O venres, 21 de decembro de 2018, o alumnado do noso centro disfrutará dunha chocolatada con churros, organizada pola ANPA.

Tamén recibirán a visita de Papá Noel que vén a preguntarlles os seus desexos de Nadal. O horario será reducido, de 10 a 13:00 horas, sin servicio de comedor, esperamos que disfruten dunhas felices vacacións.

 .

 .........................

.....................

  Libros de 6º de Primaria (Pulsar na ligazón)

..............

.................

LISTAXE PROVISIONAL DE ALUMNADO.  ADMISIÓN CURSO 2017/2018

4º Educación infantil (Xornada partida)

Ao haber máis prazas que solicitudes presentadas todas as solicitudes foron admitidas

Ábrese un prazo de 5 días hábiles a partir do día de mañá, 24 de marzo,  nos que se poderán formular reclamación contra esta listaxe.  De non haber reclamacións a listaxe se considerará definitiva.

En contra das listas definitivas as persoas interesadas poden interpoñer recurso de alzada ante a persoa titular da Xefatura Territorial da Consellería de Cultura, Educación e Ordenación Universitaria da Coruña nun prazo dun mes a partir da súa publicación.

Letras extraídas en sorteo público para o desempate: II para o primeiro apelido e ÑX para o segundo apelido

PROCESO DE ADMISIÓN DE NOVO ALUMNADO  PARA O CURSO 2017/2018

O 1 de marzo ábrase o prazo para a solicitude de praza no CEIP San Vicenzo para o curso 2016/2017. Os nenos que estiveron xa matriculados no curso 2016/2017 e seguen no centro no curso 2017/2018 non necesitan tramitar a admisión nin a matrícula.

Pode presentarse a solicitude cuberta á man ou pódese cubrir en internet (ver enlace máis abaixo), imprimir e presentar no centro.

A solicitude de admisión de alumnado poderá asinala calquera das persoas titulares da patria potestade, cando se refiran a fillos comúns dun matrimonio non separado legalmente nin divorciado ou dunha parella de feito debidamente inscrita no Rexistro de Parellas de Feito de Galicia.

Nos demais casos requírese a sinatura dos dous titulares, agás que a patria potestade estea atribuída a un deles con carácter exclusivo, ou en situacións de violencia de xénero.

Unha vez presentadas as solicitudes determinarase se hai ou non máis solicitudes que prazas vacantes. Neste último caso abrirase o prazo para presentar documentación xustificativa dos datos do baremo (dez días hábiles a partir dos dous días seguintes ao remate do prazo de solicitude).

A listaxe provisional de admitidos e non admitidos se exporán no taboleiro de anuncios do centro antes do 25 de abril e a definitiva antes do 15 de maio.

A información colgarase no taboleiro de anuncios do centro. Os impresos e a información pódense conseguir na secretaría do centro, ou descargar dos enlaces a continuación:

Impreso de solicitude (Anexo II):

https://www.edu.xunta.gal/portal/sites/web/files/3anexos_formateadois_ed550b_g.pdf

Orde do 25 de xaneiro polo que se regula o proceso de admisión:

https://www.edu.xunta.gal/portal/sites/web/files/20170201_admision.pdf

Aplicación informática para crear a solicitude de admisión. Se se cubre aquí hai que imprimila, asinala, e presentala no centro correspondente:

https://www.edu.xunta.gal/portal/node/21031

O horario de Secretaría do CEIP San Vicenzo é de 12:10 a 13:00 de luns a venres.

Prazas vacantes para o curso 2017/2018:

4º Educación Infantil --> 25 (das que se reserva 3 prazas para alumnos con necesidades específicas de apoio educativo)

5º Educación Infantil --> 4

6º Educación Infantil --> 2

1º Educación Primaria --> 2 (das que se reserva 2 prazas para alumnos con necesidades específicas de apoio educativo)

2º Educación Primaria --> 5

3º Educación Primaria --> 2

4º Educación Primaria --> 23

5º Educación Primaria --> 23

6º Educación Primaria --> 16

SOLICITUDE DE ADMISIÓN (2017/2018)

RECOLLIDA E ENTREGA DE DOCUMENTACIÓN: Secretaría do Centro.   De 12:10 a 13:00

 DOCUMENTACIÓN NECESARIA:

1. Copia do DNI da persoa solicitante e dos membros computables da familia se no formulario de solicitude denega a súa consulta.

2. Documento acreditativo da idade do alumno (DNI, Libro de familia, Certificado de nacemento...)

3. Certificado de matrícula do centro no que estea matriculado no curso 2016/2017 ou outro documento acreditativo de estar en disposición de reunir os requisitos académicos exixidos  en cada nivel educativo ou etapa. No caso dos alumnos que entran en 4º curso de ducación Infantil non se aplica.

4. Convenio regulador ou resolución xudicial de separación ou divorcio se fose o caso.

PRAZO: do 1 ao 20 de marzo.

