- CEIP A.D.R. Castelao (Vigo-Pontevedra): Obradoiro de recitado, Obradoiro de costura, Robótica en Infantil, Pensando coma escornabots
- CEIP Canosa-Rus (Coristanco-A coruña): Croma
- CEIP P. de Carballedo (Cerdedo-Cotobade/Pontevedra): Actividades 1º Trimestre
- CEIP de Cervo (Cervo-Lugo): Lettering
- CEIP Emilia Pardo Bazán (A Coruña): VenreXperimentos, Paseando con EscornaEmilia, Erasury Poetry
- CEIP P. de Foz Nª1 (Foz-Lugo): Obradoiros con Paola Guimerans
- CEIP de Leirado (salvaterra de Miño-Pontevedra): Crea cos escornabots
- CEIP P. de Louro (Muros-A Coruña) : Circuítos-Escornabots, Titorial Montaxe
- CEIP P. de Montemogos (Bueu-Pontevedra): Coñecendo a Impresora 3D
- CEIP P. Mosteiro de Caaveiro (A Capela-A coruña): Montaxe do escornabot
- CEIP Nicolás del Río (Cedeira-A Coruña): Obradoiro E-téxtiles
- CEIP Nosa Sra. de Xuvencos (Boborás-Ourense): Creando con madeira
- CEIP Santiago de Oliveira (Ponteareas-Pontevedra): Comezamos cos Escornabots!
- CEIP Torre Cela (Bueu-Pontevedra): Espazo creativo matemático
- CPI Dr. López Suárez (O Saviñao-Lugo): Soldadoras
- CRA de Culleredo (Culleredo-A Coruña): Mulleres cientícas e escornabots, Obradoiro de xogos de taboleiro
- EEI Barrionovo (Arteixo-a coruña): Obradoiro Vermislab
Biblioteca Creativa 2020/2021
#bescolaresgalabertas: Biblioteca Creativa
Día da Ilustración 2021
Cada 30 de xaneiro, coincidindo co día do nacemento de Castelao, celébrase o Día da Ilustración. Esta é unha iniciativa da Consellería de Cultura, Educación e Universidade en colaboración coa Asociación de Profesionais da Ilustración. Unha data que serve para reivindicar o papel dos profesionais do mundo da ilustración homenaxeando a un ilustrador ou ilustradora histórico galego. Este ano a protagonista é Lolita Díaz Baliño "... unha pioneira artista multidisciplinar que desafiou as convencións sociais da época."
Unha ocasión para traballar e reivindicar desde as bibliotecas escolares a historia da ilustración galega que non deixa de ser memoria do noso país. Para achegarnos ao valor propio das imaxes máis aló dun complemento da escrita.
Tamén, unha oportunidade para poñer en valor o traballo do ilustrador Manel Cráneo autor do cartel deste ano, unha poderosa imaxe da que seguro teremos moitas e variadas lecturas: estéticas, literarias, históricas, mitolóxicas ... ao tempo que viaxamos polas xeografías da ilustración.
Nesta data, desde a Asesoría de bibliotecas escolares queremos poñer en valor o traballo dos ilustradores e ilustradoras ao longo de 13 anos de creación e de colaboración na edición dos carteis anuais para as bibliotecas escolares galegas, que iniciáramos en 2008 , e, de paso, celebrarmos estas fermosas imaxes a prol da lectura que fomos quen, entre todos, de poñer nos muros dos centros educativos. Imaxes que xurden dun coidado proceso de creación a partir do lema proposto. Imaxes que son testemuña gráfica da evolución das bibliotecas escolares galegas.
Ilustradores e ilustradoras dos carteis anuais:
- Curso 2020/2021: Bea Lema "Xeografías Lectoras na Biblioteca Escolar". Así o fixo.
- Curso 2019/2020: Óscar Villán "Biblioteca Escolar. Viveiro de Cidadanía". Así o fixo.
- Curso 2028/2019: Nuria Díaz "Poéticas Diversas na biblioteca escolar"
- Curso 2017/2018: Xosé Tomás "Aprender a pensar coa biblioteca escolar"
- Curso 2016/2017: Minia Regos "Biblioteca escolar - Territorio das Artes"
- Curso 2015/2016: Fran Bueno "Biblioteca escolar, base de exploracións"
- Curso 2014/2015: David Pintor "Biblioteca escolar... matemático"
- Curso 2013/2014: Patricia Castelao "Ler ciencia na biblioteca escolar"
- Curso 2012/2013: Andrés Meixide "Biblioteca escolar, acelerador de innovación"
- Curso 2011/2012: Emma Ríos "Biblioteca escolar, última xeración"
- Curso 2010/2011: Marina Seoane "Biblioteca escolar: un mundo de oportunidades
- Curso 2009/2010: Miguelanxo Prado "Biblioteca escolar, espazo de lecturas"
- Curso 2008/2009: Manuel Lariño "Biblioteca escolar, Servidor Central"
- Ano 2006: Óscar Villán "Hora de Ler"
Materiais das Xornadas de Formación Biblioteca Creativa 2020
Resolución BIBLIOTECA CREATIVA 2020/21
O Portal Educativo publica a Resolución da Dirección Xeral de Centros e Recursos Humanos, de 14 de outubro de 2020, pola que se resolve a convocatoria do programa BIBLIOTECA CREATIVA correspondente ao curso 2020/21. Incorpóranse 25 novos centros e publícanse as asignacións que recibirán os 77 centros que presentaron a súa solicitude de continuidade neste proxecto. En total, son 102 centros PLAMBE os que participan nesta iniciativa destinada a apoiar a cultura da experimentación, a creación e a investigación en espazos creativos e cooperativos no seo da biblioteca escolar.
Os espazos creativos ou espazos maker creados nestas bibliotecas son bos exemplos da evolución que pode vivir unha biblioteca escolar que acolle os multialfabetismos e atende as necesidades da comunidade escolar, ofertando oportunidades para as aprendizaxes a modo de laboratorio de creación e experimentación.
Profesorado integrante dos equipos de biblioteca destes centros participarán nunhas xornadas mixtas (modo presencial/telemático) que se celebrarán os vindeiros 26 e 27 de outubro na Cidade da Cultura e do que xa se pode adiantar un programa.