Educar en Xustiza 23-24
Como en edicións anteriores, o alumnado de 3º da ESO participa durante este mes de outubro no programa Educar en Xustiza promovido polo TSXG. Esta actividade insírese no Plan de Acción Titorial do centro, e vai encamiñada a promover o desenvolvemento dunha cidadanía consciente por parte do alumnado e fornecer espazos para que se exerza de maneira activa, crítica e responsable.
O programa é o seguinte:
- 17/10/2023: Xulgado do Penal Nº1.
- 24/10/2023: Xulgado de Instrución Nº2.
- 27/10/2023: Xulgado do Penal Nº1.
- 31/10/2023: Xulgado de Instrución Nº2.
Participaremos en varios xuízos (en xeral, curtos) que terán lugar nesas salas, e o/a maxistrado/a ao final de cada xuízo dará as indicacións necesarias para seguir o procedemento xudicial e comentará a sentenza a ditar.
Na xornada do día 27 de outubro asistimos a varios xuízos que acabaron en conformidade, mais, con todo, a xuíza e a fiscal fixeron posible que aproveitaremos moi ben a xornada. Atendéronos cunha amabilidade e unha adicación que queremos destacar, falándonos dos detalles de cada caso achegando as explicacións técnicas necesarias para entender os procedementos. Tamén nos fixeron reflexionar sobre as causas da delincuencia, moi ligadas ás adicións, sobre os perigos de internet, atentados á autoriade e outros temas que constitúen o día a día nesa sala do penal. Unha actividade de grande calidade educativa que, abofé, inspirou vocacións entre os/as participantes.
