Saltar navegación.


Presentación   |   Horarios   |   Oferta educativa   |   Secretaría   |   Contacto

ADMISIÓN DE ALUMNADO 2024-2025

NORMATIVA REGULADORA DO PROCESO DE ADMISIÓN: 

DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

ORDE do 21 de outubro de 2022 pola que se desenvolve o Decreto 13/2022, do 3 de febreiro e que se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio de educación. 

CALENDARIO:

 

 


 

 

 

CENTRO DE ADSCRICIÓN DO CEIP PLURILINGÜE DE CENTIEIRAS: CPI A Xunqueira

ÁREA DE INFLUENCIA DO CENTRO: Concello de Fene 

SERVICIOS COMPLEMENTARIOS QUE OFRECE O CENTRO: 

  • Transporte escolar
  • Comedor xestionado pola ANPA 
  • Servizo de madrugadores xestionado pola ANPA
  • Actividades extraescolares xestionadas pola ANPA

INFORMACIÓN A TER EN CONTA: 

  • Todo o alumnado poderá presentar a súa solicitude de admisión pedindo ata 6 centros por orde de preferencia. Esta solicitude de admisión dirixirase ao centro solicitado en primeiro lugar ou poderase realizar a través da SEDE ELECTRÓNICA (ED550B).
  • Na solicitude de admisión a persoa poderá obtar, de ser o caso, expresamente por un posto reservado a alumnado con necesidades específicas de apoio educativo. 
  • Despois de presentar unha solicitude de admisión para renunciar deberá facerse expresamente indicándoo na casilla correspondente da nova solicitude.
  • A existencia dunha solicitude de admisión en prazo e sen renunciar expresamente á anterior poderá ser causa de pérdida do dereito a participar no procedemento.
  • A solicitude de reserva ou de admisión é única para cada alumno e alumna e terá caracter vinculante. A súa presentación implica que son certos os datos indicados nela.
  • A admisión e matriculación nun centro docente implicará respectar o seu proxecto educativo. 
  • Poderase consultar a información relativa ao proceso de matrícula(estado de tramitación, previsión de postos...) na aplicación admisión alumnado. (https://www.edu.xunta.gal/admisionalumnado)

Día Mundial da Saúde

Este domingo 7 de abril, celebrábase o Día Mundial da Saúde, e como caía a domingo, pasámolo a celebrar o luns día 8. Por elo organizamos unha merenda con froita (lembrar que xa o facemos varios días da semana) e na hora de lectura, percorremos a milla todos xuntos cos apadriñamentos correspondentes. Como o día non foi o axeitado debido ás inclemencias meteorolóxicas, tivo que desenvolverse dentro do pavillón e acurtando algo a distancia polo monótono que se facía estar a dar xiros en redondo. Todo elo acompañado pola música motivadora da película de ROCKY BALBOA. Non queremos deixar pasar o agradecemento enorme ao Eroski de Fene pola súa implicación neste día, pois non en vano, foron os encargados de ceder a froita de xeito totalmente solidario.

Apertas

 

 
 
 
 
 
 
 
 
 
 
 
 
 
 
 

Gatiza quere ser ecoloxista!

Gatiza apareceu novamente na escola e, coma sempre que vén por aquí, é porque necesita da vosa axuda. Esta vez quere que gravedes un vídeo curto, dun minuto como máximo, dándolle algún consello sobre ecoloxía, reciclaxe, sostibilidade ou medio ambiente. Tedes ata o venres día 19 de abril para traelos á escola nunha memoria usb co voso nome escrito.

Lembrade, o vídeo ten que estar en galego e gravado en horizontal.

Gatiza conta con vós!

21 DE MARZO: DÍA MUNDIAL DO SÍNDROME DE DOWN

O pasado 21 de marzo conmemoramos no centro o Día Mundial da Síndrome de Down.

Para isto, levamos a cabo dúas actividades, por unha banda, todos e todas trouxemos calcetíns desparellados como símbolo de diversidade. 

Por outra, o alumnado de 2º de Educación Primaria, como verdadeiros e verdadeiras expertas acudiron ás diferentes aulas da escola a facer unha campaña de sensibilización e visibilización sobre as persoas non verbais e o emprego de comunicadores.

Comezaban a sesión lendo o conto de Mimo, un pequeno paxaro que non podía piar. Por isto, pensaba que tampouco sería quen de voar nin de contar sementes. Estaba moi confuso. Ao final, unha pomba moi sabia ensínalle outro xeito de expresión: a música. Así, Mimo pode expresar cando está triste, cando está contento… Mimo tamén descobre que a través da pintura pode contar moitas cousas.

Logo os nenos e nenas explicaron o que era un comunicador, os aspectos fundamentais para facer un bo uso do mesmo e incluso o que tiñamos que facer se queríamos comunicarnos cunha persoa que o empregue, sempre sendo respetuosos e respetuosas.

Parabéns nenos e nenas polo voso traballo! Sodes un verdadeiro exemplo!

