Novidades

Maio de libros

Enviado por Anónimo o Ven, 25/05/2012 - 11:15
Se na última entrada falabamos de cine, agora imos facelo de libros; novidades que xa podes atopar na túa biblioteca escolar. Non o dúbides, maio é un bo mes para ler.

Novela de ajedrez / Stefan Zweig

Acantilado, 2011

 
Novela de ajedrez  
Sen capacidade para calquera outra actividade intelectual, Mirko Czentovicz revelouse, xa dende neno, como un xenio do xadrez, do que chegou a ser campión do mundo. Pero, nunha viaxe en barco de Nova York a Bos Aires, preséntaselle un enigmático contrincante: o señor B., nobre vienés que foxe dos nazis. Un dos pasaxeiros do vapor achégase aos dous personaxes acompañando o lector á confrontación entre os dous xogadores. Se Novela de xadrez nos presenta o choque de dúas naturezas antagónicas, móstranos tamén, e en boa medida, a capacidade de resistencia do ser humano sometido a unha presión extraordinaria. E todo iso cunhas grandes doses de intriga e mestría.  


Materia: 1. Xadrez-Novelas. 2. Viaxes-Novelas. 3. Relacións persoais-Novelas

Dispoñible na sección de Lingua española e Literatura: LES-N/ZWE/nov

 

Los girasoles ciegos / Alberto Méndez 

RBA,  2009

 
Los girasoles ciegos  
Un capitán do exército de Franco que, o mesmo día da Victoria, renuncia a gañar a guerra; un neno poeta que foxe asustado coa súa compañeira nena embarazada e vive unha historia vertixinosa de madureza e morte no breve prazo duns meses; un preso no cárcere de Porlier que se nega a vivir na impostura para que o verdugo poida ser cualificado de verdugo; por último, un diácono rijoso que enmascara a súa lascivia tras o fascismo apostólico que reclama o sangue purificador do vencido. Son historias dos tempos do silencio, cando daba medo que alguén soubese que sabías. Catro historias, sutilmente engarzadas entre si, contadas dende a mesma linguaxe pero cos estilos propios de narradores distintos que van perfilando a verdadeira protagonista desta narración: a derrota.
Premio Nacional de Literatura 2005, Premio da Crítica 2005, Premio Setenil 2004.

Materia: 1. Postguerra-Relatos. 2. España-Historia-1936-1939 (Guerra Civil)-Relatos

Dispoñible na sección de Lingua española e Literatura: LES-N/MÉN/gir

 

 

Sentimentalismo : antoloxía de referencia : Etapa de Implantación / [selección] Carlos Arias, Mariña Pérez Rei 

Bubela,  2011

 
Sentimentalismo  

Son sete poetas os que toman parte nesta obra: Yolanda Castaño, Xulio Cid Neira, Olalla Cociña, Francisco X. Fernández Naval, Xabier López Marqués, Baldo Ramos e Eva Veiga, nunha antoloxía coordinada polos tamén escritores Carlos Arias e Mariña Pérez Rei.   Pertencen a distintas xeracións, proveñen de diferentes traxectorias pero súmanse agora á antoloxia do Sentimentalismo, que se apresenta como "movemento de vangarda artística galega"

Dispoñible na sección de Lingua galega e Literatura: GAL-P/SEN

 

Castelao na luz e na sombra / Valentin Paz-Andrade 

Edicións do Castro,  1986

 
Castelao na luz e na sçombra   Con motivo da celebración do mes das Nosas Letras, que este ano homenaxea a figura de Valentín Paz-Andrade, a biblioteca incrementou colección bibliográfica do autor con varias das súas obras máis significativas. Como mostra, presentamos unha delas, obra que vira a luz no xa afastado 1982, cando Paz-Andrade xa tiña máis de oitenta anos e despois de anos de traballo entregado a unha investigación minuciosa e chea de rigor co obxectivo xa non só de presentarnos un Castelao o máis completo posible senón, como o mellor historiador faría, aproveitando a figura do rianxeiro para explicarnos unha época e as angueiras vitais de toda unha xeración irrepetible.

Materia: 1. Castelao, Alfonso R-Crítica e interpretación

Dispoñible na sección de Lingua galega e Literatura: GAL/PAZ/cas
 

Revolting Rhymes and Dirty Beasts / Roald Dahl

 
Audiolibro   O xenial Roald Dahl é un dos máis recoñecidos autores de literatura infantil e xuvenil en inglés. Na sección de Lingua inglesa e Literatura da biblioteca contamos con varias obras súas en versión orixinal ás que se une agora este audiolibro con varias historias froito da imaxinación deste escritor imprecindible.

Materia: 1. Contos infantís. 2. Audiolibros

Dispoñible na sección de Lingua iglesa e Literatura (situación: Departamento): DI-CD/82/DAH/rev
 

Maio: novidades audiovisuais

Enviado por Anónimo o Xov, 24/05/2012 - 11:20
Co mes de maio chegan novos títulos en DVD a biblioteca do centro. Son varias películas, pero tamén unha interesante serie documental de temáticas histórica. Pasa e bota unha ollada...

