Ola a tod@s: Xa nos queda moito menos para acabar o curso e para librarnos deste virus que nos cambiou a vida a todos/as. Axiña entramos na fase II, polo que xa poderedes saír máis e, incluso, ir á praia se o tempo acompaña. Polo tanto, déixovos pouquiño traballo para que poidades dedicar o tempo a esquecer os malos momentos desta etapa. Velaquí vai:
Tal como vos dixera, de Plástica e Valores dinvos máis tempo para presentar os traballos e os que vos deixo agora son ata fin de curso, non poñerei nada máis.
No caso de Valores son unhas preguntas da actualidade para reflexionar. Podedes contestar a través dunha presentación ou cunha redacción. Como prefirades. É posible que necesitedes buscar información en algún caso.
No caso de Plástica, tedes dúas tarefas: A e B. Na tarefa A tedes que escoller só dúas figuras para construír, as que queirades. Na tarefa B hai que debuxar unha figura, só unha, aínda que haxa tres opcións. Xa que o mércores vides a buscar o voso material, podedes levar os blocs e facelos aí. Non esquezades compás e reglas.
Repito que de Valores e Plástica non volverei a mandar máis tarefas. Entregaranse a fin de curso con todo.
Con respecto ao demais déixovos as tarefas desta semana e as solucións da pasada.
Boa semana a tod@s!!!
