Acompañados pola súa profesora Cristina Viqueira Gómez, un grupo de alumnos de 4º da ESO defenderon diante da concelleira de Medio Ambiente María García a súa proposta dentro da iniciativa de concienciación "Móllate" para a vindeira festa de San Xoán.
O pasado venres 20 de maio celebramos a festa de graduación do alumnado de 2º de bacharelato. Fixemos a macro foto nas escaleiras ás seis en punto e logo desprazámonos ao salón de actos da Facultade de Economía e Empresa que xentilmente nos cede o Decanato desa facultade e a Universidade da Coruña. Alí dirixiuse aos presentes en nome do claustro o catedrático de inglés D. Carlos Vázquez Furelos, e respondéronlle, en nome do alumnado, Paula Cabaleiro Puentes e Alejandro Brao González. Esta promoción foi particularmente boa: temos propostos para matrícula máis de doce graduados. Parabéns á promoción do 2015-16, ás súas familias, e ao seu profesorado!
(Texto de Charo Soto Arias. Enlace á noticia. Fotos de José Carlos e outros)
O pasado martes, 10 de maio, vestidos coas nosas camisetas verdes, conmemorativas do evento, os alumnos de 1º e 2º da ESO e mais un grupiño de 1º de bacharelato desprazámonos ata As Pontes de Gª Rodríguez para asistir, xunto con outros centros de toda Galicia, ao festival da Francofonía que este ano era organizado por este concello coruñés.
O acto celebrouse ao lado do lago, nun lugar ben fermoso a pesares da chuvia que empezou a caer cando o festival ía xa rematando.
Tódolos centros participantes levaban varias cancións que interpretaban e bailaban os seus alumnos. Nós o fixemos con 5 cancións que traballaramos nos recreos dende hai mais dun mes.
Os primeiros da ESO cantamos todos unha mesma canción, "L'oiseau et l'enfant" de Marie Myriam, tema xa vello e clásico da música gala que se deu a coñecer no Festival da Eurovisión de hai uns cantos anos. Á nosa profesora de francés, Chelo, gustáballe moito e nola propuxo cando nos falou de irmos cantar aló. (enlace ao video)
Os de segundo da ESO prepararon varios temas: os que teñen francés coma primeira lingua presentaron una canción de Louane "Jour 1 " acompañados á guitarra polo seu profesor Juan Carlos. (enlace ao video)
Os outros grupos de segundo da ESO cantaron respectivamente: "Le lion est mort ce soir" , "Papaoutai" de Stromae e mais "Elle me dit" de Mika. Todos eles prepararon as coreografías correspondentes e polo que aplaudía o público, creo que lles gustamos a todo o mundo. (enlace ao video)
O grupiño de 1º de bacharelato bailou e cantou unha canción de rap "Celui" de Colonel Reyel, foron dos primeiros en actuar, xa que o festival empezaba polos maiores e terminaba por nós, os de 1º da ESO. Fixérono moi ben. (enlace ao video)
Non podemos esquecernos da actuación de José el Francés, que interpretou varias das súas cancións de ritmo flamenco pero que se dirixía a nós en francés, por ter nacido alí. Estivo moi simpático en todo momento e ata invitou á teniente de alcalde de As Pontes a acompañalo nunha canción flamenca.
Ao remate do festival desprazámonos ata a Fraga, outro lugar ben bonito do concello, eso sí sempre acompañados pola chuvia. Alí puidemos xantar ainda que tivo que ser a cuberto. Foi unha mágoa non poder disfrutar máis da zona, pero prometimos voltar. Se o ano que ven se volve facer nas Pontes, alí estaremos coas nosas cancións.
(La Voz de Galicia recolleu nesta noticia o alí acontecido)
O pasado 10 de maio, os alumos de Relixión Católica fixeron un percorrido polas rúas da Pontevedra histórica, contemprando prazas, rúas e edificios, e en xeral o seu urbanismo. Tamén pararon na Basílica de Santa María, a Peregrina e San Bartolomé, Eugenio Montero Ríos e Pazo de Lourizán. Un legado difícil de igualar. Non deixaron de coñecer os tesouros que o Museo provincial de Pontevedra alberga.
