Dinamización da Lingua Galega

MANDADOS DO ENTROIDO 2022

CEIP PLURILINGÜE WENCESLAO FERNÁNDEZ FLÓREZ

Este curso tampouco

poderemos realizar

a comparsa polo barrio,

pero si os mandados:

A cuestión é conseguir

complementos divertidos

que sexan acumulativos

para o venres vestir.

LUNS:

Aínda que o venres é o día

daríame moita alegría

se o luns puideses vir

cun mantón de Manila.

MARTES:

Non te esquezas

non o olvides

o martes debes traer

tamén a parte de arriba.

MÉRCORES:

O mércores traerás,

queda moi ben que os leves

un complemento nos ollos,

polo tanto uns bos lentes.

XOVES:

Non logro adiviñar

de que te vas disfrazar.

Trae a parte de abaixo

para podelo acertar.

VENRES:

E chegou o día grande

e chegou o grande día!

Pon o pucho, o sombreiro

e todo o conxunto enteiro.

Enlace á páxina web de xogos tradicionais galegos do Consello da Cultura Galega.

Tedes tamén a opción de descargar a aplicación móbil.

http://xogospopulares.consellodacultura.gal/

Benqueridas familias!!!

Temos o pracer de darvos unha boa nova:

VOLVE O MAGOSTO!!!

O venres 12 de novembro asaremos castañas no colexio e comerémolas no patio respectando sempre as medidas de seguridade.

Solicitamos de novo a vosa colaboración para:

- Traer unha morea de castañas PICADAS durante os días 10 ou 11.

- Un deses días ou o venres 12 teñen que traer un castañeiro feito na casa para gardar as castañas e as cascas. Dámosvos a continuación unha idea de como facelo: Necesitades un brick de leite baleiro e limpo, cortado pola metade tal e como se indica no debuxo. (Podedes facelo sen cortalo nun lateral para poder dobralo). Non esquezades o cordón para poder colgalo do pescozo e ter as mans libres para poder comer moitas castañas!! Forrádeo e decorádeo como vos guste!!

MOITAS GRAZAS DE ANTEMÁN POLA VOSA COLABORACIÓN.

Equipo de Dinamización da Lingua Galega.

CEIP Plurilingüe Wenceslao Fernández Flórez.

Xa está aquí o Samaín!

Fai clic na imaxe.

Na Aula Virtual tedes xogos, chistes, cancións e moitas máis sorpresas!

A Real Academia Galega, neste ano 2021, rende homenaxe a Xela Arias (Sarria, 1962–Vigo, 2003), unha das voces máis destacadas da poesía galega contemporánea, editora e tradutora.

A través deste enlace atoparedes recursos para saber máis sobre a vida e obra de Xela.

https://www.edu.xunta.gal/centros/ceipwenceslaocorunha/aulavirtual/course/view.php?id=62