CURSO 1ºA 1ºB
NOVEMBRO, MES DA CIENCIA EN GALEGO
Enviado por Macu Rodríguez o Lun, 27/11/2023 - 23:25NOVEMBRO, MES DA CIENCIA EN GALEGO
Hai unha canción de PACO NOGUEIRASque nos di “EN GALEGO TODO O PODO FACER!”, e celebramos que EN GALEGO TAMÉN PODEMOS FACER CIENCIA!!! POR SUPOSTO!!!
A semana pasada visitamos a SALA DAS CIENCIAS do noso BIBLIOCASTELO. QUEDAMOS ABRAIADXS!!! Descubrimos toda clase de trebellos do máis interesantes relacionados co espazo, o corpo humano, as matemáticas.... mesmo un impresora 3D!!!
As profes leváronnos alí para desenvolver dous experimentos diferentes:
Primeiro, comprobamos como era posible lograr que un ovo flotase.
Para iso empregamos os seguintes materiais:
· 2 ovos
· 6 culleradas de sal
· Auga da billa
· 2 vasos
· 1 culler
O experimento consistiu en comparar dúas situacións case iguais:
Botamos auga da billa en dous vasos. Logo, nun deles, engadimos seis culleradas de sal. A continuación, introducimos un ovo en cada vaso e agardamos uns minutos observando con moita atención.
Pasado ese tempo, puidemos constatar que o ovo que meteramos na auga salgada subira á superficie; mentres que o outro, ficara pousado no fondo do vaso. Parecía maxia, pero era ciencia!!!
Entón, as profes explicáronnos que ao engadirlle o sal á auga, aumentaba a súa densidade (volvíase máis “espesa”) e facía que o ovo flotase. Que interesante!!!!
Por u outra banda, convertemos un ovo nunha bóla que saltaba!!!
Tivemos que ter un pouco de paciencia; pois, para ver o resultado do noso experimento tivemos que agardar varios días.
O que fixemos foi meter un ovo nun vaso con vinagre.
Os materiais que empregamos foron:
· 1 vaso
· 1 ovo
· Vinagre
Case de inmediato, puidemos ver como empezaban a aparecer burbulliñas que nos indicaban que algo estaba a suceder na casca do ovo!
Despois de varios días de espera, descubrimos que se volvera branda e parecía que o interior do ovo se inchara. A verdade é que daba un pouco de noxo.
Ao sacar o ovo do vaso, comprobamos que parecía unha pelota saltarina!!!!
ENCANTOUNOS!!!
QUE VIVAN A CIENCIA E NOSA LINGUA!!!
PREMEDE NA IMAXE PARA VER AS FOTOS!!!
UN SAMAÍN DE FESTA RACHADA!!!
Enviado por Macu Rodríguez o Mér, 01/11/2023 - 14:41UN SAMAÍN DE FESTA RACHADA!!!
Onte pasámolo mellor que de medo!!!
Celebramos un Samaín plurilingüe; en galego, en castelán e en inglés!!
Xa levabamos días facendo manualidades para decorar o recibidor do cole con cabazas e esqueletes olímpicos, ademais das meigas, pantasmas e outros seres arrepiantes que deambulan polas aulas e os corredores...
Pero a sorpresa de onte foi maiúscula cando descubrimos que nos agardaba unha xornada escolar extraordinaria, UN SAMAÍN DE FESTA RACHADA!!!
Pasamos a mañá de obradoiro en obradoiro!! No Bibliocastelo, XS MOZXS DE 5º E 6º contáronnos uns contos de medo para escachar coa risa; as profe AMI, fíxonos un obradoiro de HALLOWEEN con xogos en inglés, coa profe “MARTES” cantamos, signamos, xogamos e bailamos a canción do Samaín de Uxía Lambona e a Banda Molona e coa profe GELI fixemos unhas marionetas de cartolina con caras de bruxas, vampiros e cabazas chulísimas!!!!
A media mañá, tivemos unha paradiña para merendar nas aulas e para rematar o día, festa rachada con música e baile no patio dxs maioresª!!!
MOITÍSIMAS GRAZAS AXS ALUMNXS de 5º e 6º POLOS SEUS CONTACONTOS!!!
E A TODAS AS PROFES QUE ORGANIZARON PARA NÓS ESTE DÍA XENIAL!!!
FOI UN SAMAÍN ESPECTACULAR!!!
PASÁMOLO DE MEDO!!!
PREMEDE NA IMAXE PARA VER AS FOTOS.
