Skip to Content

                              

blogue deLeo

NOVEMBRO: MES DA CIENCIA EN GALEGO

Novembro foi o " mes da ciencia en galego". e así, na páxina da Asesoría de Bibliotecas Escolares de Galicia" puidemos atopar este texto:

 

"A ciencia está chea de momentos épicos coma este. Coñecelos e transmitilos é un deber no que todos, non soamente os que somos científicos, debemos participar. Amigos: temos unha historia da ciencia tan rica como descoñecida. Cando leades unha historia coma esta, facédea vosa e transmitídea, porque cada vez que a contedes estaredes sementando a curiosidade pola ciencia e contribuiredes a facer medrar no noso pobo unha cultura científica moi necesaria, que nos permitirá avanzar como sociedade e nos fará máis libres."  José Tubío

 

No centro fixemos diversas actividades a nivel aula, ademais nalgúns dos recreos do mes de novembro houbo "experimentos" destinados ao alumnado de ED. Infantil, de 3º e 4º e 5º e 6º de ED. Primaria.

Aquí vos quedan unhas poucas fotos dos experimentos

 

 

CONCURSO DE POSTAIS DE NADAL

Como xa é tradicional nos últiimos cursos , dende os equipos de Biblioteca e Dinamización da Lingua Galega, convocamos o concurso de postais de Nadal.

 

3 DE DECEMBRO: DÍA INTERNACIONAL DAS PERSOAS CON DISCAPACIDADE

 

O pasado venres día 2 tivemos dúas actividades para visibilizar con respecto á DISCAPACIDADE.

( Xa que o 3 de decembro é o DÍA INTERNACIONAL DAS PERSOAS CON DISCAPACIDADE

 

Por unha banda, e para o alumnado máis pequeno do centro, SANDRA, a nai de Iria preparou 2 contos con moita intención e sensibilidade.

 

 

Para o alumnado da aula mixta de 3 e 4 anos, contoulles "O porquiño Azul" , unha historia que trata sobre a diversidade, e posteriormente fixeron un "porquiño" da cor que quixeron.

 

 

 

Para o aumnado de 5 anos e 1º de ED. Primaria o conto escollido foi " El libro negro de los colores".

Mentres lles contaba o conto, deulles unha máscara para tapar os ollos e tocar o libro,, sentir os relevos, e tamén a escritura en braille 

Despois disto, diversas actividades de estimulación sensorial: tomar alimentos e adiviñar que eran cos ollos pechados, tocar elementos e tentar adiviñar, polo tacto, polo olfacto e tamén pasaron pola emisora de Radio Xuve para escoitar distintos sons, e ver se eran quen de adiviñar a súa orixe.

E como actividade final , trouxo un modelo para que puidesen escribir o seu propio nome en "braille". 

 

 

Queremos agradecer a Sandra, o seu tempo, esforzo e a preparación destas dúas actividades tan interesantes, visibilizadoras  e completas.  MOITÍSIMA GRAZAS!!!

 

 

 

A outra actividade do dia, para visibilizar, e concienciar ao noso alumando fo a visita ó centro dunha pequena representación de ASPADISI

Esta actividade estaba dirixida ao alumnado de 2º a 6º de ED. Primaria. 

Primeiramente falaron da súa historia ,da entidade ,despois tamén houbo dúas persoas que contaron a súa "experiencia de vida",e finalmente compartiron con nós todas as actividades que fan e materiais artesanais que elaboran.

Foi unha experiencia moi moi interesante e enriquecedora.

Para rematar con este día tan emotivo e inspirador, na hora do recreo as persoas de ASPADISI compartiron con nós os seus "xogos populares", ( elaborados en diversos materias, entre eles a madeira por eles mesmos) 

 

Queremos agradecer ás persoas de ASPADISI que se achegaron ao centro, compartiron o seu tempo con nós e enriqueceron as nosas percepcións dun xeito marabilloso.

 

      

 

O MAGOSTO NO CEIP XUVENCOS

 

Un ano máis, grazas á organización do Equipo de Actividades Complementarias en coordinación co Equipo de Dinamización da Lingua Galega e co noso mestre de Educación Física Rubén, festexamos o Magosto no CEIP Xuvencos.

Foi unha semana moi especial.

