Skip to Content

                              

Blogues

CLUB DE LECTURA FAMILIAS E PROFESORADO: A HISTORIA DE SARA

Onte reunímonos as integrantes do Club de Lectura de Familias e profesorado para falar da nosa última lectura:

 

"A historia de Sara" de Francisco Castro.

Un libro fermoso, sensible, que fai reflexionar e ao mesmo tempo duro .

Conta coas magníficas ilustracions de Luz Beloso que son o complemento idóneo para esta breve e engaiolante historia, que non deixa indiferente. 

 

Como podedes observar nas imaxes, onte na nosa "peculiar mesa redonda" na que falamos sobre as lecturas, tivemos entre nós ao autor da obra: Francisco Castro.

 

Queremos agradecerlle que se achegase ao noso cole, e compartise con nós o seu tempo, falando do seu libro, da sensibilidade coa que está escrito, de facernos ver que hai novela gráfica para adultos.

 

E que nos falase con franqueza, nos fixese reflexionar   profundamente sobre un tema que por desgraza está máis presente do que quixéramos.

E que tamén está nas nosas mans tratar de previr , apoiar e sensibilizar.

Foi moi ilusionante telo con nós, e non queremos deixar de agradecerlle que se achegase ao noso centro.

Aínda que onte non estabamos todas as que somos, si unha representación importante e non quixemos deixar pasar a oportunidade de tirar unha foto todas xuntas.

 

 

 

Reiteramos novamente o agradecemento ao autor polo seu tempo e sensibilidade e tamén á librería OZOCOgz que foi a que mediante a presentación do seu libro nos puxo en contacto.

 

CLUBE DE LECTURA FAMILIAS E PROFESORADO: A CULPA. MARÍA SOLAR

A segunda lectura que fixemos este curso foi "A CULPA" DE María Solar.

 

Un libro intenso, interesante,  duro e moi complexo que nos deu para un amplo debate no que falamos moito , moito moito: dúbidas sobre a historia das protagonistas, ideas, as nosas conclusións, a variedade de opinións e o final!!!

 

A autora , María Solar, contestounos a todas esas dúbidas ( e eran bastantes!!!) que gravamos dende Radio  Xuve e lle fixemos chegar. 

Aquí tedes algunhas fotos do momento, no que algunhas das participantes lle fixeron chegar as dúbidas que xurdiron entre todas:

 

E agora que temos as respostas, na derradeira reunión escoitarémolas todas xuntas...

Non as imos poñer aquí porque non queremos facer "spoiler" por se alguén aínda non leu esta magnífica novela.

 

MENÚ XUÑO 2023

Prema na seguinte ligazón para visualizar o menú de xuño.

Na eira e na lareira

Onte, grazas ao Consorcio Editorial Galego, e da man da "Xanela do Maxín" tivemos a sorte de desfrutar deste magnífico espectáculo en dúas quendas.

Primeiro fomos o alumnado máis pequeno ( de ED. Infantil a 2º de ED. Primaria) e despois os maiores ( de 3º a 6º de ED. Primaria)

 

Gustounos moitísimo, tívonos "enganchad@s do comezo ata o fin, e ademais poñendo en valor a importancia da nosa cultura, música e tradicións.

 

 

 

Aquí deixamos unha pequena escolma fotográfica da actividade de onte:

 

AXUDA LIBROS E VALES MATERIAL 2023-24

Estimadas familias:

Informamos de que na ORDE do 10 de maio de 2023 foron publicadas as axudas para:

- Participar no fondo solidario de libros de texto en 3o, 4o, de Educación Primaria.

- Adquirir libros de texto en 1o e 2o de Educación Primaria e en Educación Especial.

- Adquirir material escolar en Educación Primaria e Educación Especial.

AQUÍ A INFORMACIÓN

MISTERIO NA BIBLIOTECA

Lembrades a proposta que se fixo este curso no día da poesía para conmemorar o día do libro este curso??

 

 

Ao final decidimos presentalo o día das Letras Galegas, entre as actividades programadas para esa data.

Representantes de cada aula saíron a lelo ante todo o centro para ver como se ía desenvolvendo esta historia misteriosa que o alumnado de 1º de ED. Primaria deu en titular " MISTERIO NA BIBLIOTECA". ( premede no enlace para acceder á publicación)

 

Aquí vos queda o conto colaborativo, por se o queredes desfrutar, como fixemos nós escoitándoo dos seus autores e autoras.

