CONCERTO DIDÁCTICO 1º CICLO: “LA MÁQUINA DEL TIEMPO”. SON FUTURO.
O martes 20 de febreiro o alumnado de 1º e 2º asistimos a un concerto didáctico no Palacio da Ópera titulado “La Máquina del Tiempo”. No coche de Willy (Ramiro Neira) que lle regalou seu avó, pero que resultou ser unha máquina do tempo, e con “Los Mecánicos” viaxamos ao ano 1960 gozando de nove cancións de debuxos animados ata os nosos días (dende “Popeye el Marino” ata “Peppa Pig”).
Este curso escolar tratamos o tema "O Cine", por iso aprendemos na clase de música as bandas sonoras de varias películas. Adaptámoslles as letras á música.
- 4º e 5º EI: "RESCUE" de "101 DÁLMATAS". MICHAEL KAMEN.
- 6º EI e 5º EP: "HE'S A PIRATE" de "OS PIRATAS DO CARIBE". KLAUS BADELT e HANS ZIMMER.
- 1º EP: "HAPPY" de “OS MINIONS”. PHARREL WILLIAMS.
- 2º EP: "AUGUSTUS GLOOP" de "CHARLIE E A FÁBRICA DE CHOCOLATE". DANNI ELFMAN.
- 3º EP: Prólogo de "HARRY POTTER". JOHN WILLIAMS.
- 4º EP: "SUPERCALIFRAXILISTICOESPIALIDOSO" de "MARY POPPINS". ROBERT B. SHERMAN e RICHARD M. SHERMAN.
- 6º EP: "PEACHES" de “SUPER MARIO BROS”. JACK BLACK.
Deixámosvos aquí unha mostra da gravación que realizamos cun grupo voluntario.
O 29 de marzo de 2023 fomos convidados polo CMUS da Coruña a un Concerto Didáctico titulado “A máquina do tempo”. Asistimos os nenos e nenas de 2º a 5º.
A través desta experiencia viaxamos polo tempo dende o Barroco no século XVII, pasando polo Clasicismo no século XVIII e indo ao séculos XX e XXI.
O alumnado do Conservatorio tocou distintos instrumentos, agrupacións instrumentais e obxectos sonoros: bidóns, piano, clave, quinteto de vento, saxofóns, acordeóns acompañados de frauta travesa e contrabaixo, orquestra de corda fretada e ensemble de guitarras e arpa.
Foi emocionante esa viaxe!! Volvimos fascinados/as!! A música fainos aflorar emocións e o nivel musical foi moi alto.
O alumnado de 2º acompañou a obra "The Syncopated Clock" de Leroy Anderson cos instrumentos P.A.D. (Percusión de Altura Determinada: xyllophones, metallophones and glockenspiels) e os P.A.I. (Percusión de Altura Indeterminada: maracas).
O alumnado de 3º, 4º e 5º construíu uns magníficos instrumentos. trouxéronos a clase, tocáronos e acompañaron o himno de europa con eles, celebrando o 9 de maio.
Como este curso non se puideron ver entre os grupos-clase, aquí mestúranse instrumentos de tres niveis diferentes e, polo tanto, de seis grupos distintos.
Tradicionalmente, os instrumentos clasificáronse en tres grandes familias: PERCUSIÓN, CORDA E VENTO, clasificación que se fixo tendo como referencia a orquestra clásica (século XVIII) e romántica (SÉCULO XIX).
Non obstante, esta clasificación corresponde a tres criterios distintos:
A acción que produce o son na percusión.
O corpo sonoro na corda.
A forza activadora no vento.
Por isto, Mahillon en 1884 e posteriormente Hornbostel e Sachs en 1914 elaboraron outro tipo de clasificación máis lóxica, atendendo ao elemento vibratorio que produce o son. Así, formáronse catro grandes grupos aos que posteriormente, debido á aplicación da electrónica á música, houbo que incorporar un quinto grupo: Os electrófonos.
Así, clasificaron os seus instrumentos en 4 familias:
Outros están no grupo de COMBINADOS porque son dous instrumentos de distinta familia que fixo o memso alumno/a ou un mesmo instrumento pódese categorizar en dúas familias.
Esperamos que vos gusten!!! Son xeniais e soan moi ben!
Os días 25, 27, 30 de novembro e 4 de decembro tivemos o pracer de recibir a visita no noso colexio de Pablo Carpintero e Rosa Sánchez, uns magníficos músicos que tocan moitos instrumentos e coñecen perfectamente a música popular galega.
Déronnos un concerto didáctico titulado “A música e evolución”. Fixéronnos comprender que a música está en nós xa dende o ventre materno cando escoitamos os distintos ritmos que alí se xeneran e a voz da nosa nai, seguindo por como facían instrumentos os nenos/as con elementos da natureza ata chegar, de adultos/as, a construir instrumentos máis complexos.
A través desa evolución tocaron 43 instrumentos musicais diferentes (dende xoguetes musicais e obxectos sonoros ata varios tipos de gaitas).
Co motivo do 25 de novembro (Día contra a violencia de xénero) e con respecto á igualdade entre sexos, falaron de algo tan importante como é o dimorfismo sexual e a selección sexual.
Reflectimos a continuación un resumo das opinións do alumnado asistente de 5º e 6º de EP sobre o Concerto Didáctico: “Música e evolución”:
En xeral, gustounos moito, pareceunos moi interesante e divertido e impresionounos que fosen os nenos/as os contructores/as dos instrumentos con ósos ou pedras e os que os tocaban tamén.
Valoramos que nos ensinasen a decatarnos de que todo o que temos arredor é música e pareceunos alucinante como collen cousas que todos vemos no día a día e o convirten nun instrumento.
Tamén nos pareceu interesante aprender por que aos bebés lles relaxa a voz da súa nai e os efectos que provoca a música no noso corpo.
O noso instrumento favorito foi o “de madeira que dá voltas e produce o son forte do vento”, a zoadeira, e parecenos impactante facer música cunha folla. Tamén nos gustaron as gaitas, sobre todo a portuguesa, e o pandeiro xigante que tiña campás.
Pero sen dúbida o que máis nos gustou foi aprender para que servía a música, que é para poder traballar e estar con otras persoas en total harmonía.
Unha petición que facemos: que nos explicaran detalladamente como se facían eses instrumentos.