 

Decoramos o cole con murais e cunha exposición de figuriñas feitas con castañas, na que participaron as familias. 

 

 

 

O propio día do San Martiño celebramos a festa da castaña. Foi un día inesquecible no que, primeiro, tivemos a nosa tradicional “Carreira do San Martiño”, que xa vimos facendo dende fai uns anos. Un éxito.

 

A continuación deixamos os enlaces a uns pequenos vídeos de cada unha das carreiras:

CARREIRA DE 4º DE ED. INFANTIL

CARREIRA DE 5º DE ED. INFANTIL.

CARREIRA DE 6º DE ED. INFANTIL.

CARREIRA DE 1º e 2º DE ED. PRIMARIA

CARREIRA DE 3º e 4º DE ED. PRIMARIA.

CARREIRA DE 5º e 6º DE ED. PRIMARIA

 

 

Seguidamente, demos paso ás actividades musicais.

Cantamos xuntos as cancións de “O caneco de Xuvencos”, “Sra. María e Sr. Manuel” acompañados por uns e unhas grandes percusionistas e, ata gaiteiro tivemos! Despois tocou bailar a canción de “Vive o magosto”, tan divertida.

 

Continuamos coa entrega de medallas para os gañadores da carreira. Moi emocionante!

 

Para finalizar, despois de xogar un pouco no patio, fomos comer e rematamos o día cunha sobremesa de castañas asadas que estaban deliciosas!

 

(Texto da autoría da Profe Carmela) 

 

 

25N: MANIFESTACIÓN

Os equipos de Dinamización da Lingua Galega e Biblioteca ( coa colaboración inestimable do equipo de Actividades Complementarias e Extraescolares) decidiron convocar unha manifestación/camiñada ata o Concello de Boborás no 25N.

Aquí tedes o cartaz que se difundiu con motivo da mesma:

 

 

Cada unha das aulas preparou a cartelería, escribiu cartaces, consignas, frases, e mostrou a súa arte e creatividade para ir ben equipados e equipadas.

 

Nas aulas de 4º e 6º de ED. Primaria, ademais, coa axuda do profe Michel prepararon os materiais para deleitarnos cunha "batucada" que foi a banda sonora da nosa saída. Con materiais de refugallo e eles mesmos decoraron os seus instrumentos.

 

Queremos agradecer tamén ao Concello de Boborás por cedernos as súas instalacións para que o alumnado do terceiro ciclo saíse ao " balcón" a compartir os seus pensamentos e consignas.

Agradecer tamén ás familias que se achegaron e nos acompañaron na nosa andaina. 

E con todo, que o tempo acompañou acó vos quedan unhas poucas imaxes do evento:

 

 

Por outra banda, o profe Óscar, ademais de facer a reportaxe gráfica do evento, tamén recompilou os cartaces elaborados polo alumnado para que se puidesen apreciar con maior claridade.

 

 

Queremos agradecer á toda a Comunidade Educativa, e a todas as persoas que se uniron, ou colaboraron con nós nesta data. GRAZAS 

25 DE NOVEMBRO:Día Internacional para a Eliminación da Violencia contra a Muller.

OS EQUIPOS DE BIBLIOTECA E DINAMIZACIÓN DA LINGUA PROPOÑEN: UNHA CAMIÑADA VIOLETA E REIVINDICATIVA O VINDEIRO VENRES DÍA 25 ( SE O TEMPO O PERMITE) POR BOBORÁS ATA O CONCELLO. ÁS 13:00 HORAS POSTERIORMENTE O ALUMNADO DO 3º CICLO FARÁ UN COMUNICADO RELACIONADO CON ESTA DATA. UNÍDEVOS A NÓS E ANIMÁDEVOS A PARTICIPAR!!!

LEVAREMOS "PANCARTAS" E TAMÉN FAREMOS MOITO REBUMBIO!!!!

 

20 de novembro: día internacional da infancia.

Baixo o lema " pola inclusión de todos os nenos e nenas" a ONU reivindica así o día internacional da infancia.

Dende Unicef comparten este vídeo: "Un so equipo polos dereitos da infancia" 

 

 

 

 

 

 

 

 

 

 

 Compartímosvos tamén este vídeo sobre os dereitos da infancia:

 

 

 

 

 

 

O 20 de novembro de 1989 conseguiuse a aprobación da Convención dos dereitos do neno na ONU.