 

 

 

 

Francisco Fernández del Riego: celebrando as Letras Galegas 2023

Este ano adicouse o día DAS LETRAS GALEGAS ao escritor, activista e fundador da Editorial Galaxia:  Francisco Fernández del Riego.

Coma todos os anos, traballamos ao autor homenaxeado a nivel aula cos distintos materiais que atopamos na rede, especialmente os do SEMINARIO GALÁN, ( elaborados con moito xeito por varios centros educativos da provincia da Coruña), tamén tiramos dos materiais que a propia páxina da RAG pon á nosa disposición. 

Como por exemplo este pequeno vídeo sobre o homenaxeado:

 

 

Ademais deste traballo por aula, o xoves fixemos unha actividade común no patio do cole, despois da "hora de ler".

En primeiro lugar  cantamos entre todos e todas "O himno Galego", mexendo as bandeiras galegas que cada quen elaborou na súa aula.

A seguir, o alumnado do 3º ciclo de ED. Primaria presentounos unha pequena biografía do autor homenaxeado.

E posteriormente fíxose a presentación do libro colaborativo ( e lectura do mesmo) que elaborou o alumnado de ED. Primaria ( e cuns xiros moi inesperados!!!) 

Non podíamos deixar pasar este día sen entregar os premios do concurso co gallo desta data:

A calidade das propostas foi excelente, e ao xurado custoulle moito decidirse.

Finalizamos a celebración bailando ...música en galego para todos os gustos!!!

E acó vos quedan unhas poucas fotos do evento ( grazas ao profe Óscar pola reportaxe fotográfica) 

 

 

OBRADOIRO DE RADIO CON IAGO GORDILLO

Este curso, e grazas a estar dentro do programa "RADIO na Biblio" ( da Asesoría de Bibliotecas Escolares, Plambe) contamos no cole novamente ( xa nos visitou o curso pasado, e o alumnado quedou encantado!!) con Iago Gordillo.

 

Desta volta os cursos cos que traballou e fixo un obradoiro de Radio foron os de 3º e 5º de ED. Primaria.

 

Como primeira toma de contacto, explicación de conceptos básicos e resolución de dúbidas, ambas clases tiveron unha videoconferencia con el o xoves 4 de maio. Onde lles deu unha pequena e dinámica explicación, e  aportoulles moitas ideas.

 

Despois asignoulles a cada aula ( adaptado a súa idade) unha tarefa para preparar en cada a unha das aulas.

Para posteriormente este venres día 12 acercarse ao noso cole e darlle forma á súa "tarefa" convertida desta volta nun podcast.

Moitas grazas a Iago polo seu tempo  e por compartir a súa sabedoría con nós, ademais de facelo todo dun xeito que semella sinxelo e ademais interesantísimo.

Acó vos quedan unhas poucas fotos das dúas aulas ( preparando o programa, e tamén no momento de facelo)

 

 

 

 

 

 

 

Visitounos Antía Yáñez

Este venres estivo no noso centro Antía Yáñez e o alumnado de 5º e 6º tivo a sorte de poder compartir con ela o seu tempo, falando de "Plan de rescate" e ademais de facerlle moitísimas preguntas sobre o libro e mais curiosidades sobre ela.

 

 

RADIO NA BIBLIO CON IAGO GORDILLO

Este xoves día 4 comezamos coa formación sobre radio con Iago Gordillo ( gustouno tanto o curso pasado que este ano repetimos formador) 

Desta volta a formación vai dirixida ao alumnado de de ED. Primaria ( para establecer os primeiros pasos autonomamente na radio) e para o alumnado de  de ED. Primaria (máis autónomo pero coa necesidade de ampliar a súa formación e coñecementos)

 

Como primeiro paso ambas clases fixeron unha videoconferencia con Iago  , para que lles explicase conceptos básicos, testease os seus coñecementos e sobre todo coñecerse.

A próxima semana, o venres día 12, Iago virá ao noso cole para traballar con estas dúas clases e ver como foi a "tarefa" que lles deixou para ese día.

 

Aquí vos deixamos algunhas fotos do momento da videoconferencia:

 

 

Distribuir contido