Circulares informativas

A través da seguinte circular informativa de inicio de curso queremos darvos a benvida ao CEIP P. Wenceslao Fernández Flórez e informarvos de aspectos relacionados cos seguintes temas:

• Profesorado e titorías
• Calendario escolar
• Instrucións aos pais/nais de alumnos/as
• Comedor escolar e madrugadores
• Actividades extraescolares de tarde
• Biblioteca (servizo de tarde)
• Currículo de primaria. Horas semanais
• Páxina web

Descargar a circular.

Benqueridas familias, 

Unha vez máis necesitamos a vosa colaboración para celebrar o Magosto no centro o luns 11 de novembro. 

A partir do xoves desta semana, todo o alumnado terá que traer unha presa de castañas cortadas, que despois comeremos asadas o día 11.

Cada nena/o traerá tamén un recipiente para recoller as castañas asadas e gardar as cascas o día da festa, e así ter as mans libres.

Deixámosvos unha idea de como podedes facelo... 

Forrar, decorar, colgar do pescozo e a desfrutar da festa sen manchar o noso cole!

Moitas grazas pola vosa colaboración!!

Estimadas familias:

Lembrámoslles unha serie de indicacións que son importantes para un bo funcionamento do centro: 

• Nas entradas ao centro, ás 9.00 horas, o alumnado deberá permanecer nas filas, polo que pregamos que as familias se retiren das mesmas para non bloquear as portas e axilizar a subida ás clases.
• Se por calquera motivo, non se chega puntual e as filas xa están subindo, deberase avisar ao profesorado, quen indicará en que momento poderá subir o alumno/a. Recordámosvos que os pais non poden acceder ao centro polas escaleiras de acceso do alumnado. 
• Lembrade que o alumnado non autorizado a marchar só durante as saídas, deberá ser recollido polos seus pais/nais/titores legais ou persoa autorizada, polo que pedimos que vos acheguedes as portas do centro para recoller as nenas e nenos de xeito que os mestres/as poidan ver quen os recolle. De non ser así o alumnando non poderá saír do colexio.

Moitas grazas.

A dirección

Publicamos a circular de inicio de curso, con toda a información relevante para estes primeiros días. 

Estimadas familias:

Os días 28 e 29 de maio realizarase a avaliación individualizada en 3º de E. Primaria na que se avaliarán as competencias en comunicación lingüística e matemática.

Son probas de carácter estrictamente informativo e orientador. É dicir, que os seus resultados non computarán en ningún caso para as cualificacións do alumnado nin terán efecto nos seus expedientes.

As probas realizaranse ao longo da mañá co seguinte horario:

Para máis información consultar O DOG 3 de maio de 2019 no que se recolle a RESOLUCIÓN 12 de abril de 2019 onde figuran as instruccións para o desenvolvemento da avaliación individualizada de 3º de primaria..