O venres, 10 de febreiro, as doutoras Eva Jacob, Beatriz Álvarez e Susy Osinaga, estiveron no IES Xograr Afonso Gómez de Sarria dando unha charla preventiva sobre as enfermidades de transmisión sexual (ETS).
As facultativas do Centro de Saúde de Sarria instruíron ao alumnado de 1º de Bacharelato sobre as distintas tipoloxías de enfermidades de transmisión sexual, a súa forma de contaxio, os seus efectos, e sobre todo a forma de previlas.
A OMS alerta do incremento dos riscos destas enfermidades que tamén afectan á sociedade galega. Durante dúas horas traballouse nesta problemática entablándose ao finalizar un fluído diálogo entre as ponentes e o alumnado.
O centro agradécelles que compartiran os seus coñecementos e colaboraran na necesaria concienciación do alumnado ante os riscos das ETS.
Unha quincena de persoas, entre alumnos e profesores, xuntáronse para traballar sobre o libro ” Todo o tempo do mundo” do escritor David Pérez Iglesias. Foi co gallo da primeira reunión do Club Lector do noso centro escolar no actual curso 2016-2017. Dita reunión tivo lugar na biblioteca e no salón de actos. Neste segundo lugar fíxose a videoconferencia co autor do libro, que non poido desprazarse a Sarria. Tedes diversas fotos que nos lembran como foi esta primeira xuntanza.
A segunda parte era a asistencia á representación teatral “Le Petit Prince”, adaptación da coñecidísima novela do escritor Antoine de Saint-Exupéry e pensada para un público da idade dos alumnos sarriaos. Unha obra teatral que se detía en todos os personaxes que configuran o texto do escritor nado en Lyon e que fai unha interesante reflexión sobre a vida e o ser humano.