MATRÍCULA (2017/2018)

RECOLLIDA E ENTREGA DE DOCUMENTACIÓN:      Secretaría do Centro.   De 11:10 a 12:30

DOCUMENTACIÓN NECESARIA:

1.    Impreso de matrícula.

2.    Enquisa de relixión.

3.    Certificado médico (cóbrese polo médico de cabeceira ou o pediatra).

4.    Impreso de Transporte Escolar se o neno vai usar ese servicio (se fose o caso).

5.    Dúas fotografías tamaño carné.

6.    Certificado de empadroamento no que aparezan tódolos membros da unidade familiar (pídese no Concello).

7.    Fotocopia da Tarxeta Sanitaria do neno feita polas dúas caras.

8.    Impreso de autorización de publicación de imaxes (Recóllese na Secretaría).

9.    Impreso de autorización de recollida dos nenos en horario escolar.

10.  Impreso de lingua materna (3º de Ed. Infantil)

PRAZO: do 20 ao 30 de xuño.

As listas provisionais indican o reparto de libros existentes no fondo solidario. Todas as solicitudes foron admitidas. Non hai solicitantes excluídos do fondo solidario.

O reparto faise por lotes e de acordo coa renda per cápita dos solicitantes.

Ábrese un período de 48 horas para presentar reclamacións sobre este listado. De non haber ningunha reclamación a lista será definitiva.

Esta listaxe aínda non inclúe as adquisicións complementarias de libros que debe efectuar o centro para garantir como mínimo 6 libros para as solicitudes con renda per cápita inferior a 4.500 € e 4 libros para as rendas inferiores a 9.000 €. 

Algunhas solicitudes non teñen libros asignados na lista ou non chegan ao número que lles corresponde de acordo coa súa renda. Isto non significa que non se lles proporcionen libros se non que non os temos neste momento dispoñibles no fondo solidario do centro polo que será o centro quen os compre ata o número indicado de 4 ou 6 segundo a renda per cápita en cada caso.

                                                        Vimianzo, 14 de xullo de 2016

Para consultar as listas abrir os arquivos adxuntos "Lista provisional de admitidos" ou ""Lista definitiva de admitidos"

Lista provisional de admitidos.pdf

Lista definitiva de admitidos.pdf

.

   Publicación no DOG:Orde do 27 de abril de 2016 publicada no DOG Núm. 92 de data 16 de maio de 2016

Prazo de presentación: do 18 de maio ao 23 de xuño de 2016

Solicitantes: Pais ou titores legais dos alumnos de Educación Primaria, Educación Secundaria e Educación Especial no curso 2016/2017.

Tipo de axuda:

• Fondo solidario de libros para 3º, 4º, 5º e 6º de EP e 1º e 3º de ESO
• Axuda para a adquisición de libros de texto para  1º e 2º de EP e 2º e 4º de ESO e en EE (Educación Especial).
• Axuda para a adquisición de material escolar para todos os cursos de EP, ESO e EE.
• Os alumnos escolarizados en EP ou ESO con discapacidade igual ou superior ao 65% que non vaian a usar libros de texto poden solicitar a axuda de libros independentemente do curso no que se matriculen.

Documentación:

• Con carácter xeral, libro de familia no que figuren todos os membros computables da unidade familiar.
• Só no caso de que non autoricen a comprobación dos datos de identidade: DNI dos membros computables.
• Só no caso de que non autoricen a comprobación dos datos de facenda: Declaración do IRPF do ano 2014 ou certificado de imputacións do mesmo ano se non teñen obriga de presentar declaración. Presentarase esta documentación referida a todos os membros computables que recibiron ingresos no ano 2014.
• Se a situación familiar a 31 de decembro de 2014 non se corresponde co libro de familia ou non hai libro de familia hai que aportar documentación que a xustifique: sentenza de divorcio ou separación e convenio regulador, certificado de defunción, certificado ou volante de convivencia.
• O grao de minusvalía certificarase con certificado correspondente ou se igual ou 33% con resolución de recoñecemento de pensión de invalidez permanente pola seguridade social.

Membros computables da unidade familiar (a 31 de decembro de 2014):

1. Serán membros computables:

a) Os pais non separados legalmente nin divorciados (ou titores legais)

b) Fillos menores con excepción dos emancipados.

c) Fillos maiores de idade discapacitados ou incapacitados xudicialmente  suxeitos á patria potestade prorrogada ou rehabilitada.

d) Fillos solteiros menores de 25 anos que convivan no domicilio familiar.

e)  A persoa proxenitora legalmente separada ou divorciada cando haxa custodia compartida.

f) A persoa que por motivo de matrimonio ou por convivencia en situación de unión de feito ou análoga viva no domicilio familiar coa persoa proxenitora do alumno

2. Cando non exista vínculo matrimonial a unidade familiar estará constituída polo pai, nai e todos os descendentes que convivan con eles e que reúnan os requisitos do punto anterior.

3. Os membros computables con minusvalía igual ou superior ao 33% contan por dous.

Determinación da renda familiar: resulta da división dos ingresos entre o número de membros computables. Os ingresos obtéñense sumando as casiñas 430 e 445 (rendementos do traballo e rendementos do aforro) da declaración da renda do ano 2014. Se non se presenta declaración por non estar obrigados haberá que ter en conta os ingresos netos sumados dos membros computables da unidade familiar correspondentes ao ano 2014.

