CEIP Víctor Sáenz

Este curso faremos a XORNADA DE CONVIVENCIA o venres día 2 de xuño de 2017 en Santiago de Compostela coas seguintes actividades: sairemos do colexio, si o tempo acompaña, sobre as 12 horas para ir nos buses ata Santiago e directamente á GRANXA DO XESTO para que os nenos xoguen no parque coa tirolina e columpios ata a hora de xantar (se chovese, comeriamos no colexio sobre as 13 horas, e despois sairiamos para Santiago). Sobre as 16 horas iremos á SGAE para ver un espectáculo infantil de Títeres Cachirulo baseado no conto de Carlo Collodi "Le aventure di Pinocchio". Ao sair poderemos xantar nese mesmo parque a comida que sobrou do xantar, e posteriormente iremos camiñando cara o Auditorio para que ás 18:30 horas vexamos un Concerto no AUDITORIO DE GALICIA, no que representarán a REAL FILARMONÍA DE GALICIA xunto co ORFEÓN TERRA NOSA (onde actuará o noso compañeiro e mestre de 1º e 2º de primaria Óscar Mato Collazo) a "Sinfonía nº 9 de Beethoven" e para rematar o "Himno de la alegría", dentro do ciclo de concertos para nenos e familias. Logo partiremos nos buses de volta cara a San Cosme. Evidentemente este programa, pode sufrir pequenas variacións ou imprevistos. Para ver tódalas fotos pica AQUÍ.

O martes día 23 de maio, fumos todos (excepto os compañeiros de 5º e 6º que están de excursión na Ribeira Sacra), a un Musical para toda a familia na Aula de Cultura de A Picota para ver a obra teatral do grupo MALASOMBRA titulada "OS ROCKENSTEIN".Tamén asistiu o alumnado dos centros do C.E.I.P. de Pino de Val e o C.P.I. da Picota. Para ver máis información sobre o musical ou sobre o grupo teatral, picade nos nomes ou nas fotos. Para ver tódalas fotos pica AQUÍ.

O venres día 19 de maio fixemos coincidir a celebración dos MAIOS, e a entrega dos Premios do Concurso de Carteis das Letras Galegas 2017. Despois de xantar saimos ao patio e coas frores, xestas e demais cousas que foron traendo os nenos os días anteriores nos puxemos a facer o maio. Unha vez rematado coa colaboración de todos, cantamos unha canción todos xuntos formando unha roda arredor do maio, acompañados coa música do profe Óscar e Susi. Despois fixemos a entrega dos premios do Concurso de Carteis das Letras Galegas 2017. Para ver tódalas fotos pica AQUÍ. E os premiados foron os seguintes:

• Educación Infantil: ÁNGEL GRILLE CALVELO
• 1º e 2º de Educación Primaria: MAI VILLAR VILAS
• 3º e 4º de Educación Primaria: PAULA MANEIRO BERGANTIÑOS
• 5º e 6º de Educación Primaria: ANDREA LABANDEIRA OTERO
• Premio Especial do Xurado: ÁLEX OTERO MOLEDO

O venres día 5 de maio visitou o noso centro HÉCTOR LORENZO, que xa estivera no noso centro hai dous anos. Presentounos o seu novo traballo "Cousas de papá", libro de poemas escritos por Raúl Gómez Pato e ilustrado por Blanca Barrio. Por suposto musicado polo noso invitado. Se queredes ver tódalas fotos de ese día e os vídeos, picade AQUÍ.

Visitou o noso centro a COMPAÑÍA DE TÍTERES CACHIRULO, o mércores día 26 de abril de 2017, coa a súa obra "DO, RE, MI, MOZART XOGA AQUÍ". Foi na biblioteca do centro para tódolos nenos de 12:20 a 13:30. Despois da función, tódolos nenos pasaron a ver o que se coce na parte traseira do escenario. Quedaron abraiados de tantos cachivaches que alí viron. É un espectáculo de marionetas de fío talladas en madeira, que lucen os seus elegantes movementos nun retablo barroco. Si queredes ver de que vai a obra ou para máis información podedes picar no cartel de obra. Para ver tódalas fotos de ese día picar AQUÍ.

Tivemos a gran sorte de contar no centro coa presencia de JOAQUÍN CASTAÑO, o venres día 21 de abril en xornada de mañá, para facer cos nenos sesións de mindfulness e xogos nas respectivas aulas. Antes do recreo fixo unha sesión con 1º e 2º de primaria e despois con 3º e 4º de primaria. Despois do recreo tocoulles o turno a Infantil e 5º e 6º de primaria. Tamén fixemos unha sesión de mindfulness no comedor do centro antes de que os nenos comezaran a xantar. Foi unha mañá fantática e diferente. Joaquín xantou con nós, degustando así os manxares que elaboran as nosas cociñeiras día tras día,  e pola tarde sumouse ás actividades que tiñamos previstas para a celebración do Día do Libro. Pica nas fotos para ver tódalas fotos de ese día. Se queres ver vídeos pica AQUÍ.