 

“Non poder falar, non significa non ter nada que dicir”

GRUPOS INTERACTIVOS COAS FAMILIAS MARZO 2024

Esta mañá desfrutamos dunha nova xornada de grupos interactivos coas familias. Nesta ocasión estiveron con nós Ledicia, Marta, Mariana, Rebeca, Laura e Mari.

Hoxe Laura, a nai de Martín, sorprendeunos cuns xogos fantásticos creados por ela sobre a temática do noso PDI "Pegadas verdes".

Os seus xogos tiñan uns nomes moi ben pensados:

ECOCIRARQ: ECOnomia CIRcular en ARQuitectura.

CAMICASOS: Camiño cara a unha casa sostible cheo de atallos e trampas.

DOMINOCASOS: Efecto dominó na casa sostible.

E tamén xogamos a Find the word, o exitoso Picto Rush e Patchwork Doodle. Moitas gracias ás familias por ser partícipes desta iniciativa que tan bos momentos nos está dando.

            

Hilma af Klint, a pioneira do arte abstracto

En Arts de 5º e 6º estivemos traballando sobre a marabillosa pintora Hilma af Klint, que nos abraiou coas súas espectaculares obras e coa súa incrible historia.

Neste mes de marzo, mes da muller, en Arts de terceiro ciclo estamos afondando sobre mulleres artistas, e tras Bridget Riley como figura representativa do Op art, desta volta tocoulle o turno á artista sueca Hilma af Klint, que foi a pioneira do arte abstracto, xa que creou os seus primeiros cadros abstractos en 1906, anos antes que Wassily Kandinsky, Piet Mondrian e Kazimir Malévich, quenes tradicionalmente foron considerados os primeiros en realizar obras deste tipo.

Os cadros abstractos de Klint non foron coñecidos ata 1986, xa que ela mesma deixou instrucións de que as súas obras debían permanecer ocultas e non podían ser amosadas ao público ata polo menos vinte anos despois da súa muerte, debido a que consideraba que a xente da súa época non estaba preparada e non comprendería ese tipo de arte.

Tanto a biografía coma a obra desta incrible muller son merecedoras de que todas e todos investiguemos e afondemos máis sobre elas. Polo menos a nós, Hilma roubounos o corazón.

Tras coñecela e admirar as súas obras, os rapaces e rapazas de 5º e 6º crearon a súa persoal versión do arte de Hilma, mesturando formas xeométricas e outras máis orgánicas que nos lembran ás que atopamos na natureza, empregando cores vivas e vibrantes. Ademais, debían engadir, como mínimo, un adxectivo en inglés que elas e eles consideren que describe como son as mulleres.

O resultado, coma sempre, un espectáculo para os sentidos, ou se non, vide ver a exposición da planta baixa da escola e veredes.

O Leprechaun estivo en Centieiras!

Un ano máis o Leprechaun estivo facendo das súas en Centieiras, pero logrou fuxir e non caeu en ningunha das trampas preparadas polo alumnado da escola. Iso si, deixoulles un pequeno agasallo en forma de tatuaxes temporais e ciscou trevos de papel polas trampas como sinal da súa visita... algo é algo!

Houbo moitísimas trampas, todas marabillosas e feitas con gran enxeño, mais este Leprechaun é un fedello e non hai quen o pille!

Ademais, tiñamos un photocall para nos converter en simpáticos Leprechauns, mirade que riquiñas e riquiños están:

 

Better luck next year and happy Saint Patrick's Day!

Xuntanza con Lois Pérez para falar sobre o seu libro "A Gruta da Torre"

O alumnado de 5º e 6º de primaria tivo un encontro co escritor Lois Pérez para falar sobre o seu libro A Gruta da Torre, que lemos nas aulas este trimestre.

A Gruta da Torre cóntanos a historia dun rapaz chamado Lois, que vai coa súa familia a pasar outro verán en Ribadeo. Quique, Greta e o resto da cuadrilla agardan por el, e ese ano hai tamén unha nena nova. Non a coñece, mais morre por falar con ela... Na vella biblioteca da Torre dos Moreno, Quique encontra un libro e, no seu interior, un misterioso documento que fala dun pasadizo. Onde estará? Deciden que teñen que atopalo. Unha aventura trepidante, atravesada pola forza da amizade, os primeiros amores e o valor dos libros, no Ribadeo de 1990.

Desfrutamos moito coa lectura do libro na clase, comentando o que lles ía acontecendo aos personaxes e imaxinando que pasaría a continuación. O libro fixo voar a nosa imaxinación, fíxonos rir ás gargalladas e, ás veces, emocionarnos bastante, e o encontro co seu autor non ía ser menos. Desfrutamos moito falando con Lois sobre o seu libro, preguntándolle por fin esas inquedanzas e dúbidas que ía aparecendo ao longo destas semanas, segundo avanzabamos na lectura, e escoitando as historias tan graciosas e curiosas que nos contou. Ata descubrimos que foi profe de Centieiras hai anos!