(O texto é do profesor Antonio Fondo, as fotos, da alumna Pilar López de la Osa)
Valeria, alumna deste instituto, ven de proclamarse Campeona Galega de Ximnasia Rítmica no nivel Junior Federada (Absoluta), no seus dous aparellos: Corda e pelota. Asemade, o seu equipo quedou subcampeón.
Valeria representará a Galicia no campeonato de España. Parabéns!
Nas dúas semanas anteriores á Semana Santa os alumnos de 1º de Bacharelato de Anatomía Aplicada realizaron no laboratorio de Bioloxía do centro unha práctica de disección do corazón dun porco ou vaca. O alumnado puido apreciar neste órgano a disposición das distintas veas e arterias, as cavidades coronarias, as válvulas que regulan o fluxo sanguíneo, o diferente grosor da parede das cavidades en relación coa forza que necesitan para impulsar o sangue, etc realizando a disección por sí mesmos.
1.- “Eu definiría este intercambio con tres palabras que penso que o describen á perfección:
emocionante, inesquecible e enriquecedor.
Aínda que este intercambio foi o primeiro que fixen, estou chea de ledicia por poder realizalo e asegúrovos que, se algunha vez tedes a posibilidade de ir, saberedes que é unha experiencia incrible e que paga a pena vivila.
Esta viaxe non só me serviu para coñecer diferentes culturas e persoas, senón tamén para mellorar o meu francés e darme conta de que o mundo e a súa diversidade son moito máis grandes do que imaxinara.
Coñecín unha familia encantadora da que me namorei, pois fíxome sentir coma se estivese na miña casa e coidaron de min coma un membro máis da familia.
Dende o primeiro momento compenetrei moi ben coa rapaza francesa que me tocou e sempre estivemos xuntas. Ambas puxemos en práctica o noso francés e castelán, pasámolo moi ben coas nosas amigas, e o máis importante, fixemos novas amizades.
Aprendín a ser máis consciente dos meus alcances e límites, polo que aumentei a confianza en min mesma e a miña capacidade de ser independente. Expandín a miña visión do mundo e viaxei para coñecer novos lugares, descoñecidos para min ata entón.
Agora que xa estou de volta e miro a miña maleta, sei que non só traio comigo bens materiais, senón tamén aprendizaxe, experiencias e emocións, recordos, e vínculos, que sen dúbida, valen calquer esforzo.
"O mundo é un libro, e aqueles que non viaxan, len tan só unha páxina".
Para finalizar, quero darlle as grazas a todas esa persoas que fixeron posible que o intercambio se levara a cabo.
Un saúdo, Carolina Sanmartín Pérez, 3ºA.”
2.-“Intercambio A Coruña-Fontenilles 2016
Aínda me parece que foi onte cando saltaba de emoción ó ver o meu nome na listaxe de admitidos ao intercambio de Francia e, sen darme conta, xa estamos de volta.
Atrás quedan os preparativos para recibir aos nosos “corres”, a festa de despedida que con tanta ilusión lles preparamos, as largas horas de autobús, o día da súa festa (na que bailamos e cantamos sen parar, ata quedar sen voz e case romper as pernas)...
É, sen dúbida, unha vivencia moi recomendable,non só polo aprendizaxe da lingua francesa (que é o motivo principal polo que se impulsa esta actividade), senón tamén porque quizais sexa a primeira vez que saes só da casa, e iso fai más independente ás persoas. Ademais coñeces unha cultura diferente, convives durante uns días con unha familia que no é a túa...
Xa só quedan recordos desta marabillosa experiencia, pero seguiremos mantendo viva a amizade que comezamos aló polo mes de outubro. Levaremos sempre no noso corazón a Fontenilles e a súa xente. Hasta sempre!
Guillermo Alonso-Jáudenes, 3º A”
3.- “Este intercambio foi unha gran e marabillosa experiencia. Grazas a el tiven a fantástica oportunidade de perfeccionar e aprender un idioma e cultura excepcionales, descubrir a gastronomía da zona, ver algunhas cidades e coñecer parte da súa historia con xogos. Nesta viaxe paseei por Toulouse, onde visitei moitos lugares (o Capitolio, a basílica de Saint Sernin...) e aprender cousas deles con entretidos xogos; estiven en Auch, onde probei deliciosos platos, coñecín a catedral...; visitei museos, como a Cité de l'Espace, un museo con temática espacial...
Tamén puiden coñecer a unhas estupendas persoas, e observar de preto o día a día dunha familia francesa.
