Novas de centro

Xa están disponibles os títulos de ESO e BAC da promoción 2022. Podedes vir recollelos á secretaría do centro en horario de 09:00 a 14:00

Cerimonia de premiación dos mellores expedientes de BAC-ABAU.

Velaí tedes aos nosos representantes que acadaron máis dun 9 de media.

Moitas grazas a todos por demostrar que un instituto das aforas tamén ten alumnado da vosa calidade tanto académica coma, e debo dicilo coa boca grande, humana.

Un pracer estar convosco estes anos, e boa sorte no futuro.

A materia optativa de Cultura Audiovisual pretende dar unha formación artística e técnica no campo audiovisual, centrándose na fotografía, vídeo e son.

Os contidos a impartir son os seguintes:

• IMAXE:
• Orixes da fotografía e do cinema
• Creación e evolución da fotografía e da linguaxe audiovisual
• Retoque dixital
• Principais correntes en fotografía e cinema.
• Principais formatos audiovisuais (curta, media e longametraxe de ficción, curta, media e longametraxe documental, serie, ensaio fílmico, formatos televisivos, videoclip, fashion filme, anuncio, vídeo educativo, vídeo corporativo/institucional, formatos asociados ás redes sociais, etc)
• LINGUAXE AUDIOVISUAL
• Plano, toma, ángulo visual e movementos físicos e ópticos de cámara
• Exposición, enfoque, encadramento, profundidade de campo, campo e fóra de campo
• Conceptos básicos sobre iluminación
• Composición para imaxe fixa e para imaxe en movemento
• Simboloxía e psicoloxía da cor
• GUIÓN:
• O guión literario. Fases de elaboración. Escena e secuencia dramática. A escaleta.
• O guión técnico e o storyboard
• A posta en escena: localizacións, decorados (volumétricos e virtuais), caracterización, interpretación, iluminación, movemento
• A banda de son: perspectiva sonora e posibilidades expresivas
• PLANIFICACIÓN
• A montaxe e a posprodución
• As linguaxes da televisión e a publicidade
• Equipos humanos de traballo na produción audiovisual: dirección, produción, cámara/fotografa, son, arte, postprodución
• A distribución de tarefas na produción audiovisual: criterios de selección a partir das habilidades requiridas
• Fases de traballo: preprodución, rodaxe e posprodución
• TÉCNICA AUDIOVISUAL
• Medios técnicos de realización: cámara e accesorios, microfonía, equipamento de iluminación.
• Gravación do son, sincrónico e recreado
• Principais softwares de edición non lineal
• Difusión de contidos audiovisuais: redes sociais, salas comerciais, espazos de exhibición alternativos, festivais cinematográficos en liña e presenciais, etc
• Protección de datos, propiedade intelectual e dereitos de autoría.

Hoxe martes día 20 faremos unha actividade de observación de planetas no patio do centro, entre as 21:30 e 22:30.

Como o tempo está cambiante, se a esa hora está nublado, cancelarémolo.