"O director xeral de Orientación e Promoción Laboral, Alfonso Marnotes, participou en Ribadavia, na adega Cume de Avia, xunto con 50 alumnos e alumnas do IES García Barbón de Verín no obradoiro de ‘Emprendemento Cooperativo Eusumo’ que organiza a Consellería de Economía, Emprego e Industria a través da Rede Eusumo."

Se queres ler o artigo completo no periódico dixital Barrios, preme na fotografía

O día  28 de abril  pola tarde e o  29  pola mañá  algúns  rapaces  e rapazas de 1º de Bacharelato das asignaturas de Anatomía aplicada e de Debuxo  realizaron unha saída a Ourense. O día 28  pola tarde  fíxose un roteiro cultural polas principais prazas do Ourense antigo. Despois disto foise ver unha obra de teatro dentro da Miteu, “El fabuloso mundo de la tía Betty” (arxentina do grupo El Rayo  misterioso).

Pola noite, logo dunha divertida cea, a cita foi co Fado no Auriense da man de Gonçalo Guerreiro, fadista lisboeta. Ao día seguinte, os alumnos iniciáronse nunha arte escénica que implica equilibrio, axilidade e coordinación: as acrobacias.

 Para rematar e como mostra destas 24 horas  pola fermosa Auria,  deixámosvos unha pequena montaxe que fixeron.

Neste documento recóllese todo o relativo aos blogues realizados polo profesorado deste instituto co fin de apoiar a súa actuación na aula.

Carlos Matos, profesor de debuxo no IES García Barbón de Verín, foi invitado a participar no XVI Congreso Internacional de Ebru que terá lugar en Estambul entre os días 9 e 13 de maio. O ebru é una antiga técnica centroasiática de pintura flotante sobre auga, que despois é  transferida a soporte de papel.

Carlos Matos aprendeu esta técnica co mestre turco Hikmet Barutçugil e as súas obras, xunto coas dun reducido número de artistas internacionais, participará na exposición paralela ao congreso que se celebrará nos antigos pazos otomanos de Esma Sultan e de Dolmabahçe, na beira europea do Bósforo.

Lucía Rúa Afonso gañou a fabulosa camiseta no Concurso "Recomenda un Libro que che gustou". A súa recomendación literaria foi:  "La fundación" de A. Buero Vallejo. E mirade que libros tan interesantes foron recomendados!

Estas son as datas, horas e aulas dos exames extraordinarios de maio para a ESA. Cabe lembrar que, a estes exames, teñen dereito a ir todos aqueles alumnos que suspenderon en febreiro algún ámbito do módulo 1 da ESA I ou do módulo 3 da ESA 2. Sorte!

As actividades extraescolares e formación en centros de traballo para os alumnos de FP, as titorías personalizadas de orientación para os alumnos de 2º de Bacharelato, o fomento da cultura emprendedora,...

 Listaxes definitivas de solicitudes e exencións. Sedes e instrucións para a súa realización. Convocatoria 2016.

Covocatoria - Web                             Convocatoria - PDF

Hoxe celebrouse o Dia Mundial da Saúde no IES García Barbón. Os alumnos de TCAE levaron a cabo distintos obradoiros nos que, entre outras cousas, facilitaron información de distintas doenzas ou a alimentación, fixeron prácticas preventivas como medir a presión arterial ou laboura de concienciación con unha cadeira de rodas.

Noraboa ao alumnado de TCAE e as súas profesoras. Tamén a todos os que particiciparon!

Isto é un resumo da intervención de Pilar Pérez Meneses, na que dá as súas impresións sobre este ciclo e xustifica a súa elección. Uns bos consellos para alumnos que estean a sopesar o Ciclo Formativo de Grao Medio de Coidados Auxiliares de Enfermería (TCAE) como os seus futuros estudos.