18 comidas / Jorge Coira

Avalon, 2011

 
18 comidas  
Película cinematográfica. Nacionalidade: España, 2010. -- Int.: Luis Tosar, Esperanza Pedreño, María Vázquez, Cristina Brondo, Sergio Peris Mencheta, Víctor Clavijo, Juan Carlos Bellido, Víctor Dupla, Xosé Barato, Pedro Alonso, Milan Tocinovski. -- Sinopse: 18 comidas conta seis historias ao longo dun único día de ficción. Unha película de formato pouco convencional -con guión pero con diálogos abertos á improvisación- que viaxa a través de dezaoito comidas -almorzos, xantares e ceas- que nos fan partícipes dalgúns deses momentos que poden cambiar unha vida... -- Idiomas (5.1): castelán, galego, inglés e macedonio. Subtít.: castelán, galego e inglés. -- Aut para todos os públicos 


Materias: 1. Cine de comedia-Videogravacións. 2. Vida cotiá-Películas. 3. Cine dramático-Videogravacións. 4. Comidas-Películas. 5. Relacións persoais-Películas

Dispoñible na sección de Audiovisuais e multimedia: DV-791/18

 

 

 

Crebinsky / Enrique Otero 

S.N.  2011

 
Crebinsky  
Película cinematográfica: Nacionalidade: España, 2011. -- Int.: Miguel De Lira, Sergio Zearreta, Luis Tosar, Celso Bugallo, Yolanda Muiños, Farruco Castromán, Oliver Schultz, Patricia De Lorenzo, Iván Marcos, Jorge Taboada, Antía Baget, Óscar Pombo, Manuel Cortés, Oliver Bigalke, Roberto Sánchez, Pepe Soto, Danny Raatzke. -- Sinopse: As choivas torrenciais provocan a enchente dun río, cuxas augas inundan un pobo. A corrente arrastra aos irmáns Crebinsky e á súa vaca, que reaparecen milagrosamente vivos nun lugar da costa. Instalados alí, ao pé dun faro, sobreviven recollendo o que trae o mar. Illados dos conflitos bélicos, os irmáns crean o seu propio mundo: un universo particular feito de realismo e fantasía. -- Idiomas: galego, castelá


Materia: 1. Irmáns-Películas. 2. Humor-Películas. 3. Galicia-Películas. 4. Realismo máxico-Películas. 5. Cine galego-Videogravacións

Dispoñible na sección de Audiovisuais e multimedia: DV-791/CRE


 

El señor de las moscas = Lord of the Flies / Harry Hook 

Twentieth Century Fox Home Entertainment España,  2007

 
El señor de las moscas  

Película cinematográfica. Nacionalidade: EE.UU, 1990. -- Int.: Balthazar Getty, Chris Furrh, Danuel Pipoly, James Badge Dale, Andrew Taft, Edward Taft, Gary Rule. -- Sinopse: Con motivo da guerra, os nenos dunha rexión inglesa son evacuados en avión. Un dos aparatos sofre unha avaría e cae ao mar, preto dunha illa deserta. Os nenos sobreviventes chegan á illa, levando consigo o piloto que está malferido. En tal circunstancia, non terán máis remedio que organizarse se queren sobrevivir... Adaptación da novela homónima do premio Nobel de literatura William Golding. -- Idiomas (Dolby Surround): castelán, inglés, francés, alemán (mono), italiano (mono). Subtít.: castelán, francés, italiano, nederlandés, sueco, finés, noruegués, danés, portugués, grego, inglés para xordos, alemán para xordos. -- Non recomendada a menores de 13 anos

Materia: 1. Supervivencia-Películas. 2. Adolescencia-Películas. 3. Cine dramático-Videogravacións. 4. Rivalidades-Películas. 5. Literatura no cine-Películas. 6. Loita entre o ben e o mal-Películas. 7. Illas-Películas

Dispoñible na sección de Audiovisuais e multimedia: DV-791/SEÑ


 

El imperio romano = Rome : Rise and fall of an empire 

Divisa Home Vídeo, 2009

 
El Imperio Romano  

Película documental. Estados Unidos, 2008. -- Sinopse: Esta serie é unha experiencia única. Unha visión de primeira man da vida nas rúas, nos campos de batalla e no Senado da antiga Roma. A través de coidadas dramatizacións, espectaculares recreacións de batallas e unha detallada ambientación asisitimos a unha apaixonante crónica da historia do maior imperio da historia. -- Idiomas (estéreo): castelán, inglés, portugués. -- Aut. para todos os públicos

Materia: 1. Roma-Historia-Imperio 30 a. C-248 d. C-Videogravacións

Dispoñible na sección de Audiovisuais e multimedia: DV-94/IMP


 

Un par de novidades para Tecnoloxía

Enviado por Anónimo o Xov, 10/05/2012 - 12:01
Comezamos maio con novas incorporacións. Neste caso, dous títulos que enriquecen a sección de Tecnoloxía da nosa biblioteca escolar.

Electrotecnia / José García Trasancos

Paraninfo, 2010

 
Electrotecnia  
Para os alumnos de Bacharelato Tecnolóxico e de Formación Profesional, este libro facilita a aplicación razoable dos coñecementos teóricos á resolución de problemas. 


Materias: 1. Electrotecnia-Prácticas

Dispoñible na sección de Tecnoloxía: TC-621/GAR/ele

 

Ejercicios de Tecnología Industrial II  / José Otero Arias, Javier Maza Gracia

Editorial Donostiarra,  2009

 
Ejercios de tecnología industrial II  
Este caderno consta dunha colección de problemas resoltos, pretendendo ser unha axuda para os alumnos que cursan 2º bacharelato ou, no seu caso, preparan as probas de acceso á universidade. Por iso incluíronse exercicios de probas correspondentes a diversas Comunidades Autónomas. Tamén serve para preparar probas de acceso a ciclos formativos.
Os bloques desenvolvidos comezan cunha introdución teórica, que tan só pretende ser un recordatorio dos conceptos e fórmulas máis importantes que se van aplicar na resolución de exercicios. Esta introdución serve de recordatorio da teoría estudada e á súa vez para que o alumnos acceda de forma rápida a aquelas fórmulas necesarias para a resolución dos exercicios.


Materia: 1. Enxeñería industrial

Dispoñible na sección de Tecnoloxía: TC-62/OTE/eje

 

Novidades cinematográficas de abril

Enviado por Anónimo o Xov, 26/04/2012 - 11:30
Continuamos presentando novas incorporacións ao fondo da biblioteca. Concretamente dous títulos fundamentais que esta semana incorporamos a sección de audiovisuais e multimedia. Dúas auténticas obras mestras do cine, unha realizada na década dos 70, a outra moito máis recente; as dúas atemporais e imprescidibles.