Número de solicitudes: unha única solicitude para todos os irmáns que estean matriculados no mesmo centro que será común para o fondo solidario, a axuda para adquisición de libros de texto e a axuda para adquisición de material escolar.

Importe das axudas:Ven indicada no impreso de solicitude que se acompaña.

IMPORTANTE:

• Para ser beneficiario destas axudas é necesario ter devolto os libros que se entregaron o curso anterior se foi o caso.
• Este é o un resumo dos puntos máis importantes do procedemento de solicitude das axudas. A información completa ven no DOG referido ao principio ou se pode solicitar no centro.
• No caso de separación ou divorcio se os dous proxenitores conservan a patria potestade deben asinar os dous as solicitudes.

IMPORTANTE: Unha vez rematado o prazo e ao non haber máis solicitudes que prazas ofertadas todas as solucitudes presentadas foron aceptadas.

Listaxe de alumnos con solicitude presentada e aceptada:

a)Normativa que se aplica no procedemento de admisión : Orde do 12 de marzo de 2013 publicada no DOG de 15 de marzo de 2013.

b)Postos escolares vacantes:

4º de Ed. Infantil - 25 prazas (das qe hai que reservar 3 para alumnos con NE)
5º de Ed. Infantil - 7 prazas
6º de Ed. Infantil - 4 prazas

1º de Ed. Primaria - 3 prazas (das que hai rque reservar 3 para alumnos con NE)
2º de Ed. Primaria - 21 prazas
3º de Ed. Primaria - 0 prazas
4º de Ed. Primaria - 10 prazas
5º de Ed. Primaria - 15prazas

6º de Ed. Primaria - 20 prazas

c)Prazo de solicitudes de admisión: do 1 ao 20 de marzo

d)Nota informativa: cada alumno so poderá presentar unha única solicitude que se presentará no centro que solicita en primeiro lugar. A infracción desta norma implicará a perda dos dereitos de prioridade que lle poidan corresponder.

Os alumnos que teñen garantía de permanencia nun centro, se presenta solicitude de admisión noutro distinto deberán comunicalo, ao mesmo tempo, ao centro de orixe.

Os alumnos que teñan reservada praza nun centro se presenta solicitude de admisión noutro centro distinto deberá de comunicar a renuncia á reserva antes do inicio do  prazo de presentación de solicitudes de admisión.

f) Publicación provisional de admitidos: antes do 25 de abril.

Publicación definitiva de admitidos:  antes do 15 de maio.

g) Prazo de presentación de matrícula una vez admitidos: do 20 ao 30 de xuño

h) Centros adscritos ao CEIP San Vicenzo: Escolas de Carantoña e Castromil.

Centro ao que está adscrito o CEIP San Vicenzo: IES Terra de Soneira.

i)Zona de influenza do centro: O Concello de Vimianzo agás as parroquias de Baíñas e parte de Bamiro e Carnés.  Aos nenos de Carantoña correspóndelles a escola de Carantoña no nivel de Ed. Infantil e aos nenos de Castromil correspóndelles a escola de Castromil nos niveles de Ed. Infantil e Primeiro Ciclo de Ed. Primaria.

j) Servizos complementarios que ofrece o centro: Transporte e Comedor escolar.

 SOLICITUDE DE ADMISIÓN

(Para alumnos de nova matrícula)

PRAZO:         Do 1 ao 20 de marzo

LUGAR E HORARIO PARA A RECOLLIDA E ENTREGA DE DOCUMENTACIÓN:            Secretaría do Centro.   De luns a venres de 12:10 a 13:00 horas.

DOCUMENTACIÓN NECESARIA (Premer para descargar os impresos): 

1. Impresos de solicitude. ANEXO II (pódese recoller tamén na secretaría do centro).
2. Enquisa de relixión (tamén na secretaría).
3. Certificado médico (cóbrese polo médico de cabeceira ou o pediatra).
4. Impreso de Transporte Escolar se o neno vai usar ese servicio (pódese recóller tamén na secretaría).
5. Fotocopia do libro de familia (folla na que aparece o neno).
6. Dúas fotografías tamaño carné.
7. Certificado de empadroamento no que aparezan tódolos membros da unidade familiar (pídese no Concello).
8. Fotocopia da Tarxeta Sanitaria do neno feita polas dúas caras.
9. Impreso de autorización de publicación de imaxes (pódese recoller tamén na secretaría).
10.  No caso de separación ou divorcio dos pais, sentenza xudicial na que figure o convenio regulador.                                                                                                                                 NOTA : en caso de divorcio ou separación será necesaria a sinatura dos dous proxenitores a non ser que a patria potestade estea atribuída só a un deles.
11. Impreso de autorización de recollida dos nenos en horario escolar. (pódese recoller tamén na secretaría)
12. Para os alumnos de 4º de Educación Infantil (3 anos): Enquisa sobre a lingua materna. (pódese recoller tamén na secretaría)