Skip to Content

                              

Blogues

DÍA DA ÁRBORE, AUGA E A POESÍA NA INSUA DOS POETAS

 

O alumnado do 3º ciclo do noso centro, participou nesta actividade organizada pola fundación Insua dos Poetas.

Aquí deixamos unha completa reportaxe gráfica de  BADAL NOVAS  sobre o evento.

 

 

E por último un vídeo coa actuación que desenvolveu o noso alumnado:

 

 

REUNIÓN CLUB DE LECTURA DE FAMILIAS E PROFESORADO: A LAVANDEIRA DE SAN SIMÓN

o pasado luns 18 de marzo reuniuse o Club de Lectura de Familias e Profesorado para falar da nosa lectura: 

"A lavandeira de San Simón" de Eva Mejuto e ilustrado por Bea Gregores.

Esta lectura foi "patrocinada" polo equipo de Biblioteca do CEIP Petelos (Mos)  , xa que nos deixaron os exemplares para a lectura, ademais de propoñernos unha actividade conxunta de ambos clubs no mes de xuño. Moitas grazas, especialmente a Ángeles.

 

 

 

Comezamos a reunión, dando a benvida a unha nova integrante do noso club que nos falou sobre as súas lecturas favoritas e sobre si mesma.

 

Despois as que non puideron asistir á anterior reunión, déronnos a súa opinión sobre "Senlleiras" de Antía Yáñez, que foi a nosa anterior lectura.

 

E posteriormente pasamos á falar da lectura, motivo desta reunión.

 

 

 

O libro gustounos, e gustounos moito. Pareceunos un xeito moi accesible e sinxelo para falar dunha parte da nosa historia dun xeito moi tenro ( relatando unha dura realidade e o tempo da "postguerra")

Varias persoas comentaron , que en tempos tan duros, a solidariedade, o compartir o pouco que se ten, da moito que pensar.

Tamén reflexionamos sobre a importancia de coñecer o pasado para non cometer os mesmos erros.

En xeral, gustounos tamén moito como acompañaba  maxistralmente a ilustración ao texto. E pequenos detalles que se repetían ao longo do libro.

Concluímos que quizais o libro espertaba un sentimento de querer saber máis do acontecido, como un "abrir unha xanela" para seguir investigando. A maioría non estiveron nunca na illa.

 

 

Investigamos un pouco nas redes para atopar máis información sobre a illa, a súa historia e finalizamos accedendo á páxina que aparece no propio libro mediante un código QR:

A LAVANDEIRA DE SAN SIMÓN 

 

Na reunión tamén decidimos cal ía ser a seguinte lectura ( a idea é que cada quen trouxese unha proposta e decidir entre todas), e seguimos con Eva Mejuto, xa que a lectura escollida foi: "Memoria do Silencio" seguindo na liña de ler sobre o noso pasado...  

 

E para rematar, "unha merendiña" para falar dun xeito máis distendido. E desta volta queremos agradecer ás dúas Vanesas que temos no club, xa que nos deleitaron cunha gorentosa  "quiche" de verduras e un riquísimo biscoito caseiro.

Moitas grazas ás dúas!!!!

 

REDES SOCIAIS E SAÚDE MENTAL NA ADOLESCENCIA

 

Dentro do programa LECTURA E FAMILIAS ao que nos incorporamos este curso e partindo de propostas de diversas familias (especialmente as pertencentes ao Club de Lectura de Familias e profesorado) organizamos unha charla informativa impartida pola experta na materia Iria Veiga (médica psiquiátra no CHUS e divulgadora científica).

 

 

 

O vindeiro día 3 DE ABRIL ÁS 18:30, terá lugar no centro, co título : "REDES SOCIAIS E SAÚDE MENTAL NA ADOLESCENCIA".

Convidámosvos a asistir, xa que cremos que pode ser do voso interese. 

DÍA DE ROSALÍA NA CLASE DE 1º de ED. Primaria

No día de Rosalía de Castro,  o alumnado de 1° de Primaria do CEIP Xuvencos de Boborás, queremos facer unha homenaxe a esta  grande escritora.

 

Ensaiaron, prepararon os seus textos e baixaron a Radio Xuve a facer a gravación, acompañados pola súa titora, a profe M Luz.

Editado polo profe Javi, aquí tedes o resultado:

 

 

DÍA DA AUGA, ÁRBORE E POESÍA

Actividade do día da auga, árbore e poesía cos experimentos con auga e abrazando as árbores do patio.


 

 

BOLIS 3D

Neste segundo trimestre o alumnado do colexio coñeceu os bolis 3D que tiñamos no centro e o Kit  que nos prestou o CFR de Ourense para realizar as nosas creacións.

No seguinte video poderedes ver canta imaxinación e creatividade ten o noso alumnado.

8M: AS NOSAS SUPER HEROÍNAS

Este ano para conmmeorar o 8M decidimos relacionalo coa temática das Bibliotecas Escolares deste curso: a banda deseñada.

Así elaboramos 2 plantillas para que o noso alumnado debuxase á súa "super heroína" particular, e describise os seus "super poderes", porque non todas as superheroínas levan "capa".

 

 

Tamén fixemos unha pequena escolma de libros relacionados coa temática para expoñer na entrada do centro.

 

 

Unha vez debuxadas e descritas as superheroínas do noso alumnado , fixemos unha pequena exposición coas creacións para que todo o alumnado do centro puidese velas.

No terceiro ciclo ademais, fixeron cartaces con nubes de palabras con nomes de mulleres importantes para eles e elas...

 

 

OBRADOIRO ALIMENTACIÓN SAUDABLE

Obradoiro de froitas co alumnado de Educación Infantil.

ADMISIÓN DE ALUMNADO 24-25

Iníciase o proceso de alumnado para o curso 24-25. Aquí toda a información:

 Tamén no teléfono 988402022

23 de febreiro - Día de Rosalía

             Este venres 23 de febreiro celebramos no colexio o "Día de Rosalía". O alumnado representou de xeitos moi diversos varias poesías de nosa mais grande escritora. Parabéns as titorías polo enorme traballo. Aquí vos deixamos un pequeno video do acontecido:

 

Distribuir contido


by Dr. Radut