Semana en Toulouse - Eramus+
O noso centro educativo conta cunha acreditación Erasmus+ para o período 22-27 que nos está permitindo realizar diversas actividades de intercambio entre alumnado e profesorado con outros centro europeos.
Nesta ocasión, entre os días 15 e 20 de outubro, nove alumnos e alumnas de 1º de BAC viaxan a Toulouse para coñecer os proxectos educativos do Lycée Sainte-Marie des Champs e compartir unha semana de convivencia e experiencias únicas.
A recepción por parte do centro foi excelente o que nos permitirá voltar a casa coa maleta cargada de afectos e boas ideas para compartir e seguir colaborando no futuro.