CELEBRAMOS O ANIVERSARIO DE PAPIRUS
Enviado por Macu Rodríguez o Sáb, 28/10/2023 - 20:40CELEBRAMOS O ANIVERSARIO DE PAPIRUS
O 24 de outubro o noso querido Papirus está de aniversario e, cada ano, organizamos quendas para poder visitalo no seu BIBLIOCASTELOe cantarlle os PARABÉNS.
Este curso, como xa estamos en Primaria, tivemos que agardar ata o xoves 26 para poder festexalo. Pero, pagou a pena porque compartimos a festa cxs compis de 3º, que nos tiñan preparada un sorpresa moi linda.
Cando chegamos á biblio xa estaban todxs sentadiñxs a esperar a nosa chegada. Unha vez nos acomodamos, xs profes puxeron na pantalla varios vídeos:
o No primeiro, varias rapazas de 6º, que forman parte do Equipo de Axudantes de Papirus, nos explicaban que este ano o tema central do Proxecto da biblioteca serán As Olimpíadas; pero non unhas calquera, senón, AS OLIMPÍADAS DE PAPIRUS.
o O segundo contaba historia da nosa querida mascota e do seu Bibliocastelo.
o Co terceiro, cantamos xuntxs a canción Papirus.
Pero o mellor foi o que sucedeu a continuación! Cada compañeirx de 3º seleccionara un conto para lernos a cadaquén de nós!! As profes mandáronnos sentar por parellas ao longo e ancho da biblio; que, de súpeto se converteu nun xardín máxico no que plantamos sementes de amizade con forma de APADRIÑAMENTOS LECTORES!!
Despois, fomos ás aulas de 3º onde xuntxs debuxamos un agasallo para Papirus.
FOI UNHA EXPERIENCIA PRECIOSA!!
MOITÍSIMAS GRAZAS, COMPIS de 3º!!!
PREMEDE NA IMAXE PARA VER AS FOTOS
HOXE FOMOS AO FIC!!
Enviado por Macu Rodríguez o Lun, 18/09/2023 - 21:30HOXE FOMOS AO FIC!!!
Esta mañá foi especial!!
A pesar de que a chuvia estivo a piques de estragarnos a festa; Anita, a directora do cole, salvounos do desastre!! Chamou a CERQUEIRO, e un autobús viunos rescatar para que puidésemos chegar a tempo de gozar das pelis que nos estaban agardando no Centro Social do Mar!!!
A semana pasada xa traballaramos na clase sobre varias cuestións relacionadas co FIC como:
.- Explicar que sabiamos do FIC
.-Imaxinar que mira o ollo misterioso que aparece no cartel de FIC deste ano.
.-Adiviñar de que tratarían as curtametraxes que habiamos ver hoxe.
Estes son os fotogramas; a ver que vos parecen a vós!
Antes de marchar, fixemos a foto. MIRADE QUE GUAPXS ESTAMOS!!!
Cando saímos do cine, como xa comezaban a despexarse as nubes, puidemos regresar andando.
Ao chegar, lavamos as mans, merendamos a baixamos ao recreo.
De volta nas aulas, votamos as pelis que máis nos gustaran.
As tres que máis puntuación acadaron foron:
1º.- POLISÓN (a do barco pirata)
2º.- A SOPA DE FRANZY
3º.-O MEU AMIGO O TIGRE
Encántanos ir ao FIC!!!
QUERÉMOSLLES DICIR
“MOITAS GRAZAS!!!”
A TODAS AS PERSOAS QUE TRABALLAN TANTO
PARA PODER ORGANIZALO
E, MOI ESPECIALMENTE,
Á NOSA QUERIDA PROFE MARÍA!!!
BENVIDXS A PRIMARIA!!
Enviado por Macu Rodríguez o Lun, 18/09/2023 - 19:28Xa pasou unha semaniña desde que comezamos e non queremos deixar pasar máis tempo sen darvos a benvida de deixarvos colgada a presentación de diapositivas que empregamos na reunión de familias que tivemos o día 7.
Sentídevos BENVIDXS AO COLE GRANDE!!
PARA VER A PRESENTACIÓN DE DIAPOSITIVAS PREMEDE NA IMAXE e CLICADE AS TECLAS "CONTROL"+ "FUNCIÓN" +"F5" .
DÍA DE ROSALÍA DE CASTRO - ADIÓS RÍOS ADIÓS FONTES EN LSE
Enviado por Ainhoa Suarez o Lun, 26/02/2024 - 18:14Co gallo da celebración do Día de Rosalía de Castro, a intérprete do noso centro, Rosa Louro, foi gravando a tódolos grupos do cole mentres signaban este podema tan coñecido: Adiós ríos, adiós fontes. Grazas Rosa!!!
