Síguenos nas redes sociais!
Museo virtual de instrumentos
O alumnado de 3º, 4º e 5º construíu uns magníficos instrumentos. trouxéronos a clase, tocáronos e acompañaron o himno de europa con eles, celebrando o 9 de maio.
Como este curso non se puideron ver entre os grupos-clase, aquí mestúranse instrumentos de tres niveis diferentes e, polo tanto, de seis grupos distintos.
Tradicionalmente, os instrumentos clasificáronse en tres grandes familias: PERCUSIÓN, CORDA E VENTO, clasificación que se fixo tendo como referencia a orquestra clásica (século XVIII) e romántica (SÉCULO XIX).
Non obstante, esta clasificación corresponde a tres criterios distintos:
- A acción que produce o son na percusión.
- O corpo sonoro na corda.
- A forza activadora no vento.
Por isto, Mahillon en 1884 e posteriormente Hornbostel e Sachs en 1914 elaboraron outro tipo de clasificación máis lóxica, atendendo ao elemento vibratorio que produce o son. Así, formáronse catro grandes grupos aos que posteriormente, debido á aplicación da electrónica á música, houbo que incorporar un quinto grupo: Os electrófonos.
Así, clasificaron os seus instrumentos en 4 familias:
- IDIÓFONOS
- MEMBRANÓFONOS
- CORDÓFONOS
- AERÓFONOS
- (non construíron ningún electrófono).
Outros están no grupo de COMBINADOS porque son dous instrumentos de distinta familia que fixo o memso alumno/a ou un mesmo instrumento pódese categorizar en dúas familias.
Esperamos que vos gusten!!! Son xeniais e soan moi ben!
Grazas aos participantes!!!