El árbol de la vida = The Tree of Life / dir. Terrence Malick

Tripictures, 2011

 
El árbol de la vida  
Película cinematográfica. Nacionalidade: EE.UU., 2011. -- Int.: Brad Pitt, Jessica Chastain, Hunter McCracken, Sean Penn, Laramie Eppler, Tye Sheridan, Fiona Shaw, Crystal Mantecon, Pell James, Joanna Going, Kari Matchett, Michael Showers. -- Sinopse: Estados Unidos, anos 50. Jack é un neno que vive cos seus irmáns e os seus pais. Mentres que a súa nai encarna o amor e a tenrura, o seu pai representa a severidade, pois a cre necesaria para ensinarlle o neno a enfrontarse a un mundo hostil. Ese proceso de formación esténdese dende a nenez ata a idade adulta. É entón cando Jack evoca os momentos transcendentes da súa infancia e trata de comprender que influencia tiveron sobre el e ata que punto determinaron a súa vida. -- Idiomas (5.1): inglés, castelán, catalán. Subtít.: castelán, catalán, castelán e inglés para discapacitados auditivos. -- Aut. para todos os públicos 


Materias: 1. Cine dramático-Videogravacións. 2. Relación pai-fillos-Películas. 3. Recordos-Películas. 4. Familia-Películas

Dispoñible na sección de Audiovisuais e multimedia: DV-791 / ARB

Trailer cinematográfico

 

Novecento (1900)  / dir . Bernardo Bertolucci 

Divisa,  2008

 
Novecento  
Película cinematográfica. Nacionalidade: Italia, Francia, Alemania, 1976. -- Int.: Gérard Depardieu, Robert De Niro, Dominique Sanda, Stefania Sandrelli, Donald Sutherland, Burt Lancaster, Sterling Hayden, Francesca Bertini, Laura Betti, Werner Bruhns, Stefania Casini, Anna Henkel, Ellen Schwiers, Alida Valli, Romolo Valli. -- Sinopse: No ano 1901, nun terreo no norte de italia, nacen o mesmo día o fillo dun terratenente e o fillo dun braceiro. A película narra a vida de ambos os dous e as súas respectivas familias. A amizade dos protagonistas verase anubrada polas súas diferentes actitudes fronte ao fascismo. Famoso drama que fai un complexo recorrido político e social pola Italia do século XX. -- Idiomas: castelán, italiano, inglés. Subtít.: castelán, portugués. -- Non recomendada a menores de 18 anos


Materia: 1. Cine histórico-Videogravacións. 2. Cine dramático-Videogravacións. 3. Amizade-Películas. 4. Clases sociais-Películas. 5. Italia-Películas. 6. Relacións persoais-Películas. 7. Loita de clases-Películas

Dispoñible na sección de Audiovisuais e multimedia: DV-791 / NOV

 

Os libros da memoria: Exposición Día do Libro. Arredor da memoria

Enviado por Anónimo o Mér, 25/04/2012 - 11:43
Con motivo do Día Internacional do Libro, que se celebrou o 23 de abril, a biblioteca fixo unha pequena escolma bibliográfica con obras relacionados coa memoría, tema principal arredor do que xira a programación de actividades do IES de Brión neste curso académico. A exposición permanecerá na sala ata comezos de maio.

O saber do pobo / Calixto Albán Laxe

Xerais, 2003

 
O saber do pobo  
Este volume ocúpase dun dos campos máis fértiles do nos patrimonio inmaterial, o do vizoso repertorio dos bailes e música tradicionais de Galicia e dalgúns elementos etnográficos relacionados con eles, como a roupa e os adornos indumentarios, os instrumentos musicais ou as celebracións e as actividades colectivas que ofrecían escenario para cantos e danzas. Un coidado volume enciclopédico que recompila e actualiza, por vez primeira, toda a información dispoñible sobre o traxe tradicional galego, os seus tecidos, agremáns e as súas diferencias territoriais. Un estudio novidoso sobre os bailes (muiñeira, xota, fandango, zapateado, seguidilla), as danzas (gremiais, pagás, relixiosas), o cancioneiro e as reunións festivas (fiadeiros, seráns, malla, vesadas, muiñadas…) propios da cultural tradicional galega. Unha descrición detallada dos instrumentos do folclore galego (percutivos, de fricción e vento), que se completa co primeiro vocabulario específico sobre o noso floclore. A cantidade de fontes citadas ou consultadas e a profusión de información textual e gráfica que contén este libro singular no noso eido editorial non empecen a amenidade e transparencia das súas páxinas, que non son obra dun floclorista de academia, senón dun artista, Calixto Albán Laxe, que vive con paixón o baile tradicional de Galicia e ensina os seus segredos nas colonias galegas espalladas polo mundo.
 

Dispoñible na sección de Ciencias Sociais: CS-391/ALB/sab

 

Creencias y tradiciones de los pescadores gallegos, británicos y bretones  / Fernando Alonso Romero 

Xunta de Galicia,  1996

 
Creencias y tradiciones de los pescadores gallegos, británicos y bretones  
Houbo un tempo no que o mar foi compartido por todos aqueles dispostos a manobrar nos perigos, por aqueles que sabían ler en cada onda, interpretar cada cor do ceo, escoitar cada vento. Naquela época o mar era un enorme horizonte sen fronteiras, poboado polo esforzo común de homes de linguas e culturas distintas, capaces de comprender, acoller e convivir. Desa convivencia, do contacto e do esforzo compartido, naceu un xeito común de interpretar o mundo, un universo de crenzas e valores semellantes, válidos para aqueles pobos costeiros que compartían o mar.