FESTIVAL DE NADAL 2023
Enviado por Ainhoa Suarez o Mér, 27/12/2023 - 15:34Aquí tendes o Festival de Nadal celebrado nos últimos días de clase. Despois do traballo musical de todo o trimestre, este foi o resultado final. Grazas á profe Elsa pola organización, e ás demais persoas que participaron.
Agardamos que vos guste!!!
FESTIVAL DE FIN DE CURSO!!!
Enviado por Macu Rodríguez o Mar, 20/06/2023 - 00:00FESTIVAL DE FIN DECURSO!!!
Hoxe foi un día realmente feliz!!! Fixemos un festival de fin de curso para as nosa familias no ximnasio do cole.
A verdade é que estabamos moi nerviosxs despois de ías de duros ensaios; pero, finalmente, pagou a pena o esforzo, porque todo saíu a pedir de boca!!!
Cantamos, bailamos, fixemos representacións teatrais e un pequeno recital de poesía. A través da música e da literatura, fomos facendo un pequeno percorrido polo que foron estes dous anos no “cole dos maiores” do que xa formamos parte e no que nos sentimos totalmente integradxs.
Tamén invitamos axs compis de primeiro a gozar con nós deste momento tan especial.
Cando rematamos, corremos a darlles bicos e apertas as nosas familias, que nos aplaudiron con toda e se sentiron igual de felices ca nós. FOI FANTÁSTICO!!!
Queremos darlles as grazas as profes Goretti, Pilar e Lina que nos axudaron un montón nos ensaios; así como a Ramón e ao profe José Ángel, que nos axudaron nas cuestións técnicas e na preparación do ximnasio. Grazzasa a todxs!! A súa colaboración foi imprescindible para que todo saíse así de ben!!!
FOI UNDÍAXENIAL!!!
SENTÍMONOSMOI FELICES!!!
PREME NA IMAXE PARA VER AS FOTOS
EXCURSIÓN DE FIN DE CURSO
Enviado por Macu Rodríguez o Xov, 08/06/2023 - 00:00E POR FIN CHEGOU O DÍA DA EXCURSIÓN
Ao día seguinte do Correlingua, volvémonos meter nun autobús, pero, esta vez, para culminar o noso proxecto sobre apicultura e coñecer as colmeas que SANDRA e MARCOS teñen NO NIÑO DO CORVO, NO CONCELLO DO ROSAL.
Saímos a primeira hora porque nos agardaba unha hora de autobús. Ao chegar, Sandra e mais Marcos xa nos estaban agardando na súa camioneta con traxes de apicultor/a para todxs. Bueno... foi unha risa, porque a algúns quedábannos enormes!!!
Moi preto de onde nos agardaban, nun craro do bosque, tiñan unha chea de colmeas. Colocámonos por detrás dunha ringleira delas e pouco a pouco, Marcos foinos explicando unha morea de curiosidades interesantísimas sobre as abellas e a apicultura. Resultaba emocionante poder ver ao natural aquilo que estiveramos investigando na clase. Bueno, emocionante e tamén un pouco inquietante porque comezaron a saír unha chea de abellas da colmea e a pousársenos no traxe e... en fin.. un pouco de mediño si que daba, eh... Pero, se non nos moviamos, elas regresaban por onde se achegaran sen causarnos dano algún! Comprobado!!
Despois, volvemos subir ao autobús para dirixirnos á tenda na que venden o mel e os produtos apícolas que recollen das súas colmeas. Alí, tíñannos preparada unha degustación de mel de diferentes tipos; MESMO HABÍA MEL DE CHOCOLATE!!! ESTABA BOÍSIMO...!!! PUXÉMONOS AS BOTAS...!!! Aproveitamos para mercar mel, veliñas de cera, caramelos e algunha larpeirada máis. SANDRA E MARCOS FORON MOI AMABLES E PACIENTES CON NÓS, rebaixaronnos o prezo dunha chea de produtos e acabaron por regalarnos unha floriñas feitas con cera moi lindas!!! MOITAS GRAZA AS DOUS!!!
Logo, montamos novamente no bus para ir a un parque chulísimo, chamado PARQUE DE PÍAS onde iamos comer e xogar toda a tarde. O malo foi que a iso das catro, cando estabamos no mellor da xornada, gozando dos bambáns, a pista de fútbol, a tirolina... e un rico xeado que mercamos no chiringuito, comezou a chover con toda e sen previo aviso, de maneira que mentres corriamos cara ao autobús, que estaba alí mesmo aparcado, mollámonos coma pitos!!! Menos mal que tiñamos unha muda de roupa na mochila e puidemos cambiarnos.
