Skip to Content

                              

Blogues

FAMILIAS QUE CONTAN: O GRÚFALO

Este luns tivemos contacontos por parte das familias. Patricia , acompañada pola súa filla Mía contáronnos o conto "O Grúfalo"  entre as dúas.

 

O alumnado de ED. Infantil e 1º Ciclo de ED. Primaria estivo atentísimo.. desfrutaron moito desta narración compartida.

 

Moitísimas grazas a Patricia e a Mía (que o fixo xenial!!)

 

FAMILIAS QUE CONTAN: ¿POR QUÉ LLORAMOS?

A pasada semana, María José, a nai de Pablo da clase de 1º de ED. Primaria veu á biblio contarnos ¿Por qué lloramos? 

 

Un fermoso conto que nos explica que chorar é un xeito máis de expresar as nosas emocións... e que podemos chorar por moitísimos motivos.

 

 

 

O alumnado de ED. Infantil e 1º ciclo de ED. Primaria estivo atentísimo e desfrutaron ao máximo desta fantástica narración polo mundo das emocións. Porque todos e todas choramos, sexamos grandes, ou pequenas...

 

Moitísimas grazas a María José por compartir o seu tempo con nós !!!!

 

REUNIÓN DO CLUB DE LECTURA DE ALUMNADO: FALAMOS DE MANGA E B.D

O pasado día 3 de xuño tivemos reunión do club de lectura de alumnado ( coa colaboración e asistencia das titoras do 3º ciclo)

 

Comezamos xogando, como facemos sempre  desta volta xogamos a dous xogos de mesa: SLAPZI ( un dos grandes éxitos deste curso)  e MORADA MALDITA.

 

A continuación o alumnado expuso o seu traballo sobre un libro de manga ou banda deseñada ( foi un traballo elaborado por eles e elas: houbo quen fixo presentacións en CANVA, houbo quen elaborou carteis informativos, quen se apoiou en imaxes...) a idea era que despois de ter elexido un libro na reunión anterior, espuxesen diante dos e das integrantes do club o que lles pareceu, porqué o elexiron, falar das personaxes etc etc...

 

Despois das exposicións , rematamos, coma sempre cunha "merendiña".

 

Aquí quedan unhas poucas fotos do momento:

 

 

CELEBRANDO OS MAIOS: CON COPLAS E FLORES

Este ano celebramos a festa dos maios ao noso "xeito"

 

Por unha banda o alumnado de 6º de ED. Primaria, axudados pola súa titora Patricia elaboraron unhas coplas sobre si mesmos, e tamén o fixeron co alumnado da clase de 4º e 5º de ED. Infantil.

Pero ademais fixemos unha actividade conxunta, onde lle explicaron aos pequechos e pequechas as plantas e flores máis importantes dos maios ( así falamos dos "pampillos" e tamén dos "estralos ou estralotes" dependendo da zona teñen distintos nomes) despois elaboraron unha coroa con "pampillos" por parellas para o alumnado máis pequeno.

Foi unha experiencia interesantísima e divertida na que a creatividade e o bo facer estiveron presentes. 

Esta actividade tamén se desenvolveu co alumnado de 3º de ED. Primaria.

 

Así a profe Patricia marcou como obxectivos principais: 

-Dar a coñecer  a festa dos maios.
-Achegarse á lírica popular sendo creadoras de coplas onde somos as protagonistas.
-Fomentar os vínculos e a axuda mutua entre o alumnado de 3º ciclo EP e EI
-Mellorar a convivencia do centro a través das artes e da natureza.

 

Aquí vos quedan unhas poucas fotos da actividade de elaboración das coroas, e na que se compartiron as coplas.

 

 

 

Engadimos como arquivos adxuntos as coplas elaboradas para a ocasión.

E que vivan os maios!!!! 

Información semanal 17-21 de xuño

Premer en resumo semanalpara ver as actividades desenvolvidas a semana do 17 ao 21 de xuño, polo alumnado de 1º EP. 

BO VERÁN E BOA LECTURA!

E agora a desfrutar do verán... deixamos aquí as recomendacións lectoras  remitidas polas titorías dos distintos ciclos.

Como sabedes, este é o ano da B.D ( banda deseñada) e algunhas das recomendacións van nesa liña.

 

Por outra banda, este curso as profes Cruz, Natalia, Loli e mais eu (Leo) participamos nun grupo de traballo, de formación intercentros (varios centros da provincia e tamén o C.E.E Infanta Elena de Monforte) sobre o xogo e a súa importancia na aprendizaxe e na adquisición dalgunhas destrezas, no fomento da paciencia e da socialización ( e tamén para aprender!!)

Engadimos tamén recomendacións de xogos, testados co alumnado e que poden ser interesantes para o seu desenvolvemento e para pasar un bo momento en familia.

 

Que teñades bo verán, desfrutade e lede moito... e se queredes recomendacións...

( Van en formato imaxe e tamén en adxunto PDF que se ve con maior claridade)

 

BOA LECTURA E BO VERÁN XOGANDO EN FAMILIA!!!

 

Matrícula 2024-2025

 

Festival de Fin de curso

Comprácenos comunicarvos que este XOVES 20 DE XUÑO, 

ÁS 10:30horas

terá lugar o Festival de Fin de curso.  

 

Disfrutaremos das actuacións de todo o alumnado e dos actos de graduación de 6º de E.Infantil e de 6º de E.Primaria.

 

Estades tod@s convidad@s. Agardámosvos!!

Atentamente

 

CEIP Xuvencos

 


 

Información semanal 10-14 de xuño

Premer abaixo, no arquivo adxunto, para ver as actividades desenvolvidas a semana do 10 ao 14 de xuño, polo alumnado de 1º EP. 

Canción festival Be healthy be happy

Preme na canción Be healthy be happy  para ver a letra da canción que cantaremos no festival. Lembrade que tamén a tendes en papel. 

 

Preme abaixo, no 2º arquivo adxunto, para ver o significado da canción.

 

 

                                                      CANCIÓN PARA ENSAIAR    

 

 

Distribuir contido