Dispoñible na sección Ciencias Sociais: CS-39/ALO/cre

 

Aldeas / Carlos  Rodrígues Brandão

Toxosoutos,  2003

 
Aldeas  
Unha obra única. Un percorrido pola Galicia de sempre a través das impresións dun viaxeiro, o antropólogo brasileiro Carlos Rodrígues Brandão, que a comezos da pasada década atopouse por casualidade cun anaquiño de Brión, a parroquía de Sta. María de Ons. Da convivencia cos deus veciños nace este libro, unha fonte de coñecemento imprescindible sobre as formas de vida tradicional que ainda perduran nas aldeas de Galicia.



Dispoñible na sección de Ciencias Sociais: CS-39/ROD/ald

 

Chirlosmirlos / Antón Cortizas

Xerais,  2001

 
Chirlosmirlos   Chirlosmirlos. Enciclopedia dos xogos populares, resultado dun labor de investigación e de organización realizado a.o longo de varios anos, reune máis de catrocentos xogos, coas súas variantes e con propostas de adaptación ou anovación nalgúns dos casos. Xogos de correr ou de agochar; xogos de grupos e de equipos; xogos de roda; xogos con pelota; xogos das lombas; xogos das bólas ou con peón; xogos das tabas, coios e dados; xogos de lanzar ou de espetar; xogos da billarda; xogos da chapa; xogos da goma, da corda ou con aros; xogos para xogar no colo cos máis cativos; e un bo repertorio de can cións para choutar á corda. Chirlosmirlos é un libro de divulgación para estender e relembrar a arte de xogar. Con ser esta unha obra de alto contido etnográfico, de recolleita histórica, está concebida cun criterio eminentemente práctico e de fácil comprensión, para o seu uso no ámbito familiar, así como en centros escolares, asociacións, colonias, campamentos, ou nas actividades dos concellos. Esta enciclopedia contén numerosas ilustración explicativas de cada xogo; e tamén as partituras de moitas das cancións, producto dunha laboriosa transcrición musical.

Dispoñible na sección de Ciencias Sociais: CS-394/COR/chi
 

Memorias dun neno labrego / Xosé Neira Vilas

Galaxia,  2010

 
Memorias dun neno labrego   Sen dúbida, unha das obras máis fermosas da nosa literatura contemporánea. O que o lector, ou a lectora, ten nas mans é o libros máis lido e máis traducido da literatura galega. Memorias dun neno labrego, de Xosé Neira Vilas recolle o suposto caderno no que Balbino, un rapaz de aldea que vive na década de 1940, escribe: "Vexo o mundo darredor de min e adoezo por entendelo [...]Ninguén me di para que serven as estrelas nin onde morrren os paxaros".

Dispoñible na sección de Lingua galega e Literatura: GAL-N/NEI/mem
 

Abril, mes do libro a da lectura: Novidades da biblioteca, 1ª parte

Enviado por Anónimo o Ven, 13/04/2012 - 11:25
"En abril, libros mil" Porque estamos no mes no que se celebran dúas importantes efemérides relacionadas co libro e a lectura: O Día Internacional do Libro Infantil (02 de abril) e o Día Mundial do Libro (23 de abril). Por iso, queremos presentar moitas novidades ao longo do mes. Comezamos por uns títulos imprescindibles chegados esta semana a túa biblioteca.

Fundación / Isaac Asimov

Debolsillo, 2011

 
Fundación  
O home dispersouse por toda a galaxia. A capital do Imperio é Trántor, niño de intrigas e corrupción. Grazas á súa ciencia, fundada no estudo matemático dos feitos históricos e o comportamento das masas, o psicohistoriador Hari Seldon prevé a caída do Imperio e o retorno á barbarie durante varios milenios. Co fin de reducir este período de barbarie a mil anos, Seldon decide crear unha Fundación nun extremo da galaxia.  


Materia: 1. Ciencia ficción-Novelas 2. Vida futura-Novelas

Dispoñible na sección de Lingua española e Literatura: LES-N/ASI/fun

 

Einstein y las máquinas del tiempo  / Luca Novelli 

Editex,  2007

 
Einstein y las máquinas del tiempo  
Neste libro é o mesmo Einstein quen te acompaña nunha fermosa viaxe. Falarache da súa paixón pola física, os violíns e a paz. Non conseguiu patentar a máquina do tempo, pero sentou as bases para que alguén a constrúa, quizais nun futuro próximo... Luca Novelli naceu en Milán, Italia, en 1947. Escritor e deseñador, ama abordar temas científicos e tecnolóxicos, explicándoos aos nenos e mozos con ilustracións e unha gran dose de humor.


Materia: 1. Einstein, Albert

Dispoñible na sección de Biografías: B/EIN/nov

 

Ensayo sobre la ceguera / José Saramago 

Punto de Lectura,  2008

 
Ensayo sobre la ceguera  
Unha cegueira branca expándese de xeito fulminante. Internados, en corentena ou perdidos pola cidade os cegos deben enfrontarse ao máis primitivo da especie humana: a vontade de sobrevivir a calquera prezo. José Saramago, Premio Nobel de Literatura 1998, tece unha aterradora parábola acerca do ser humano, que encerra o máis sublime e miserable de nós mesmos.   



Dispoñible na sección de Lingua española e Literatura: LES-N/SAR/ens

 

Ensayo sobre la lucidez / José Saramago 

Punto de Lectura,  2010

 
Ensayo sobre la lucidez   Durante as eleccións municipais dunha cidade sen nome, a maioría dos seus habitantes decide individualmente exercer o seu dereito ao voto dun xeito inesperado. O goberno teme que ese xesto revolucionario, capaz de socavar os ciemientos dunha democracia dexenerada, sexa produto dunha conxura anarquista internacional ou de grupos extremistas descoñecidos. As cloaclas do poder póñense en marcha: os culpables teñen que ser eliminados. E se non se achan, invéntase. Os protagonistas desta nova novela de Saramago, un comisario de policía e a muller que conservou a vista na epidemia de luz branca de Ensaio sobre a cegueira, dan mostras da altura moral que os cidadáns anónimos poden alcanzar cando deciden exercer a liberdade.
Fábula, sátira e traxedia pero, sobre todo, unha novela profundamente política. Nunca ninguén contara esta historia, e nunca ninguén o poderá facer despois. A novela da que máis se vai falar este ano, na que Saramago lanza unha chamada de alerta: «Pode suceder que un día
teñamos que preguntarnos Quién asinou isto por min». Ese día pode ser hoxe.