A treboada non cesou e non tivemos máis remedio que emprender camiño de regreso unha hora antes do previsto!! Aínda así, resultou unha aventura do máis emocionante e podemos dicir que o pasamos “LA MAR DE BEN!!”
NON QUEREMOS REMATAR SEN DARLLE AS GRAZAS Á PROFE GORETTI, QUE CAMBIOU UNHA CITA MÉDICA QUE TIÑA PARA PODER ACOMPAÑARNOS. QUERÉMOSTE, PROFE GORE!!
Premede na imaxe para ver as fotos:
ENCÁNTANOS A METEOROLOXÍA!!
Enviado por Macu Rodríguez o Xov, 08/06/2023 - 00:00VOLVEMOS SER METEORÓLOGXS!!!
Este curso volvemos traballar no eido da METEOROLOXÍA! Tocounos volver investigar o tempo atmosférico e tomar nota das temperaturas, a presión atmosférica, a humidade, as precipitacións...
E, como xa estamos en 2º, este curso fixémolo por partida triple, en tres épocas diferentes: en decembro, en abril e entre maio e xuño.
En canto entrabamos na escola a primeira hora da mañá, iamos á caseta meteorolóxica e tomabamos nota dos datos das medicións e, inmediatamente, nos dirixiamos ao PANEL DAS METEOESCOLAS que temos no corredor do BIBLIOCASTELO, para rexistrar a información.
Nas primeiras semanas de decembro, cando chegou a primeira quenda, puxémonos mans á obra!! E para facelo, volvemos repasar conceptos.
· TEMPERATURAS: mídeas o termómetro en graos centígrados.
o MÁXIMA: a máis alta. Acádase a iso do mediodía. Como visitamos a caseta meteorolóxica a primeira hora da mañá, temos que apuntala no rexistro do día anterior!!!
o MÍNIMA: a máis baixa. Prodúcese de madrugada. Esta si que a anotamos no día presente!!!
· PRESIÓN ATMOSFÉRICA: que é a forza que exerce o aire sobre a superficie da Terra. Rexístrase no barómetro e mídese en milibares.
· HUMIDADE: rexístraa o higrómetro e mídese en porcentaxes; por exemplo, o 70%.
· PRECIPITACIÓNS: recóllense no pluviómetro e medímolas en mililitros.
ENCÁNTANOS ESTA TAREFA!!!
Durante a última quincena de abril repetimos experiencia e resulta curiosísimo destacar que en ambas ocasións se deron circunstancias meteorolóxicas totalmente distintas na primeira semana de medicións que na segunda.
Na primeira parte da quincena de decembro e na primeira na de abril, as temperaturas foron estrañamente altas para a época do ano e non choveu nin unha pinga. Porén, tanto na segunda semana de decembro como na última de abril, as precipitacións foron abundantes (sobre todo entre os días 12 e 16 de decembro; tanto, que houbo algún deses días nos que non puidemos saír a medir a primeira hora porque chovía moitísimo).
Encántanos esta actividade e sérvenos para reflexionar sobre o terrible problema do cambio climático. É NECESARIO QUE TODXS TOMEMOS MOI EN SERIO QUE O PLANETA ESTÁ EN PERIGO E É RESPONSABILIDADE DE TODXS BUSCAR SOLUCIÓNS PARA COIDALO.
Como ademais nos coincidiu coa celebración do DÍA MUNDIAL DO PLANETA o día 22 de abril vimos varias curtametraxes na aula para reflexionar sobre temas relacionados con isto como o consumo de auga, a contaminación, o aforro enerxético, o uso dos plásticos...
Entre a última semana de maio e a primeira de xuño, levamos a cabo a derradeira quenda deste curso e fixádevos que curioso; outra vez sucedeu que nos últimos días choveu máis que na semana anterior, igual que nas outras dúas ocasións!!
ALGO ESTRAÑO ESTÁ A SUCEDER COA CLIMATOLOXÍA E É SÍNTOMA DO QUE LLE ACONTECE AO PLANETA.
NON PODEMOS ELUDIR QUE O SEU COIDADO É COUSA DE TODXS!!
PREMEDE NA IMAXE PARA VER AS FOTOS
- « primeira
- ‹ anterior
- 1
- 2
- 3
- 4
- 5
- 6
- 7
- 8
- seguinte ›
- última »