Moitas grazas, Lois, por animarnos a seguir gozando da lectura!

 

Obradoiros coeducativos en 3º ciclo para conmemorar e reivindicar o 8M

A rapazada de 5º e 6º de primaria estivo traballando arreo nos obradoiros organizados polas titoras para o Día Internacional da Muller.

Este 8 M quixemos reivindicar que segue sen haber unha igualdade real entre homes e mulleres no reparto das tarefas do fogar e no coidado das fillas e fillos, actividades que continúan a estar principalmente en mans das mulleres. O mesmo acontece coa porcentaxe de homes e mulleres en postos de responsabilidade e toma de decisións, que seguen estando maioritariamente en mans de homes.

Para facer fincapé na necesidade de seguir avanzando cara á ansiada igualdade, quixemos facer partícipes ás nosas alumnas e alumnos na realización de tarefas do fogar tales coma varrer e fregar o chan, limpar os cristais e tender e dobrar a roupa. Ademais, tamén estiveron a coser, facer sopas de letras sobre mulleres con premios Nobel e caleidociclos.

Previamente a esta xornada o alumnado de 5º e 6º fixo un mural e outras decoracións en Arts para engalanar o cole e tomar conciencia da importancia e necesidade das reivindicacións feministas.

Foi un tempo de convivencia e traballo en equipo moi enriquecedor, desfrutárono moito e deixaron a escola coma os chorros do ouro! Agardamos que sigan a desenvolver na casa as aprendizaxes adquiridas Guiño

 

 

Obradoiro De bo rollo!: Educación sexual para aprender a querernos ben.

O pasado día 28 de febreiro tivemos a sorte de contar cun obradoiro de educación sexual chamado "De bo rollo!: Educación sexual para aprender a querernos ben", que aborda as verdadeiras inquedanzas da rapazada, con enfoque sexolóxico, entendendo que para construir unha casa non podemos comezar polo tellado.

 

Foi un obradoiro moi interesante e ameno, útil e necesario, pois non hai maior protección que ensinar a rapazada a pensar, a quererse ben, a querer ben, a repectarse e a respectar.

Bridget Riley e Op art

O alumnado de 5º e 6º de primaria estivo aprendendo e traballando en Arts durante as últimas semanas de febreiro sobre Op art, un estilo de arte visual abstracto que emprega as ilusións ópticas e consegue imaxes que simulan movemento e desafían aos nosos ollos.

Unha das principais representantes desta corrente artística é Bridget Riley, pintora británica coñecida pola forma na que os seus traballos xogan coa vista de quen os admira. Afondamos no seu traballo e o alumnado realizou as súas propias obras de Op art.

Parabéns, artistas!

 

CONVIVENCIA POSITIVA E MEDIACIÓN ESCOLAR

A convivencia escolar constrúese a través de todas as persoas que forman parte da comunidade educativa; esta construción será positiva si é realizada desde o respecto aos demais, a aceptación das diferenzas e a participación responsable na vida cidadá en igualdade. Traballando a convivencia escolar positiva e o benestar emocional, estase a fomentar que o alumnado se sinta parte do centro educativo ao mesmo tempo que se lle proporcionan as ferramentas precisas para respectar tanto os dereitos individuais como sociais das persoas. Deste xeito, fomentamos tamén condicións oportunas para o autocoidado e a autoestima.

É por todo isto, polo que este ano dende comezo de curso estamos a levar a cabo distintas actividades para afianzar o modelo dunha boa convivencia escolar. Comezamos con propostas de cohesión a nivel de aula e de centro e seguimos coa implementación dun programa de mediación escolar. 

Recentemente rematamos a primera fase deste programa. Foron unhas mañás moi produtivas grazas a Andrea Bechlian nas que traballamos a resolución pacífica de conflitos, a asertividade e tamén a autoestima e o autoconcepto.

 

 

Nesta primera fase tamén levamos a cabo unha escola de nais e pais coa finalidade de proporcionarlles información sobre este programa. Familia e escola somos aliados na complexa tarefa de educar. 

Moi pronto comezaremos coa segunda fase: formación específica para o alumnado mediador. 

 

Visita ao CIS para ver o espectáculo do Día da Muller e da Nena na Ciencia

Como parte da celebración do Día da Muller e da Nena na Ciencia, as clases de quinto e sexto fomos ao CIS Tecnoloxía e Deseño de Ferrol para asistir a un espectáculo científico centrado na importancia das mulleres científicas e tecnólogas ao longo da historia.

A charla, conducida polos divulgadores Iria Ollero e David Ballesteros, que levaron a cabo chamativos experimentos, permitiu que o noso alumnado se aproximara dun xeito entretido a grandes mulleres como Hipatia de Alexandría, Marie Anne Pierrette, Rosalind Franklin, Marie Curie ou Hedy Lamarr, entre outras, que fixeron importantes aportacións científicas e que nunca recibiron o recoñecemento que merecían.

 

Distribuir contido