Hoxe, 21 de novembro, días antes de celebrar  o día mundial da loita contra o VIH, Tere,Iván e Vanessa da organización non gobernamental MEDICOS DO MUNDO, asociación que loita para facer efectiva o dereito á saúde para todas as persoas déronlle unha charla aos alumnos e alumnas de 4º da ESO sobre as infeccións de transmisión sexual e a súa prevención.

Aquí os temos realizando a primeira actividade. Foi o primeiro contacto entre uns e outros/as. Boa titorización para o curso 2018-19

Hoxe 2 de outubro de 2018 o alumnado de 1º de bacharelato coñeceu o "mundo da saúde mental" da man da asociación Avelaíña. O persoal da asociación da man de María e Dania e dalgúns dos seus usuarios: as Carmen, Julio, Mauro... déronnos unha exemplo de loita  e esforzo.. Grazas por todo.

Para ver máis:https://valminortv.com/2018/10/05/avelaina-acerca-al-ies-val-minor-la-importancia-de-una-salud-mental.

A doutura Olga Villar impartiu hoxe 3 de outubro unha charla aos alumnos e alumnas de 1º de ESO sobre "Nutrición e saúde" dentro dun programa promovido pola Deputación de Pontevedra e o colexio oficial de médicos da provincia de Pontevedra.

Este venres 25 de maio recibimos aos alumnos e alumnas de 6º de Educación Primaria do CEIP Humberto Juanes e do CEIP da Cruz. Eles e elas serán os futuros 1º de ESO do curso 2018/19. Agardamos que lles gustara o centro onde van continuar os seus estudos. Grazas por visitarnos.

.

Un novo curso realizamos a formación en educación vial. Grazas a policía local de Nigrán.

José Ramón González e Fe Framil impartiron de xeito desinteresado unhas charlas de educación afectivo-sexual aos alumnos e alumnas de 3º da ESO. Grazas pola súa colaboración.

María e Fontela, gardas civís do posto de Baiona-Nigrán faláronlles ao alumnado de 1º e 2º da ESO dos riscos de seguridade asociados ás novas tecnoloxías e ao uso das redes sociais.