Durante o mes de febreiro non puidemos levar a cabo as nosas sesións do club de ciencia con normalidade debido as restriccións provocadas pola evolución da pandemia do COVID-19. Pero non nos desanimamos e buscamos unha solución: María e David viñeron polas nosas aulas a impartirnos unhas sesións científicas moi divertidas e interesantes. Nesta ocasión puidemos participar todos e todas, incluso os máis pequenos que por cuestión de idade non poden asisitir as sesións dos mércores pola tarde.

Con David e María falamos sobre curiosidades de distintos animais (por exemplo que no cabaliño de mar é o papá o que se embaraza) e fixemos algúns experimentos científicos con globos que estoupaban ou bolas de hidroxel pero o que máis nos fascinou foi descubrir que os científicos saben como facer lume na man sin queimarse! Sí, sí! Comprobámolo cos nosos propios ollos! Eso sí, tamén aprendemos que os experimentos sempre é mellor facelos en presencia dun adulto.

Desfrutamos moitísimo con estas actividades e aprendemos un montón polo que non descartamos repetir esta experiencia nun futuro próximo. Moitas grazas María e David.