Amplíase a data de inscrición dos cursos na Rede de Formacion para a Acreditación da CDD dos niveis A1, A2 e B1 que se están a ofertar en FProfe para este trimestre debido a que todos eles dispoñen de prazas vacantes. A data límite de inscrición para estas actividades adiouse ata o 24 de setembro. En concreto os cursos son:

• G2301049 - Formación para a acreditación da competencia dixital docente nas áreas 3 e 4 do nivel A2 - 15 horas
• G2301052 - Formación para a acreditación da competencia dixital docente nas áreas 5 e 6 do nivel A2 - 20 horas
• G2301053 - Formación para a acreditación da competencia dixital docente nas áreas 5 e 6 do nivel B1 - 25 horas 
• G2301057 - Formación para a acreditación da competencia dixital docente no nivel A1 - 40 horas
• G2301059 - Formación para a acreditación da competencia dixital docente no nivel A2 - 50 horas
• G2301061 - Formación para a acreditación da competencia dixital docente no nivel B1 - 70 horas

A inscrición realízase a través da aplicación Fprofe no enderezo www.edu.xunta.gal/fprofe na pestana de consulta/inscrición.

Curso presencial de 15 horas presenciais e 5 non presenciais.

Terá lugar no CAFI na aula 1.11

Remata o prazo de inscripción o 15 de setembro.

G2303013 - Roteiro polos espazos literarios de Federico García Lorca en Compostela  

O Departamento de Linguas do CAFI pon en marcha unha nova actividade que, baixo o título de Roteiro polos espazos literarios de Federico García Lorca en Compostela, percorrerá os principais espazos vinculados a Lorca nas súas viaxes á capital de Galicia. Faremos diversas paradas en sitios emblemáticos onde se lerán ou recitarán diferentes textos e se achegará información da vinculación dese espazo co noso autor.

En Compostela, da man de Henrique Alvarellos adaremos pola Rúa do Vilar (primeira viaxe), Catedral (primeira viaxe), Praza da Quintana  (segunda e terceira viaxe), Bar Viño (segunda viaxe), A Ferradura (primeira e segunda viaxe), Praza do Hospital (primeira viaxe), San Martiño Pinario (primeira viaxe), Praza da Inmaculada (segunda viaxe), Arco Pazo de Xelmírez (segunda viaxe),San Francisco (primeira viaxe), San Paio de Antealtares (primeira viaxe), Colexiata do Sar (primeira viaxe), Fonseca (primeira viaxe) e San Domingos de Bonaval (primeira e segunda viaxe).

Datos importantes:

• Data: 16 de setembro de 2023
• Relator: Henrique Alvarellos
• Horario: de 10:00 a 14:00h e de 16:00 a 20:00h.
• Código en  fprofe:  G2303013
• Lugar: Santiago de Compostela

G2303007 - Roteiro polos espazos vitais e literarios de Miro Villar en Cee 

Esta experiencia propón dotar de contexto á obra de Miro Villar así como amosar o paso do tempo sobre as comunidades costeiras e destacar algúns dos compoñentes destas que normalmente son pasados por alto.

Pola columna vertebral

O roteiro comeza en Cee, onde  naceu Miro Villar no 1965. A partir de aí, o percorrido atravesa parte da vila onde contaremos con diversos persoeiros que alicerzan co seu saber a cultura e a historia ceense para, seguidamente, internarnos en diversos puntos da Costa Brava coma unha estrutura de columna vertebral que lle dá amparo á súa poesía.

as sabas a clareo

Recordar sempre doe, porque aínda que laves con lexivia as sabas nunca branquea a dor que impregna cada engurra do algodón dos abrazos e segues os consellos que escoitaches da nai para a roupa encoirada, darlle xabón lagarto e logo deitar na herba as sabas a clareo.

Agardas unha tarde, non de sol formigueiro, de sol de primavera nunha herba soalleira e deitas os recordos de manchas amarelas, prendidos entre as sabas como piolla vella.

E observas con asombro que a túa nai coñece os segredos da vida e agora no tendal penduras a memoria branca e o seu recendo asolaga os recantos dos teus espazos íntimos.

