CURSO 2ºA 2ºB
OBSERVANDO O CEO EN PRIMAVERA
Enviado por Marta Valbuena o Xov, 02/06/2022 - 19:25Durante os meses de abril e maio, ao alumnado de 2º tocoulle recoller de novo os datos da estación meteorolóxica e anotalos no rexistro diario da escola. Para completar esta actividade, o profesorado invitou ás familias a observar o ceo de primavera e tratar de inmortalizar algúns dos fenómenos que se producían.
Posteriormente, nas aulas, clasificamos esas imaxes segundo os fenómenos observados. Con toda a información recollida creamos un VÍDEO que podedes ver premendo nesta imaxe:
Gozade do ceo de Bueu!
ANTONIO GARCÍA TEIJEIRO NOS VISITA!
Enviado por Marta Valbuena o Dom, 29/05/2022 - 11:16Onte tivemos no Bibliocastelo unha visita moi moi especial:
Antonio García Teijeiro, o autor de VENTO, VENTIÑO, VENTEIRO!!!
Previamente a esta visita, na escola, estivemos traballando con este libro de poemas tan bonito. Aprendemos moitos deles, os recitamos de distintos xeitos (cantando, levando o ritmo, movéndonos...) e incluso nos atrevemos a completar un que lle faltaba o último verso de cada estrofa. Deixámoslle boquiaberto con todos os poemas que sabiamos!!!
Con este libro ampliamos o noso vocabulario sobre os distintos ventos que existen e a súa maneira de soprar. Así, pouco a pouco, vamos completando o noso léxico meteorolóxico...
Xunto con Antonio recitamos e escoitámoslle recitar, creamos un poema novo, axudámoslle a completar outros e finalmente, coñecemos a Martiño, o seu monicreque que é pescador de palabras. Tamén lle recitamos o seu poema Unha paxariña feita de papel con lingua de signos. Ademais contounos que a el fálalle o mar e, se o escoitamos con moita atención, quizais a nós tamén nos chive algún poema tan fermoso coma os seus.
Agradecémoslle a Antonio García Teijeiro a súa visita na que, ademáis, aproveitou para asinarnos os libros. Moitas grazas tamén a Miguel Roma, de Xerais, que fixo posible esta xornada tan fantástica.
Lede moita poesía!!!
Ademais, o propio poeta colgou unha reseña no seu facebook. Deixámosvos o enlace por se o queredes visitar...
ANTIGAS MESTRAS E MESTRE VISITAN A ESCOLA
Enviado por Blanco Rodrígue... o Mar, 17/05/2022 - 19:41
Con motivo do 50 aniversario, o día 4 de maio achegáronse á escola dúas mestras fantásticas, xa xubiladas, Elena e Mabel,que durantemoitos anos ensinaron a nenos e nenas do colexio A Pedra. Puxémonos en contacto con elas para que lle viñeran contar ao alumnado de segundo vivencias da escola de antes, de cando elas empezaron a ser mestras no noso colexio. Explicáronllecomo eran as aulas antes, como facían as fotocopias, que había clases pola mañá e pola tarde, que os nenos e nenas viñan camiñando a escola case todos… tamén lle relataron diferentes anécdotas, unha delas gustoulles moito.
A celebración dun día da Paz na escola
Contou Mabel que paracelebrar o día PAZ, crearon unha pomba con globos e dentro deles meteron mensaxes. Despois, reuníronse todos no patio da escola e conseguiron que a pomba saíra voando polo ceo de Bueu, emocionados aplaudiron o seu voo e confiaban que pronto terían noticias das persoas que recibirían as súasmensaxes, pero para sorpresa de todos, aínda hoxe non se sabe onde poido ir parar a pomba, nunca máis houbo noticias!
Esta anécdota suscitou debate. Aquí queda unha foto daquel día da PAZ no colexio A Pedra.
Outra das anécdotas que máis chamou a atención dos nenos e nenas, foi a que contou a mestra Elena. Despois de contar a súa experiencia na nosa escola, o alumnado tiña moita curiosidade por saber como eran as excursións que facía cos grupos de 5º e 6º, a lugares como Madrid ou Barcelona.
Ela explicoulles que nunha destas viaxes, o alumno máis tímido de todos entrou a comprar algunhas cousas nunha tenda, pero cando saíu xa non parecía a mesma persoa porque... estaba disfrazado de romano! Isto fíxolles moita gracia e chamou moito a atención dos cativos, tal como podedes ver nas fotografías.
Ao día seguinte, 5 de maio, visitounos Ginés, outro mestre estupendo que pasou os seus últimos anos de ensino no noso colexio.
Ginés explicounos que cando comezou a traballar como profesor, non quería que lle chamaran de DON, como era costume naquel tempo e tamén que realizaba actividades divertidas co alumnado e buscaba que ademais de aprender o pasaran ben. Isto, que agora parece normal, antes non o era tanto... e mesmo tiña compañeiros que non lle parecía ben o seu método!
Para demostrarnos o ben que o pasaba o seu alumnado, amosounos como lles ensinaba a ler cun método moi divertido en que cada letra era un obxecto o animal que facía ruídos ou onomatopeas. Ademais fixemos unha excursión "virtual" á praia, onde o alumnado gozou moitísimo.
Tamén practicamos a falar en murciano, pois Ginés naceu en Murcia e cando chegou a traballar a Galicia aprendeu a falar en galego, pero ao principio non lle entendían moi ben porque os murcianos comen os "eses" finais!!!
Grazas Mabel, Elena e Ginés, seguides sendo unhas grandes mestras e mestre!!!