Recibimos a visita da escritora CONCHA BLANCO, no noso centro, unha das escritoras en lingua galega máis coñecidas. Despois do recreo xuntámonos todos na Biblioteca e tivemos unha charla con ela. Logo asinou libros a aqueles rapaces/as que tiñan algún exemplar dela o do colexio. De seguido tódolos nenos tiñan gañas de facerlle preguntas, e ala fumos cunha batería de preguntas feitas por alumnos de tódolos cursos, ás que respondeu gostosamente. Para rematar, e antes de asinar no noso libro da Biblioteca, cantamos e lemos o poema "Un, dous, tres" do seu libro "Do, Re, Mi, Fantasía". Tamén os nenos de infantil agasallaron á escritora cuns debuxos elaborados na clase para a ocasión. Para ver máis fotos picade nas imaxes.

O mércores día 8 de marzo, coincidindo co Día da Muller, viaxamos á capital galega para asistir a unha actuación do grupo de percusión ODAIKO, que ofreceu un concerto didáctico no Auditorio de Galicia. Pero antes puidemos facer unha pequena parada na Praza de Abastos, para deleitarnos co peixe, marisco, froita, verduras e hortalizas, pans, queixos, comida recén cociñada, etc. É o 2º lugar máis visiatdo de Santiago. E despois do concerto, demos un paseo pola zona vella, visitamos a Catedral e as prazas que a rodean, o grupo de Infantil fixo unha parada en Correos para enviar varias cartas, saudamos ás Marías, a Valle Inclán e a Rosalía na Alameda, observamos as súas árbores, e descansamos nas escaleiras que dan entrada ao Campus universitario, onde comemos e xogamos un ratiño antes de regresar a San Cosme. Para ver as fotos de ese día, pica en calquera das imaxes.

Celebramos o ENTROIDO 2017 o venres día 24 de febreiro en horario de mañá. A temática foi sobre a música e en concreto sobre as TRIBUS URBANAS. En educación infantil foron de RAPEIROS, en 1º e 2º de primaria foron de PUNKIS, en 3º e 4º de primaria foron de GÓTICOS e en 5º e 6º de primaria foron de ROCKABILLIES. Todos xuntos saímos a dar unha volta polo pobo de San Cosme, acompañados pola música de Marcos á gaita e Josefa que se arrancou a tocar a pandeireta. Despois subimos ao escenario no comedor para lucir os nosos traxes e bailar as diferentes músicasdas tribus. Sacamos fotos e para rematar xantamos todo aquilo que trouxeron as familias para conmemorar ese día de Entroido: orellas, filloas, rosquillas, etc... Picando AQUÍ poderedes ver as fotos de ese día.

O martes día 21 de febreiro fomos de excursión todo o colexio a Coruña. Os nenos de Ed. Infantil viron o AQUARIUM, e os alumnos de Primaria asistiron ao PALACIO DA ÓPERA DE CORUÑA, para ver "HISTORIAS DO MAR" representado pola ORQUESTA SINFÓNICA DE GALICIA e coa narración de KIKO CADAVAL. Logo fomos xantar ao Monte de San Pedro (pica para ver máis fotos), para despois de xogar un rato voltar para o centro. Para ver vídeos poca AQUÍ. E para ter máis información visita o nosoi blogue da Biblioteca ou pica AQUÍ.

PROCEDEMENTO ADMISIÓN ALUMNADO CURSO 2017-18

O venres día 27 de xaneiro de 2017 celebrouse na Serra de Outes a Fase Intercomarcal de Campo a Través, para a que se clasificaron do noso centro, PAULA BARCIA (3º), JORGE OTERO (3º) E MIGUEL BARRUL (3º). Fixérono fantástico a pesar da gran cantidade de choiva que caeu durante a carreira. Noraboa aos tres!!!!!! Picade AQUÍ para ver as fotos e AQUÍ para ver os vídeos da entrada en meta dos tres alumnos.

O xoves día 12 de xaneiro de 2017, participamos con 13 alumnos/as na Fase Comarcal de Campo a Través no circuito de A Baña. Conseguimos un 2º posto na categhoría alevín masculino con Miguel Barrul, e un 3º posto na categoría benxamín masculino con Jorge Otero. Dende aquí a nosa noraboa a todos/as os/as participantes e á organización da carreira. Para ver tódalas imaxes de ese día picade AQUÍ.

O noso alumno de 6º de Primaria RUBÉN BLANCO PEREIRA, visitou con outros rapaces e rapazas do Concello a RADIO NORDÉS CADENA SER en Cee para felicitarnos o Nadal. Para escoitar o video pica AQUÍ.

Para rematar decembro, e coma tódolos anos, levamos a cabo o Concurso de Postais de Nadal 2016. Participaron tódolos nenos do centro con postais fermosísimas, que se puderon visualizar no pasillo do centro. Cando chegou a hora de escoller as gañadoras por ciclos, votamos tanto nenos coma mestres e este foi o resultado:

• Postal gañadora en Ed. Infantil para ANXO CARREIRA ANTELO (E.I. 4)
• Postal gañadora para o 1º e 2º cursos de Ed. Primaria para XOEL SANTABAYA ESPERANTE (2º)
• Postal gañadora para o 3º e 4º cursos de Ed. Primaria para NEREA OZÓN OTERO (3º)
• Postal gañadora para o 5º e 6º cursos de Ed. Primaria para RUBÉN BLANCO PEREIRA (6º)
• Postal gañadora e que representou ao noso centro IRIA LÓPEZ CARREIRA (5º) 

E a postal gañadora enviada representando ao noso centro para este ano 2016 foi a da alumna Iria López Carreira (5º). No reverso vai acompañando á postal un fragmento dunha canción de NARF. Picando AQUÍ veredes o resto de postais participantes.