Skip to Content

                              

blogue deLeo

24 de Outubro: día das bibliotecas.

Dom, 30/10/2022 - 06:23 — Leo

O pasado luns día 24 conmemoramos o DÍA DAS BIBLIOTECAS. 

Que marca o inicio das actividades da nosa biblioteca escolar 

 préstamo individual, actividades e propostas, mochilas viaxeiras, clubes de lectura...)

 

Centramos a celebración do día en 2 actividades específicas:

Por unha banda fixemos unha visita "guiada" polas novas instalacións da nosa B.E.

(Estamos en proceso de finalización, e ultimar os derradeiros detalles dos espazos da nosa nova biblioteca escolar , xa que entramos a formar parte do PLAN LÍA 3,  e  aínda non está rematada.)

Nesa visita, lembramos as normas , tamén repasamos a CDU, onde podemos atopar os libros, e ao final do percorrido houbo unha pequena sorpresa gastronómica e saudable.

Deixamos  aqui unhas poucas fotos do momento:

 

 

A outra actividade ,despois do recreo e no comedor escolar ( a nosa sorte de "salón de actos" xa que non temos outro espazo) consistiu nunha teatralización por parte do alumnado do terceiro ciclo.

Escribiron a obra entre todos e todas, e foron eles os "mestres de cerimonias" encargados de falarnos da importancia da biblioteca, e do que é un PDI , ademais de introducirnos por medio desta obra de teatro que eles e elas escribiron no PDI que vai guiar este curso escolar: COÑECENDO BOBORÁS.

Temos que parabenizar ao alumnado de 5º e 6º de ED. Primaria ( e as súas titoras, Asun e Carmela) polo traballo, a orixinalidade, a súa creatividade, a creación artística e as horas e horas de "ensaios e preparación" para que todos e todas puidesemos desfrutar desta magnífica peza artística que ao mesmo tempo foi moi ilustrativa e didáctica. ( E divertida!! encantoulles a todos e todas)

 

 E así o mostra esta pequena escolma fotográfica

 

E que vivan as bibliotecas!!!! 

Preparando as mochilas viaxeiras...

Mar, 18/10/2022 - 08:50 — Leo

Estamos cos últimos preparativos para poñer andar as nosas mochilas viaxeiras,

a próxima semana , xa que o luns día 24 é o día das BIBLIOTECAS ESCOLARES,

e polo tanto a posta en marcha da nosa biblioteca escolar...

 

Escribir a biblioteca escolar...

Xov, 13/10/2022 - 09:20 — Leo

 

 

O "lema" que este curso vai acompañar ás bibliotecas escolares é "ESCRIBIR A BIBLIOTECA ESCOLAR".

 

Deixamos a continuación o texto que acompaña á publicación do artigo explicativo do mesmo, recollido do blogue das bibliotecas escolares:

 

Ver coa imaxinación ou volver ver por medio da memoria é o patrimonio da escritura. 

 

 

A Consellería de Cultura, Educación, Formación Profesional  e Universidades publica o lema e o cartel para as bibliotecas escolares de Galicia de cara a este curso 2022/2023. O lema elixido, ESCRIBIR A BIBLIOTECA ESCOLAR, quere poñer o foco en todas as formas de escrita que cuida e ofrece a biblioteca escolar . A escrita como medio de comunicación, expresión, creación, información e coñecemento.

 

 
 
A imaxe que interpreta este lema proposto para o curso 2022-2023 é obra da calígrafa, deseñadora gráfica e mestra de talleres de caligrafía e lettering Belén L. Méndez coñecida como nacu, que leva xa un tempo colaborando coas bibliotecas escolares en  obradoiros.

 

A biblioteca escolar ofrece oportunidades e recursos para escribir e escribirnos:
 
- Escribir para saber, para aprender.

 

- Escribir para comunicar e comunicarnos.

 

- Escribir relatos, historias.

 

- Escribirnos, coñecernos a través da escrita: diarios, axendas,  biografía...

 

- Escribir xuntos en relatos colectivos, encadeados, libros viaxeiros, wikis…

 

- Escrita creativa: microrrelatos, haikus, collages, caligrafía…

 

- Escribir para deixar pegada e preservar a memoria individual e colectiva.

 

- Escribir para incluír e visibilizar.

 

- Traducir.

 

- Reescribir, versionar e adaptar.

 

- Escribir no audiovisual: guións, escaletas.

 

- Escribir para  estimular a creación.

 

Escribir para ser (lido), para que o lector e a lectora dea vida ao libro, ao escrito.

 

CONCURSO DE RELATO TERRORÍFICO

Lun, 10/10/2022 - 05:43 — Leo

Dende o equipo de Biblioteca en coordinación co de Dinamización da Lingua Galega, convocamos un concurso de relato terrorífico...

 

 

Bases concurso Samaín

 

 

 

 

 

 

Derradeira reunión do Clube de Lectura de 6º de ED. Primaria.

Lun, 04/07/2022 - 12:58 — Leo

 

O pasado luns día 20 foi a derradeira reunión do clube de lectura do alumnado de 6º de ED. Primaria.

 

Tivemos que facer a reunión na aula de 6º, xa que a nosa biblioteca estaba en proceso de “empaquetar” todo para comezar as obras...