POÑENDO A HORTA
Enviado por Blanco Rodrígue... o Dom, 08/05/2022 - 21:20Hai uns días a avoa dun alumno regalounos plantíos de xudías, cabazas e cabaciños e grazas a súa iniciativaPUXEMOS A HORTA na escola. Primeiro preparamos o terreo coa axuda de Martín e Ramón, despois fixemos os regos e transplantamos as verduras e, por último, regamos no pé planta por planta.
A horta quedou bonita, agora toca coidala e esperar a que medren as cousiñas.
PREMEDE NA IMAXE PARA VER FOTOS DA ACTIVIDADE.
XORNADA EN APÍPOLIS
Enviado por Blanco Rodrígue... o Dom, 01/05/2022 - 22:13Aquí queda un vídeo de fotos sobre as actividades que realizamos en APÍPOLIS para que observedes a xornada de aprendizaxe e convivencia tan bonita que tivemos. Gozade do vídeo!
DÍA DO LIBRO 2022
Enviado por Blanco Rodrígue... o Sáb, 23/04/2022 - 12:03Onte na escola tivemos un Contacontos moi especial, O AVÓ ANXO un gran contador de historias de antes de agora e de sempre. Nada máis que coa súa PALABRA tivo durante un bo anaco de tempo concentrados na historia contada a todo o alumnado de segundo. Daba gusto observalos!
Tamén contou cousiñas da súa vida, díxo que era o avó de Aldán dun neno de 1º da nosa escola, que naceu en Lugo, que foi profe nun instituto de Pontevedra e que agora, pasa moitas temporadas en Cela-Bueu e se dedica a escribir e contar historias, algunhas delas na televisión de Galicia.
Mesmo, houbo quenda de pregunta e invitou a que lle puxeran un título a historia que contou, participaron moitos nenos e nenas e sairon cousa interesantes e el díxolles: algún destes títulos poreillo a este conto cando o escriba no libro dedicado ao meu neto “CONTOS DO AVÓ ANXO PARA O NETO ALDÁN”
Para rematar, díxonos que buscaramos na web as súas historias e agasallou ao alumnado e as profes cunha tarxeta que traía escrito a mensaxe “FALADE MOITO GALEGO”
Podedes ver algunha foto. Foi unha boa maneira de celebrar o día do libro!
INVESTIGANDO AS BOLBORETAS
Enviado por Blanco Rodrígue... o Sáb, 23/04/2022 - 11:55As profes xa observamos, vimos e escoitamos con moita atención os vídeos do traballo de investigación sobre as BOLBORETAS que fíxestes. Valoramos moito o voso esforzo e aprendizaxe e creamos unha película conxunta que podedes ver premendo nas imaxes que hai a continuación. Agora, tócavos ver este traballo para darvos contas dos acertos e tamén dos erros que tivestes, coa única finalidade de MELLORAR E APRENDER.
SAÍDA DE PRIMAVERA
Enviado por Marta Valbuena o Mér, 06/04/2022 - 00:00Hoxe fixemos unha saída polas beiras do río Bispo. O noso obxectivo era poder contemplar a natureza, especialmente os insectos que puideramos atopar para comprobar que todo o que aprendemos nestes últimos meses sucede realmente.
Como foi un día moi primaveral conseguimos ver moitas flores e, nelas: abellas, abellóns, moscas, formigas, caracois, paxariños... e ata algunha bolboreta!!!
Ademais fomos observando as plantas e os distintos tipos que hai, pois á volta das vacacións comezaremos a aprender moitas máis cousas delas.
Foi un día estupendo!!!
PILABOT
Enviado por Marta Valbuena o Lun, 04/04/2022 - 23:04Durante estas últimas semanas estivemos recollendo pilas usadas na escola para concienciarnos sobre a correcta reciclaxe destes acumuladores tan tóxicos.
As profes explicáronnos por que as pilas son tan perigosas se non se reciclan correctamente e aprendemos moito con Pilabot. Ademais, o alumnado de 2ºA tivo a sorte de recibir un obradoiro sobre este tema.
Ao principio, chegaron 2 bidóns grandes á escola que iamos enchendo coas nosas caixiñas de Pilabot.
Como nos gustou tanto participar, enseguida os enchemos e tivemos que solicitar 2 máis.
O 31 de marzo, día no que remataba o concurso, achegouse ao colexio unha furgoneta cunha báscula e pesou os 4 bidóns. En total conseguimos case 340 kg!!!
Aprendemos moito con esta experiencia e estamos moi orgullosos de participar nunha actividade que axuda a protexer o noso planeta!
DÍA DA METEOROLOXÍA
Enviado por Ainhoa Suarez o Ven, 25/03/2022 - 14:20O pasado 23 de marzo celebrouse o DÍA DA METEOROLOXÍA. Este tema non é novo para nós, xa que o noso cole participa no programa METEOESCOLAS. Por iso cando nos toca, imos medir á nosa caseta meteorolóxica a temperatura, as precipitacións, a humidade... un montón de datos que nos axudan a saber como foi o tempo o día anterior.
É por isto, que dende VALORES decidimos conmemorar este día construindo un MEMORY con palabras relacionadas co tempo en galego. Primeiro o alumnado agrupouse en parellas, repartimos tarxetas en blanco, e cada parella plasmou nas mesmas unha destas palabras, acompañándoas dun bonito debuxo.
Agardamos que vos guste!
- « primeira
- ‹ anterior
- …
- 2
- 3
- 4
- 5
- 6
- 7
- 8
- 9
- 10
- …
- seguinte ›
- última »