Existe un elemento que ó longo de millóns e millóns de anos, uniu a tódolos seres vivos do noso planeta:

a AUGA.

Cando se formou, hai catro mil cincocentos millóns de anos, a Terra era una bola de magma en fusión con centos de volcáns activos na súa superficie. O magma, cargado de gases con vapor de auga, emerxeu á superficie grazas ás constantes erupcións.

Despois a Terra arrefriouse, o vapor de auga condensouse e caeu novamente en forma de chuvia; así comezou o ciclo da auga.

A chuvia encheu as depresións do planeta e creou os océanos.

Mil millóns de anos despois, nos océanos reuníronse as sustancias químicas que darían orixe á vida.

Desde entón, a mesma auga circulou unha e outra vez no planeta, orixinando e conservando a vida. Grazas ó ciclo da auga, que constantemente purifica este valioso elemento, hoxe gozamos da mesma auga que beberon os dinosaurios.