Moitas grazas polos vosos poemas. Seleccionamos estes que podedes ler-ver aquí:

O pasado día 21 de abril Samuel Mountoumnjou, profesor camerunés e mediador intercultural, fixo de contacontos para todo o alumnado do centro. Podedes ver as fotos que tomamos para mostrar o ben que o pasaron cunha participación moi entusiasta e activa.

Co gallo da celebración do "día do libro" o alumnado de Infantil e Primaria adicaron o seu tempo de lecer a revisar os libros que están na Biblioteca nun sitio diferente: no exterior da Biblioteca e no patio cuberto.  

Preme en "ler máis" para ver todas as fotografías da actividade.

A Biblioteca e o Departamento de Lingua e Literatura Galega organizaron unha saída para todo o alumnado da ESO. @s alumn@s asistiron á representación de Cousas a cargo do grupo de teatro Os Quinquilláns. Na aula leron o libro de Castelao no que está baseada a representación.

@s alumn@s de 1º e 2º de ESO foron de visita ó "Salón do libro" do Pazo da Cultura de Pontevedra que este ano ten o lema "O mundo que queremos".

Aproveitaron as explicacións dos monitores para coñecer temas relacionados co coidado do medio ambiente, a saúde, a integración e a igualdade, a solidariedade, etc., cun obxectivo final: construir un mundo mellor.

Co gallo do Día de Rosalía (24-02-2017) os alumnos de 3º Infantil, 2º e 4º de Primaria "colorearon" o rostro de Rosalía seguindo a técnica de "popart". Velaquí unhas imaxes do resultado.

O mércores 23 de febreiro recibimos a Ledicia Costas. Os alumnos do club de lectura de 5º e os de 1º e 2º ESO fixeron moitas preguntas sobre os seus libros "Escarlatina, a cociñeira defunta", "Esmeraldina, a pequena defunta" e "Julio Verne e a vida secreta das mulleres planta". Pasaron unha hora amena e, ao remate, a escritora amablemente adicoulles as novelas aos alumnos.

O alumnado de 3º de ESO levou a cabo unha actividade de lectura de libros cos alumnos de Infantil de 4 anos da profe Begoña. Escolleron uns libros moi divertidos da Biblioteca (pop-ups) e fixeron unha lectura dramatizada que gustou moito ós pequeniños. 

Aquí quedan as fotos desta fermosa actividade na que os maiores aplicaron os seus coñecementos de Voluntariado, traballados nas materias de Valores Éticos e Relixión.