Datos importantes:

• Data: 23 de setembro de 2023
• Relator: Miro Villar
• Horario: de 10:00 a 14:00h e de 16:00 a 20:00h.
• Código en  fprofe:  G2303007
• Lugar: Cee

Na xornada G2302002  Aproximación aos novos currículos que se celebrará o 30 de setembro de 2023 abordaremos a contextualización do currículo para partir do novo modelo educativo e analizaremos os cambios introducidos na LOMLOE: estrutura curricular, elementos curriculares e relación entre eles.

Na xornada G2302002  Aproximación aos novos currículos que se celebrará o 30 de setembro de 2023 abordaremos a contextualización do currículo a partir do novo modelo educativo e analizaremos os cambios introducidos na LOMLOE: estrutura curricular, elementos curriculares e relación entre eles.

Gustaríache captar toda a atención do teu alumnado cada vez que impartes clases?

Queres mellorar a túa forma de te expresar e a túa linguaxe corporal?

Sentiches que algunhas veces o alumnado se aburriu contigo?

Se te sentes identificado con estas situacións, seguro que che convén aprender e levar á práctica o que che imos contar neste curso.

• Datas:
  • Outubro:
    • 5 (xoves)
    • 10 (martes)
    • 19 (xoves)
    • 26 (xoves)
  • Novembro
    •  2 (xoves)
    • 9 (xoves)
• Horario: 17:00 a 20:30h
• Relator: Santiago Martínez Suárez
• Código en fprofe: S2301024

Ferramentas corporativas orientadas á xestión organizativa

Curso presencial de 20 horas e 25 prazas

Código de inscrición en FPROFE: S2301043

Data límite de inscrición: 06 de setembro de 2023

• Lugar. Datas e horarios: aula 9 do CAFI. 20/09, 17-21h; 27/09, 17-20h.; 04/10, 17-20h.; 11/10, 17-21h.; 18/10, 17-20h.; 25/10 17-20h.
• Competencia dixital docente, nivel Básico
  • Compromiso profesional
  • Avaliación e retroalimentación
• Para todas as ensinanzas e corpos.
• Obxectivos:

1.Elaborar un exemplo básico de programación didáctica para un nivel educativo a través da aplicación informática corporativa de programacións.

2.Empregar a aplicación XADE para a avaliación e o control de asistencia do alumnado.

3.Xestionar a comunicación coas familias a través das ferramentas espazo abalar, abalarMóbil e abalarPro.

• Contidos:

1.O novo currículo galego e a programación didáctica.

2.A elaboración da programación didáctica na aplicación Proens.

3.Acceso a XADE e proceso de avaliación do alumnado.

4.Introdución das faltas de asistencia en XADE.

5.Obtención de informes estándar e personalizados en XADE.

6.Comunicación coas familias a través das ferramentas espazo abalar, abalarMóbil e abalarPro.

Buscas unha formación orientada a ter un bo dominio do noso idioma? Velaquí o tes Curso de galego. Nivel C2

• Código en fprofe S2301034 
• Duración: 60h
• Prazas: 20
• Horario: luns e mércores
• De 17:30 - 19:30h
• EOI de Santiago de Compostela, Sección de Vite

O inglés é a lingua vehicular do momento para desenvolver moitos dos proxectos europeos nos que estamos inmersos. Polo tanto, se a amar o ensino, lle sumas poder transmitir coñecementos nun ámbito fundamental, a satisfacción é dobre pero, para iso, hai que estar ben preparado. Unha formación continuada no profesorado é imprescindible para non quedar obsoleto e preparar de forma axeitada os teus alumnos e proxectos.

Así que xa o sabes, seguir a estudar e realizar algún dos nosos cursos é fundamental para seguir a medrar como profesional.

Aberto o prazo de inscrición para realizar cursos de Formación para profesorado en inglés.

• G2301068 nivel B2
  • De luns e xoves
  • De 18:00 - 20:00h
  • EOI de Santiago de Compostela - Sección do Sar

• S2301069 nivel C1
  • De luns e xoves
  • De 16:30 - 18:30h
  • EOI de Santiago de Compostela - Sección do Sar

• S2301070 nivel C2
  • De luns e xoves
  • De 16:30 - 18:30
  • EOI de Santiago de Compostela - Sección do Sar