. Tiveron a oportunidade de estar cunha lenda da nosa literatura, que ademais demostrou a súa grande humanidade.

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Día internacional da eliminación da violencia contra a muller

 

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

O 25 de novembro, o alumnado e profesorado do IES Leiras Pulpeiro recordamos a todas as vítimas da violencia machista e dixemos NO!!! a esta lacra social.

Limos sentidos poemas, escoitamos unha melodía de liberdade, e gardamos un sobrecoxedor minuto de silencio.

 

Visita á Granja Campomayor

O alumnado do Ciclo formativo de Grao Superios de Procesos e Calidade na industria Alimentaria visitou as instalacións da Granja Campomayor, dentro do seu programa de actividades complementarias.

Ao longo do curso, este alumnado visitará distintas empresas co fin de achegarse aos procesos reais de producción e comercialización dos produtos alimentarios.

 

Obradoiro científico de Galiciencia: “Dos átomos á luz”

Un profesor especialista en divulgación científica, presentou en Galiciencia, no parque tecnolóxico de Ourense, unhas experiencias sobre a luz e os átomos, que seguíu o alumnado de Física e Química de 4º ESO e 3º ESO B do noso instituto con grande interese, a través dunha videoconferencia.

O taller consiste nunha exploración experimental desde as propiedades dos átomos ata o comportamento da luz.

 

Resumo da charla:

Así como a materia está formada por unidades (átomos) que posúen unha estrutura (núcleo e electróns), a luz tamén está formada por unidades (fotóns) que actúan individualmente coa materia e pode producir cambios químicos que dependen da enerxía dos fotóns e da enerxía coa que os átomos están unidos.

Os espectros son representacións da distribución de enerxía presente na luz e de como a luz interacciona cos materiais.

A luz orixínase nos cambios de estado dos electróns nos átomos e a súa análise (espectroscopía) revela que átomos son responsables da emisión de luz. Vemos a luz debido a unha reacción fotoquímica nos pigmentos presentes nas células sensibles da retina, que soamente responden a un certo intervalo da radiación electromagnética (luz visible).

Videoconferencia no Día da Ciencia en Galego

 

    

 

O pasado mércores 4 de novembro, o alumnado de Bioloxía de 1º de Bacharelato e o de 3º de ESO participamos nunha videoconferencia con Xurxo Mariño, que nos deleitou cunha charla sobre neurociencia.

Aprendimos moito das posibilidades do noso cerebro, de como construímos a nosa visión do mundo a partir da lingua materna na que medramos e dos estímulos que recibimos polos nosos sentidos.

Ao final puidemos facer preguntas a través de Twitter (@leiraspulpeiro) e Xurxo respostou algunha delas en directo. Outras respostounas despois de rematar a videoconferencia, evidentemente moito máis brevemente (podedes velas nas imaxes).

A actividade, organizada por Igaciencia, recordounos que a nosa lingua é tan válida coma calquera outra para transmitir os coñecementos científicos.

 

Apadriña un lector 2015

(Preme na imaxe para acceder á reportaxe gráfica)

Un ano máis, chegado xuño, o noso alumnado de 1º BAC e do Club de lectura apadriñaron aos futuros lectores do CEIP de Casás. 

Os nenos e nenas de cinco anos deste cole viñeron encantados para pasar un día inesquecible: escoitaron atentos o conto Os tres porquiños, coñeceron ós seus padriños e madriñas e foron con eles ata o noso xardín máxico, onde compartiron preciosas historias e xogaron todos xuntos.

Finalmente, houbo "chuches" para adozar a despedida.

O grupo 2ºA de ESO, 1º premio Actividade Creativa en "Clases Sen Fume"

 

A clase de 2ºA de ESO acadou o 1º Premio á Actividade Creativa no concurso Clases Sen Fume, organizado pola Consellería de Sanidade e a de Cultura, Educación e Ordenación Universitaria. Noraboa ao alumnado e ao profesorado implicado polo excelente traballo.

 

Foto do grupo Foto oficial

 

Aquí podedes ver o vídeo premiado:

 

E premendo nestas ligazóns podedes ver o vídeo de 1ºA de ESO e o de 1ºB de ESO.

Noraboa a todos e todas por participar con tanta ilusión.

 

 

David Pintor visita o Leiras Pulpeiro

O pasado xoves, 30 de abril, recibimos a visita de David Pintor. Foi unha charla moi interesante e puidemos ver en vivo e en directo como se fai unha caricatura. Aprendimos moito de todo o que nos contou.

Podedes ver todo en BIBLIOLEIRAS.

Campionato Orientación

O mércores día 22 de abril tivo lugar o Campionato Provincial de Orientación, no entorno do Campus Universitario da cidade. Participaron diversos centros educativos da provincia, entre eles o noso instituto. Acudimos con 41 alumnos e alumnas de 2º e 3º de ESO. Despois dunha magnífica xornada, cunha proba deportiva en terreo mollado e dificultoso, todo o grupo terminou e disfrutou a carreira. Destacamos o terceiro posto de Marina Chao (2º ESO), que conseguiu a medalla de bronce, os quintos postos de Mariana de Carli (3º ESO) e Borja Corral (2º ESO), e o cuarto posto de Diego Ardura (3º ESO).

Felicitamos a todos pola súa participación, entusiasmo e esforzo, e agradecemos a Verónica (profe) que nos acompañase e axudase durante toda a mañá.

Departamento de Educación Física e Deportiva.

Podium Cadete Feminino Podium Cadete Masculino
Podium Infantil Feminino Podium Infantil Masculino

 

(Preme nas fotos para velas en maior tamaño)

Distribuir contido


by Dr. Radut