A exposición "Vidro e Camelias" chegou ao centro da man da familia dunhas das alumnas do noso centro. Nela puidemos gozar do traballo feito a man e das habilidades que amosan coa súa dedicación. Estamos seguros de que conseguiu espertar admiración entre o noso alumnado.
Como cada ano, o Equipo de Biblioteca quere agasallarnos coas súas recomendacións lectoras. Seguro que entre todas elas podes atopar un deses libros que farán que a túa imaxinación voe alto e que as horas pasen sen apenas decatarte.
O alumnado de 2º de Primaria confeccionou a maqueta dun volcán e, despois de practicar e experimentar na súa aula, visitaron a aula de 1º para ensinarlles este experimento. Foi tan emocionante, que o alumnado de 1º de Primaria tamén quixo facer erupcionar este inofensivo volcán.
Se visitas o Blog do Trasno Paroleiro podes ver as fotografías e vídeos que amosan esta magnífica actividade.
Grazas á colaboración do Concello ao longo desta semana foron impartidas nas aulas de Primaria, Secundaria e no ximnasio para os máis pequenos charlas e sesións de contacontos sobre as seguintes temáticas da igualdade.
Entre os días 11 e 19 de novembro, tivemos o privilexio de contar na biblioteca do centro coa exposición "Mulleres que falan" que nos cedeu o Concello.
O alumnado de Secundaria faino de novo! Despois de moitos ensaios, volven a deleitarnos coa súa música.
Por un lado, as alumnas e alumnos de 2º da ESO optaron por amosarnos a música máis enxebre e tradicional coa interpretación da Rianxeira. E por outra banda, escoitamos Jealousy, Jealousy (Olivia Rodrigo) da man de alumnado de 3º da ESO.
Deixámosche os vídeos a continuación para que poidas gozar destas magníficas actuacións.
