Velaquí unha pequena mostra fotográfica da exposición "Cita a cegas cun libro" que fixemos na nosa Biblioteca.

Atopa o teu próximo amor literario.

Podes ver o avance da exposición aquí.

O alumnado de 6ºA de Educación Primaria vén de escenificar a obra "Negros e brancos", de David McKee para oa alumnado de Educación Infantil, con motivo da celebración do Día Internacional da Paz.

Podes ver o resto das imaxes aquí.

Achégate á Biblioteca para ver a exposición de libros sobre a paz que temos preparada.

E... ¡por fin tivo lugar a primeira xuntanza dos padriños e madriñas de lectura cos seus afillados/as! Todos estabas moi emocionados e pasaron un recreo moi divertido xuntos.

Podes ver máis imaxes aquí.

Moitos estudantes de cuarto, quinto e sexto de Educación Primaria apadriñaron a alumnos e alumnas de Educación Infantil este curso e, cada mes, compartirán patio de recreo para pasar momentos agradables e divertidos arredor da lectura.

Podes ver todas as imaxes do día da presentación aquí.

Os alumnos e alumnas de 5ºA de Educación Primaria realizaron cadansúas maquetas do Sistema Solar e expuxeron o seu traballo na Biblioteca. Convidaron aos rapaces e rapazas de primeiro e segundo de Educación Primaria para compartir con eles o que aprenderon e aproveitaron para ensinarlles algúns dos fondos documentais que poden atopar na nosa Bibilioteca sobre astronomía. Os pequenos estiveron moi atentos ás explicacións, preguntaron moitas dúbidas e disfrutaron moito da actividade.

Podes ver as imaxes da exposición aquí.

O escritor Alfonso Barreiro, Fon, veu ao CPI Cernadas de Castro a impartir un obradoiro de cómic aos estudantes dos niveis superiores de Educación Primaria e aos alumnos e alumnas de Educación Secundaria Obrigatoria. Alí presentoulles "Curuxa, a voz de Azazel", que é o seu primeiro cómic publicado. Nel conta a historia de Curuxa, unha bruxa noviña que trata de recuperar as voces roubadas por outras feiticeiras. Esta historia fainos ver como axudándonos uns a outros conseguimos vencer as dificultades.

Foi unha actividade dinámica, divertida e sen dúbida, moi enriquecedora. ¡Grazas, Fon!

Podes ver imaxes da actividade aquí.