Materia: 1. Crítica social-Novelas. 2. Medios de comunicación-Novelas. 3. Política-Novelas

Dispoñible na sección de Lingua española e Literatura: LES-N/SAR/ens
 

La casa del silencio / Orhan Pamuk

Random House Mondadori,  2010

 
La Casa del silencio   Considerado a máxima voz da literatura turca, esta novela clásica e renovadora á vez constrúe un gran fresco da historia de Turquía e dos seus acontecementos máis relevantes. Pamuk ofrécenos os cen últimos anos de historia do pobo turco mentres nos fala da busca das raíces, a necesidade do cambio social e o difícil equilibrio entre tradición e influencia occidental.

Materia: 1. Recordos-Novelas. 2. Familia-Novelas. 3. Turquía-Novelas

Dispoñible na sección de Lingua española e Literatura: LES-N/PAM/cas
 

27 de marzo, Día Internacional do Teatro

Enviado por Anónimo o Mér, 28/03/2012 - 11:14
O Día Mundial do Teatro foi creado en 1961 polo Instituto Internacional do Teatro (ITI). Celébrase anualmente o 27 de marzo polos Centros ITI e a comunidade teatral internacional. Varios eventos teatrais nacionais e internacionais son organizados para conmemorar esta ocasión. Un dos máis importantes é a circulación da Mensaxe Internacional do Día Mundial do Teatro a través do cal, por convite do ITI, unha figura de talle mundial comparte as súas reflexións sobre o tema de Teatro e unha Cultura de Paz. A primeira Mensaxe Internacional do Día Mundial do Teatro foi escrita por Jean Cocteau (Francia) en 1962. A biblioteca do centro quere render a súa especial homenaxe a esta efeméride cinha pequena exosición bibliográfica. A continuación,  unha pequena mostra.

La casa de Bernarda Alba / Federico García Lorca

Cátedra

 
Casa de Bernarda Alba  
«La casa de Bernarda Alba» constitúe un expoñente máis da capacidade de Federico García Lorca para xuntar a tradición e a vangarda por medio dun teatro simbólico de índole moi persoal que o sitúa entre os valores máis destacados do canon internacional. O autor granadino continúa no camiño da experimentación con temas, personaxes e xéneros da tradición teatral, aos que presenta, dende inusitadas perspectivas e filtra polo baruto dunhas modernas técnicas expresivas debedoras das máis renovadoras vangardas do momento, xunto cun afondamento nas posibilidades connotativas dos símbolos  


Materia: 1. Teatro

Dispoñible na sección de Lingua castelá e Literatura: LES-T/GAR/cas

 

Tartufo / Molière 

Vicens Vives,  2004

 
Tartufo  
Cinco anos tivo que esperar Molière para que o seu Tartufo puidese representarse libremente. Tras unha primeira e única posta en escena en 1664, a obra foi prohibida ata 1669. No ínterim Molière houbo de escribir distintas versións da comedia e puido así eludir censuras e mesmo ameazas de morte na cacharela. Os máis altos personaxes do reino, institucións relixiosas e dramaturgos mobilizáronse para acalar a súa denuncia sobre os hipócritas. Tartufo ou o impostor atacaba certos grupos de poder que non permitiron quedar en evidencia e premeron sobre o novo rei Luis XIV nun momento apaixonante de intrigas palacianas e feroz loita ideolóxica e relixiosa.

Materia: 1. Teatro

Dispoñible na sección de Lingua castelá e Literatura: LES-T/MOL/tar

 

Esperando a Godot/ Samuel Beckett 

Tusquets,  2007

 
Esperando a Godot  
Cando en 1953 se estreou en París Esperando a Godot, case ninguén sabía quen era Samuel Beckett, salvo, quizais, os que xa o coñecían como ex secretario doutro irlandés, non menos xenial, James Joyce. Por aquelas datas, Beckett tiña escrita xa gran parte da súa obra literaria; non obstante, para moitos, pasou a ser «o autor de Esperando a Godot». Dise que, dende aquela primeira posta en escena -que, realizada polo gran Roger Blin, causou estupefacción e obtivo tanto éxito- ata os nosos días, non houbo ano en que, nalgún lugar do noso planeta, non se representase Esperando a Godot. Máis de corenta anos nos escenarios do mundo! O propio Beckett comentou en certa ocasión, pouco depués de recibir o Premio Nobel de Literatura en 1969, que Esperando a Godot era unha obra «horriblemente cómica». Si, todo o horriblemente cómica que pode resultar, a fin de contas, a angustiosa situación límite de dous seres cuxa vida e grotesco solidariedade fórxanse o a absurda e va espera dese quen sabe que (ou quen) ao que chaman Godot...


Materia: 1. Teatro

Dispoñible na sección de Lingua castelá e Literatura: LES-T/BEC/esp

 

A burla do galo e Animaliños / Roberto Vidal Bolaño

IGAEM,  2000

 
A burla do galo  

Roberto Vidal Bolaño non so é un dos grandes dramaturgos galegos contemporáneos, tamén é unha figura moi cercana a nós. Veciño de Brión nos seus últimos anos, Roberto foi unha persoa moi vinculada ao concello, que se integrou plenamente na vida local. A biblioteca do centro leva o seu nome, e nela contamos cun fondo especializado en teatro, doazón de Manuel Quintáns.
Na exposición atoparás dúas destacadas obras de Roberto, "A burla do galo" e "Animaliños", esta última ambientada nunha urbanización que moi ben podería ser a súa, non moi lonxe do instituto.