É por iso que todos os 20 de novembro se conmemora esta aprobación.

Dende o equipo de  biblioteca e en colaboración co equipo de Convivencia propuxemos o visionado, dependendo das idades, de curtas ou pequenos documentais para concienciar.

 

Estas 2 cancións tan divertidas para os  máis pequenos: 

 

 

     

 

 Máis cousiñas: 

 

 

Ou este outro elaborado por UNICEF para os maiores:

 

 

Tamén vos queda aquí o enlace a unhas actividades relacionadas coa temática que elaborou UNICEF , premede AQUÍ.

 

Un PDF de Pocoyo y los derechos de la infancia e outro PDF dos dereitos do neno en galego.

20 de novembro: día internacional da infancia.

Baixo o lema " pola inclusión de todos os nenos e nenas" a ONU reivindica así o día internacional da infancia.

Dende Unicef comparten este vídeo: "Un so equipo polos dereitos da infancia" 

 

 

 Compartímosvos tamén este vídeo sobre os dereitos da infancia:

 

 

 

 

 

 

O 20 de novembro de 1989 conseguiuse a aprobación da Convención dos dereitos do neno na ONU.

É por iso que todos os 20 de novembro se conmemora esta aprobación.

Dende o equipo de  biblioteca e en colaboración co equipo de Convivencia propuxemos o visionado, dependendo das idades, de curtas ou pequenos documentais para concienciar.

 

Estas 2 cancións tan divertidas para os  máis pequenos: 

 

 

     

 

 Máis cousiñas: 

 

 

Ou este outro elaborado por UNICEF para os maiores:

 

 

Tamén vos queda aquí o enlace a unhas actividades relacionadas coa temática que elaborou UNICEF , premede AQUÍ.

 

Un PDF de Pocoyo y los derechos de la infancia e outro PDF dos dereitos do neno en galego.

24 de Outubro: día das bibliotecas.

O pasado luns día 24 conmemoramos o DÍA DAS BIBLIOTECAS. 

Que marca o inicio das actividades da nosa biblioteca escolar 

 préstamo individual, actividades e propostas, mochilas viaxeiras, clubes de lectura...)

 

Centramos a celebración do día en 2 actividades específicas:

Por unha banda fixemos unha visita "guiada" polas novas instalacións da nosa B.E.

(Estamos en proceso de finalización, e ultimar os derradeiros detalles dos espazos da nosa nova biblioteca escolar , xa que entramos a formar parte do PLAN LÍA 3,  e  aínda non está rematada.)

Nesa visita, lembramos as normas , tamén repasamos a CDU, onde podemos atopar os libros, e ao final do percorrido houbo unha pequena sorpresa gastronómica e saudable.

Deixamos  aqui unhas poucas fotos do momento:

 

 

A outra actividade ,despois do recreo e no comedor escolar ( a nosa sorte de "salón de actos" xa que non temos outro espazo) consistiu nunha teatralización por parte do alumnado do terceiro ciclo.

Escribiron a obra entre todos e todas, e foron eles os "mestres de cerimonias" encargados de falarnos da importancia da biblioteca, e do que é un PDI , ademais de introducirnos por medio desta obra de teatro que eles e elas escribiron no PDI que vai guiar este curso escolar: COÑECENDO BOBORÁS.

Temos que parabenizar ao alumnado de 5º e 6º de ED. Primaria ( e as súas titoras, Asun e Carmela) polo traballo, a orixinalidade, a súa creatividade, a creación artística e as horas e horas de "ensaios e preparación" para que todos e todas puidesemos desfrutar desta magnífica peza artística que ao mesmo tempo foi moi ilustrativa e didáctica. ( E divertida!! encantoulles a todos e todas)

 

 E así o mostra esta pequena escolma fotográfica

 

E que vivan as bibliotecas!!!! 

Preparando as mochilas viaxeiras...

Estamos cos últimos preparativos para poñer andar as nosas mochilas viaxeiras,

a próxima semana , xa que o luns día 24 é o día das BIBLIOTECAS ESCOLARES,

e polo tanto a posta en marcha da nosa biblioteca escolar...

 

Distribuir contido