 

Para esta última reunión tiveron dúas lecturas : “As músicas viaxeiras” de Ramón Caride e “Maxia de Pedra” de Xabier Domínguez Pérez

 

Nesta reunión falamos de cada un dos libros, e despois buscamos as similitudes entre ambos: as dúas protagonistas eran femininas, nas dúas había “elementos máxicos “ e as dúas eran adolescentes.

 

Con respecto ás “Músicas viaxeiras” deunos a debate pola idade da protagonista, e porque quizais cousas que xa criamos superadas... continúan acontecendo, sobre matrimonios concertados e rematamos relacionándoo coa triste noticia do asasinato de dúas rapazas en Pakistán ( residentes en España) por rexeitar os seus matrimonios concertados.

 

Para despedir fixemos un xogo de concentración e por último a agardada “merendola” e despois un pequeno agasallo para cada un dos participantes.

 

 

 

XOGAR NA BIBLIOTECA ESCOLAR.

Ven, 24/06/2022 - 05:38 — Leo

Na biblioteca ademais de ler, e buscar información, podemos experimentar e tamén XOGAR. 

O xogo é unha actividade moi importante para fomentar a creatividade do noso alumnado, e o xogo en pequenos grupos fomenta moitas cualidades como pode ser a imaxinación, a creación , curiosidade, plasticidade... estratexias e todo dende un punto de vista lúdico.

 

 

Durante o curso en diversos momentos desfrutamos de sesións de xogo na nosa B.E , como por exemplo o alumnado de ED. Infantil con bloques lóxicos ou con KAPLA que lles gusta moito. 

 

 

 

 

Xogar coas tablets, con APPs axeitadas para as idades correspondentes e en pequeno grupo tamén supón un estímulo interesante.

 

 

 

Xogos como DIXIT fomentan a imaxinación e a empatía e o que podemos coñecer dos demais, ao tempo que nos divertimos.

 

 

Outro dos xogos que ten moito éxito é o de VIRUS, que ademais de mostrar a estratexia ou cooperación dos xogadores , refréscanos as distintas partes do corpo, e danos pé a falar por exemplo da COVID. 

 

 

 

Ti no es de aquí?  é un trivial adaptado a idade escolar e que supón unha viaxe de aprendizaxe e coñecementos relacionados coa nosa cultura e idioma. 

 

 

E mención especial merecen todos os xogos de Brazolinda que temos na nosa biblioteca, distribuídos por idades de elaborados con moito agarimo e feitos a man.

 

Porque o xogo é unha parte importantísima ( e divertida) para desenvolver a creatividade e outras estratexias no noso alumnado ao tempo que se divirten e desfrutan...

 

Xogando coas cores na biblioteca: mesa de luz co alumnado de ED. Infantil.

Xov, 23/06/2022 - 16:36 — Leo

No primeiro trimestre o alumnado de ED. Infantil (en pequenos grupos)  ademais de utilizar a biblioteca para ver contos e para coller os libros para levar á casa e ler en familia, tamén tivo varias sesións para traballar as "cores" dun xeito divertido: coa mesa de luz.

 

Partindo do branco, fixeron series, agrupamentos e pequenos puzzles coas pezas de cores ( observando así as distintas figuras xeométricas) que oh! sorpresa!!,  cambiaban segundo a cor de  base que tivesen.

 

Foi unha experiencia moi divertida e interesante, que lles gustou moitísmo!!!

 

 

 

 

Aprendendo coa "makey makey" en ED. Infantil

Xov, 23/06/2022 - 16:17 — Leo

Neste trimestre o alumnado de ED. Infantil estivo xogando cunha placa chamada "makey makey" ( un elemento moi interesante para traballar a "pre-robótica") que nos permitiu facer que tocabamos os "bongos" con  kiwis ou tocar un pequeno piano de cores e facer música. 

 

Tamén se divertiron simulando que tocaban unha batería ou algún que outro instrumento musical ao mesmo tempo que traballabamos a súa motricidade fina e a atención. 

 

Foi unha experiencia divertida e interesante na que puideron ver unha das moitas funcionalidades que ten esta plaquiña.

 

Aquí quedan algunhas fotos do alumnado en acción.

 

 

 

APRENDENDO COS "ESCORNABOTS"

Xov, 23/06/2022 - 13:44 — Leo

Durante este curso na clase de 2º de ED. Primaria, na asignatura de valores,   estivemos traballando cos Escornabots. Algunhas das actividades realizadas foron:

 

- Que sentimos cando…?

Esta actividade consistía en ler unha situación, por exemplo que sentes cando tes boa nota nun exame ou cando te castigan sen ter a culpa por algo… E levar o Escarnabot ata a cuadrícula coa emoción correspondente.

 

                

 

- A onde vai cada residuo?

Neste caso cada alumno/a tiña que levar diferentes residuos ao contedor correspondente.

 

 

 

Foron actividades nas que o alumnado participou activamente na súa realización e que nos valeron para reflexionar sobre diferentes cuestións.

(Redacción do texto: profe Asunción) 

RECOMENDACIÓNS LECTORAS PARA O VERÁN.

Ven, 17/06/2022 - 17:03 — Leo

Deixamos un pequeno vídeo con algunhas  recomendacións lectoras para o verán ( clasificadas por idades)

 

 

 

 

Adxuntamos tamén un documento PDF das mesmas , para velas con calma (e se premedes en cada unha das portadas dos libros levaravos á súa ficha técnica)

 

 

BOA LECTURA E BO VERÁN.

 

 

 

Distribuir contido


by Dr. Radut