En resumen, volvería a Francia sen dubidalo e recomendo a todo o mundo participar nesta actividade.
Sabela Tembrás, 3º A”
4.-≈A miña experiencia en Francia ≈
O domingo día tres, ás sete da mañá, saía da praza de Pontevedra un autobús que nos levaría aos meus compañeiros e a min rumbo a Fontenilles para devolverlles a visita aos nosos corres franceses, aos que tanto botáramos en falta dende o mes de outubro.
A recibida foi magnífica, eu saín correndo a abrazar a miña corres, Chloé. As familias acolléronos moi ben, fixéronos sentir como un membro mais da familia. Acudimos a unha festa de benvida e outra de despedida na que cantamos unha canción de Zaz , ademais algúns de nos, interpretamos unha pequena obra chamada " Madame Martin ".
Fixemos moitas visitas nas que aprendemos moito tanto do idioma coma da cultura francesa. Fomos a Toulouse onde percorremos a cidade nun tren turístico, visitamos o Capitole e o mercado de Víctor Hugo. Tamén visitamos Auch acompañados dos nosos amigos franceses onde estivemos nunha escola de hostalería na que aprendemos a cociñar algúns pratos franceses. Fomos á Cité de l´Espace onde aprendemos moito sobre os astronautas e mesmo nos sacamos unha foto cun foguete e visitamos unha estación espacial.
Foi unha experiencia única e inesquecible que recoméndolle a todo o mundo, na que aprendín moito e fixen moitos amigos. Eu xa estou desexando que a miña corres me visite de novo no verán !!
Alumnos de 2º de Bacharelato do IES Plurilingüe Eusebio da Guarda participantes na Olimpiadas Galegas de Física e de Química 2016. De esquerda a dereita: Carlos Sáez López (medalla de bronce na fase local de Física), Carlos Cortón Cobas, Gala Cabirta Touzón, Adrián Quiroga Rodríguez, Andrea Díaz Rodríguez, Nuria Tellado López, Alejandro Brao González (4º posto na fase local de Química e sexto na galega), José Miguel Balado Alves, Sofía de Bernardo Gallart, Antón Yáñez Mendía, Alba León Álvarez e Carlos Rodríguez Barrientos (suplente na fase local de Física). Están acompañados pola Directora Mª Isabel Ruso de Lago e os profesores de física e química Mª del Carmen Díaz Cabanas, Miguel García Rodríguez e Pedro L. Rodríguez Porca.
Acto de entrega de diplomas e premios da XXXIII Olimpiada Galega de Química e da XXVII Olimpiada Galega de Física, celebrado o 14 de abril de 2016 na Aula Magna de Falcultade de Química da Universidade de Santiago de Compostela e presidido polo Director Xeral de Educación D. Manuel Corredoira López. Á esquerda Carlos Sáez López, medalla de bronce na fase local de Física.
A expedición de alumnos do Eusebio fixo entrega dun agasallo á alcaldesa do pobo, lembrando a antigüedade do noso instituto, asemade a relación que temos co pobo francés.
Os alumnos que participaron na Fase Local da XXXIII Olimpiada Galega de Química na Facultade de Ciencias da Universidade de A Coruña foron Andrea Díaz Rodríguez, Gala Cabirta Touzón, Carlos Sáez López, José Miguel Balado Álvarez, Adrián Quiroga Rodríguez e Alejandro Brao González.
Nos vindeiros días un numeroso grupo de alumnos de primeiro de bacharelato viaxarán a Italia para compartir experiencias con alumnos do Liceo Regina Margherita de Salerno. Eles pediron unha foto para a súa páxina web e enviaron unha súa para facer o mesmo. Aquí podedes ver as dúas. Boa viaxe!
Como dixeramos recentemente, dúas alumnas participaron na terceira edición da Olimpíada. Carolina Ojea acadou un terceiro posto, mentres que Paula Herrero alzouse co triunfo absoluto, tendo así abertas as portas para participar na edición nacional, que se celebrará proximamente en Oviedo. A súa profesora, Nieves L. Agrasar, salientou o elevadísimo nivel dos participantes. Parabéns!
A pasada semana o alumno David Vaamonde recolleu, de mans do Director Xeral e do Presidente da Xunta de Galicia, un premio polo seu expediente académico da E.S.O.
