Biblioteca |
Os alumnos e alumnas de 5ºA de Educación Primaria realizaron cadansúas maquetas das células animais e vexetais e expuxeron o seu traballo na Biblioteca. Convidaron aos rapaces e rapazas de cuarto de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca que falan sobre as células. Foi a súa primeira exposición oral ante compañeiros e compañeiras doutras clases e, aínda que estaban algo nerviosos, fixeron un traballo realmente magnífico.
Podes ver as imaxes da exposición aquí. |
|||
Onte tivemos a sorte de que nos visitara unha das escritoras galegas actuais máis senlleiras : ANDREA MACEIRAS. Conversou co alumnado de 4ºESO sobre a súa novela O que sei do silencio, e deulle interesantes consellos sobre lecturas. Moitas grazas, Andrea, por vires ao Cernadas de Castro.
|
|||||||
Os alumnos e alumnas de 5º e 6º de Educación Primaria participaron no xogo "Un libro nun tarro" na Biblioteca do colexio durante o recreo. O obxectivo consistía en adiviñar, o máis rapidamente posible, o título e o autor do libro que estaba dentro do tarro. Resultou ser unha actividade divertida na que se animaron a participar moitos dos rapaces e rapazas que cada día se achegan á Biblioteca.
|
|||
E por fin chega decembro... ¡cargadiño de novidades! Achégate á Biblioteca e desfruta lendo as últimas adquisicións. E se non podes esperar ata o luns para ver que imos presentar... ¡bótalle un vistazo ao vídeo adxunto! (¡Grazas, axudantes! ) |
|||
Dende a Biblioteca conmemoramos o Día Internacional contra a Violencia de Xénero, celebrado o 25 de novembro, cunha exposición de libros, para todas as idades, que nos invitan a abordar a problemática da desigualdade de xénero dende distintas perspectivas. Velaquí unha pequena mostra fotográfica da exposición. |
|||
Na nosa Biblioteca contamos con moitos libros de aventuras e quixemos dar a coñecer algunhas das adaptacións de grandes clásicos da literatura deste xénero a través dunha pequena mostra de libros. |
|||
A nosa Biblioteca únese á celebración do Samaín ofrecendo a todo o alumnado unha exposición de libros de terror. Achégate a botarlle unha ollada ou a levar algún libro para a casa. ¿Atréveste? Se queres ver algunha foto da exposición, fai click aquí. |
|||
Fai click aquí para poder ver o vídeo de presentación da exposición de libros de terror que acolleremos proximamente na Biblioteca. |
|||
- « primeira
- ‹ anterior
- …
- 6
- 7
- 8
- 9
- 10
- 11
- 12
- 13
- 14
- …
- seguinte ›
- última »