Materia: 1. Teatro

Dispoñible na sección de Lingua galega e Literatura: GAL-T/VID/bur - GAL-T/VID/ani

 

 

A fiestra valdeira / Rafael Dieste

IGAEM,  1994

 
Fiestra valdeira   A fiestra valdeira é unha comedia de ambiente mariñeiro, escrita polo autor Rafael Dieste e publicada en 1927. Consta de tres actos (tres lances), e está adicada a Constantino Candeira e a Antonio Dieste. A súa primeira representación tivo lugar en Rianxo no outono de 1935. Naquela ocasión foi dirixida por Castelao, que tamén interpretaba o personaxe principal, Don Miguel.

Materia: 1. Teatro

Dispoñible na sección de Lingua galega e Literatura: GAL-T/DIE/fie
 

21 de marzo, unha homenaxe á poesía

Enviado por Anónimo o Mar, 20/03/2012 - 13:03

O Día Mundial da Poesía é tributo á palabra poética proposto no ano 2001 pola Unesco, celébrase cada 21 de marzo (equinocio de primavera) co propósito de consagrar a palabra esencial e a reflexión sobre o noso tempo.

Dende a biblioteca do centro propoñemos unha pequena selección bibliográfica coa que celebrar esta efeméride, unha escolma que permanecerá no expositor de destacados durante a vindeira semana. A continuación, unha pequena mostra:


Poetízate / VV.AA.

Xerais, 2006

 
Poetízate  
A poesía non morde. E, aínda que haxa quen pense o contrario, non é aburrida, romanticona nin difícil. Esta divertida antoloxía poética demostra o contrario. De Rosalía de Castro ás poetas novas, propoñémosche unha viaxe polos poemas máis próximos, divertidos e desenfadados da poesía galega. Poetízate é un libro pensado para as persoas que non están afeitas a ler poesía. ¿Para que? Para cantar, berrar, recitar, rapear, musicar, rebelarse contra o mundo ou só para falar suave na orella. Este é un libro para sentir, gozar e intuír a poesía. Así que, xa o sabes: poetízate. Espírito e contidos do libro Poetízate –que consta do propio corpus poético, un limiar e unha «visita guiada» a xeito de epílogo– é obra do escritor Fran Alonso e nace coa vocación de levar a poesía ás aulas dun xeito desenfadado e buscando sempre a complicidade e a proximidade co lector ou lectora adolescente. O corpus de «Poetízate» percorre toda a poesía galega desde Rosalía de Castro até a actualidade e consta de arredor de 200 poemas seleccionados de perto de 80 autoras e autores. 


Materia: 1. Poesía

Dispoñible na sección de Lingua galega e Literatura: GAL-P/POE

 

Os nosos versos : Antoloxía / VV.AA. 

Xerais,  2003

 
Os nosos versos  
Poemas escritos para denunciar inxustizas, iluminar sombras, reivindicar vellos soños, expresar amor ou desamor, recrear lembranzas de infancia ou plasma-lo estado de ánimo en relación coa paisaxe, que invitan ó lector a comparti-lo arraigamento das terras gallegas e o sentir das súas xentes, a segui-los pasos de todos aquelos que fixeron da poesía un xeito de vida.

Materia: 1. Poesía

Dispoñible na sección de Lingua galega e Literatura: GAL-P/NOS

 

 

To the Winds Our Sails:  Irish writers translate Galician poetry/ edited by Mary O'Donnell and Manuela Palacios 

Salmon Poetry,  2010

 
To the winds our Sails  
Unha tradución ao inglés e ao gaelico de poesía galega escrita por mulleres, onde as súas tradutoras se procuraron maioritariamente entre colegas das illas, nun intento de reivindicar a visibilidade da poesía de muller tanto na nación irlandesa coma na nosa propia. Deste xeito, seleccionáronse de entre as poetas galegas vivas unha decena de nomes que representasen a pluralidade de xeracións e liñas de creación que na actualidade conviven no noso espazo literario. Así, xunto a veteranas de promocións precedentes como Luz Pozo Garza, María do Carme Kruckenberg e Xohana Torres, escolmáronse escritoras que se deron a coñecer principalmente a partir dos anos 80 do pasado século (Marilar Aleixandre, Ana Romaní e, un pouco máis tardiamente, Chus Pato e Luz Pichel) e, por remate, autoras que se revelaron ben andados os 90 e mesmo xa ultrapasado o milenio (María do Cebreiro, María Lado e Xiana Arias).


Materia: 1. Poesía

Dispoñible na sección de Lingua galega e Literatura: GAL-P/TOT

 

Antología de la poesía amorosa / VV.AA.

Vicens Vives,  2006

 
Antología de la poesía amorosa  

Amor e poesía, vida e literatura foron sempre realidades inseparables. Do gozo á amargura, da exaltación ao desengano, da sublimación do ser amado á paixón erótica, todos os afectos, todos os anhelos e nostalgias, todas as emocións caben no amor. Para reflectir en toda a súa complexidade tan variadas fecetas do sentimento amoroso os poetas, ao longo do tempo, puxeron en xogo unha amplia gama de estilos e formas expresivas.

Materia: 1. Poesía

Dispoñible na sección de Lingua castelá e Literatura: LES-P/ANT

 

Poesía con los jóvenes / Mario Benedetti

Visor Libros,  2009

 
Poesía con los jóvenes  

No mes de Maio de 1996, Mario Benedetti (Paso de los Toros, Uruguay, 1920) ofreceu un recital apoteósico no Colexio Maior Virxe de África de Madrid.
Gravamos en directo aquel acto son os poemas que recolle esta audiolibro, onde o propio Benedetti comentando o mellor da súa poesía.

Materia: 1. Poesía

Dispoñible na sección de Lingua castelá e Literatura: LES-P/BEN/poe

 

 

8M Día da Muller na biblioteca

Enviado por Anónimo o Xov, 08/03/2012 - 12:34
O 8 de marzo conmemorase o Día Internacional da Muller, unha efeméride na que mulleres e homes de todo o mundo lembran unha loita a prol da igualdade, a xustiza, a paz e o desenvolvemento que ten máis de 90 anos. A biblioteca escolar do centro quere ser partícipe deste espirito e sentimento, celebrando esta data a través dunha escolma de materiais bibliográficos e audiovisuais onde a muller e o seu papel na sociedade son protagonistas. A continuación, presentamos algunha destas obras, que poderás atopar nos expositores da sala:

Historia das mulleres en Galicia / Mar Liñares García... [et al.]

NigraTrea, 2011

 
Historia das mulleres en Galicia  
Obra en tres volumes na que destacadas autoras ofrecen unha visión sintética da traxectoria histórica das mulleres que viviron na Galicia dende a Prehistoria ata a Idade Moderna.
Contén: Prehistoria  Historia antiga / Mar Llinares García. Idade Media / Carmen Pallares Méndez. Idade Moderna / Ofelia Rey Castelao, Serrana Rial García
 
Materia: 1. Mulleres-Galicia-Historia


 

A memoria esquecida: peladas, presas, paseadas / Carme Alvariño ... [et al.] 

Servizo Galego de Igualdade / Andaina,  2006

 
A memoria esquecida  
Oito estudos e testemuños de mulleres que sufriron as nefastas consecuencias da guerra e a posguerra en Galicia. Unha delas, Consolo Rodríguez López, "Chelo", foi integrante da Guerrilla Antifranquista.

Materia: 1. Represión política-Galicia-1939-1975. 2. Violencia contra as mulleres. 3. Mulleres e guerra

 

La evolución de Calpurnia Tate / Jacqueline Kelly 

Rocabolsillo,  2011

 
La evolución de Calpurnia Tate  
Ser a única rapaza de seis irmáns na Texas de principios de S.XX non é doado. A nai de Calpurnia Tate quere que aprenda cousas de señorita: aprender a cociñar e coser, comportarse con propiedade, deixar de meterse en pelexas e tocar o piano. Non obstante ela goza saíndo a observar a natureza e recollendo espécimes que logo mostrará ao seu avó, o único interesado nas andainas de Callie. É máis: regalaralle un exemplar del orixe das especies e un caderno para que aplique o método científico ás súas observacións. Pero isto non é o único que Callie observa: ao seu arredor, a súa familia tamén vai vivindo pequenas epifanías. Uns irmáns namóranse e pártenlles o corazón, outros non pararán de meterse en altercados e outro non quererá, de ningún xeito que maten o pavo reservado para acción de grazas.

 

Materia: 1. Relación avós-netos-Novelas. 2. Relacións familiares-Novelas. 3. Crítica social-Novelas. 4. Mulleres-Novelas. 5. Amor á natureza-Novelas. 6. Ruptura de estereotipos-Novelas. 7. Bioloxía-Novelas. 8. Feminismo-Novelas

 

Aquel lugar / Antía Nara

Xerais,  2007

 
Aquel lugar   En "Aquel lugar", unha muller emprende unha viaxe a Lahore, Paquistán, unha cidade de encontro convertida agora nun lugar inseguro porque se pensa que alí se agachan destacados terroristas. En certa medida, Paquistán é un país á deriva, perdido na procura da súa identidade; un país de terras profundas onde a vida, para unha moza como Talat, non é doada. Pero, lonxe, en Galicia, hai outra terra profunda semellante á de al-Luaira. É o punto de procedencia dunha moza que decide a viaxe como un xeito de liberación, pero que atopa o mesmo.
Nesta novela, o debut literario de Antía Nara, mestúrase a violencia xeral coa particular, a tradición coa modernidade, o profundo coa superficialidade, a simplificación coa complexidade de dous mundos deixados á marxe. Polo momento, a viaxe queda como a única saída.


Materia: 1. Busca da identidade propia-Novelas. 2. Viaxes iniciáticas-Novelas. 3. Mulleres-Novelas. 4. Paquistán-Novelas
 

Las mujeres de verdad tienen curvas = Real women have curves / una película de Patricia Cardoso

Cameo,  2004

 
Las mujeres de verdad tienen curvas  

Ana, unha adolescente méxico-americana, está a punto de converterse en muller. Vive na comunidade hispana do Leste de Los Ángeles, e recén rematado o instituto o seu profesor anímaa para que solicite unha bolsa para estudar na Universidade de Columbia. Pero os seus tradicionais pais pensan que non é tempo para estudar, senón para axudar á súa familia. Dividida entre as súas ambicións persoais e a súa tradición cultural, accede a traballar coa súa nai na fábrica de costura da súa irmá, no centro de Los Ángeles.

Materia: 1. Mulleres-Películas. 2. Cine dramático-Videogravacións. 3. Relacións familiares-Películas

 

 

La teta asustada / una película de Claudia Llosa

Cameo,  2011

 
La teta asustada   Fausta padece de "A teta asustada", unha enfermidade que se transmite polo leite materno de mulleres maltratadas durante a época do terrorismo no Perú. Os infectados nacen sen alma, porque do susto escondeuse na terra, e cargan un terror atávico que os illa por completo. Pero Fausta esconde algo máis; garda un segredo que non quere revelar, ata que a súbita morte da súa nai desencadeará feitos inesperados que transformarán a súa vida e a doutros

Materia: 1. Cine dramático-Videogravacións. 2. Mulleres-Películas. 3. Crítica social-Películas. 4. Perú-Películas
 

Máis novidades en Marzo

Enviado por Anónimo o Mér, 07/03/2012 - 12:18
Continuamos cun novo capítulo da guía de novidades bibliográficas. Un orixinal libro xogo, un par de BD e algún libro de divulgación enriquecen un catálogo que medra mes a mes.

Vaia tropa! / Antón Cortizas

Xerais, 2011

Vaia tropa!   Vaia tropa! é un libro de poesía do absurdo, do sen sentido, e está pensado para ser lido de formas diversas. Hai poemas que terás que ler de esguello e noutros precisas usar un espello e así poder ler do verso o reflexo. Como non era cousa de poñer só letras alguén debuxou algunhas caretas. E como os debuxos están contrafeitos usarás o espello para velos con xeito. Ao final do libro convidámoste a que inventes algún compañeiro para toda esta xente. Trátase, xa que logo, dun libro xogo, no que a sorpresa da lectura e das ilustracións conforman un conxunto que non pasará desapercibido ao lector. Materia: 1. Poesía infantil

Dispoñible na sección de Lingua galega e Literatura: GAL-P/COR/vai
 

Cuentos históricos: de la piedra al átomo / J. L. Borges... [et al.] 

Páginas de Espuma,  2003

 
Cuentos históricos  
Prologados polo escritor Eduardo Pons Prades, do que tamén se inclúe unha narración, o presente volume de Páxinas de Escuma recolle unha espléndida selección de relatos de autores españois e hispanoamericanos da segunda metade de século (J. L. Borges, J. Goytisoslo, M. Mújica Lainez, A. Roa Bastos, J. Rulfo, A. Uslar Pietri, J.A. Valente, M. Vázquez Montalbán, etc...). O mundo da historia é o protagonista en cada unha destas narracións. Igual que a novela histórica no conto histórico é o marco perfecto para vincular Historia e Literatura e desta forma unir o mundo imaxinario do poético e a realidade histórica das idades do home.

Materia: 1. Historia-Contos. 2. Contos españois-S. XX. 3. Contos hispanoamericanos-S.XX

Dispoñible na sección de Lingua española e Literatura: LES-N/CUE

 

Cabana de Balieiros / Tokio 

Demo,  2011

 
Cabana de Balieiros  
Cabana de Balieiros é unha vila desas que agochan segredos. Moitos deles son misterios que levan e traen as mareas. Algúns afúndense, e outros saen á superficie cando ninguén o espera. Un novo párroco chega á vila, e atópase cunha igrexa abandonada e un mundo que lle descubrirá as historias que fermentan na terra, fillas do salvaxe vento que trae o mar. Unha terra de costumes ancestrais, onde os máis puros instintos humanos xeran o ritmo da vida e marcan o propio destino dos seus habitantes, e levan algúns ao naufraxio da súa propia alma. Unha historia que, con certa intriga, nos acerca ao contexto social do século XIX, desde a mirada dun autor que, fundamentalmente e por riba de todo, é un defensor da natureza e ten alma de mariñeiro.  

Materia: 1. Banda deseñada. 2. Galicia-Cómics. 3. Vida cotiá-Cómics. 4. Mariñeiros-Cómics. 5. Segredos-Cómics. 6. Relacións personais-Cómics

Dispoñible na sección de BD: COM/TOK/cab

 

Engurras / Paco Roca 

El Patito Editorial,  2012

 
Engurras   O recoñecido debuxante Paco Roca consegue formular en Engurras unha narración baseada na humanidade dos personaxes, de aí que poida interesar a lectores de calquera idade aínda que fale da dexeneración senil e do alzhéimer. Emilio, un antigo empregado de banca, é internado pola súa familia nunha residencia de anciáns e pouco a pouco vai aceptando o seu novo domicilio, as súas regras e as rutinas diarias. Pero a súa memoria empeza a borrarse a pesar dos seus intentos de contrarrestar ou ocultar os efectos da enfermidade. Arrugas conta con precisión e dende unha mirada intimista non exenta de dureza esa batalla contra a vellez, ata que as súas páxinas se volven totalmente brancas. Unha conmovedora historia, que mereceu o Premio Nacional de Cómic en 2008 e que conta xa con adaptación ao cine.

Materia: 1. Anciáns-Cómics. 2. Alzheimer, Enfermidade de-Cómics. 3. Recordos-Cómics

Dispoñible na sección de BD: COM/ROC/enr
 

¡Alucina con la física! / Richard Hammond

SM,  2007

 
Alucina con la física   Cres que a Física é aburrida? Pénsao outra vez! Propoñémosche unha viaxe emocionante e chea de enerxía a través do tempo, o espazo e máis alá. Unha viaxe no que descubrirás que a Física non só está nos laboratorios senón que forma parte da túa vida e podes encontrala na cociña, o baño, o coche... Mesmo dentro de ti! Sabes por que a Terra non deixa de xirar? Ou por que se te encolle o estómago cando baixas pola montaña rusa? Ou como camiñan as moscas polo teito sen caer? Ou por que o ceo é azul? Encontra a resposta a estas e moitas máis preguntas. Alucina coa Física!

Materia: 1. Física-Libros infantís

Dispoñible na sección de Ciencias: CN-53/HAM/alu
 

Historia de la Filosofía para jóvenes / Jeremy Weate

Blume,  2008

 
Historia de la Filosofía para jóvenes   Por que estou aquí? Estou a soñar? Que é bo e que é malo? Existe Deus? Se algunha vez che fixeches algunha destas preguntas, entón vas camiño de ser filósofo. Filósofo é aquel a quen o mundo lle suscita admiración e se pregunta sobre el. Aínda que todos nos facemos preguntas sobre o descoñecido, algunhas persoas explorárono máis detidamente que outras. Estas persoas ás que se lles chama grandes filósofos en realidade retan e alteran o noso xeito de pensar. Por iso, recordámolos.

Materia: 1. Filosofía-Historia-Libros infantís

Dispoñible na sección de Historia da Filosofía: FL-1/WEA/his
 
Distribuir contido


Feito con Drupal (ver. 6.28)

 


Proxecto Webs dinámicas

Xunta de Galicia - Consellería de Educación, 2013
Drupal theme by Kiwi Themes.