Orientación
CHARLA SOBRE A ABAU E O ACCESO Á UNIVERSIDADE PARA O ALUMNADO DE 2º DE BACHARELATO.
Ricardo Corderí, xefe da sección de extensión universitaria da Universidade de Vigo, impartiu unha conferencia sobre a ABAU e o acceso á Universidade para o alumnado de 2º de bacharelato.
O alumnado de 3º de ESO finalizou o seu obradoiro de educación mediática no auditorio do Concello de Nigrán.
O alumnado de 3º de ESO rematou este venres 24 de novembro o seu obradoiro de Educación Mediática no Auditorio do Concello de Nigrán. O acto serviu tamén para manifestarse en contra da violencia contra as mulleres. Dende aquí queremos dar as grazas ao CIM e a produtora CRU polo seu traballo e dedicación.
Charla sobre o acoso escolar para o alumnado de 1ºC-ESO. RELATORA EVA MÉNDEZ DO CENTRO DE APOIO EDUCATIVO APREHENDO.
Hoxe, 25 de outubro de 2023, recibimos a Eva Méndez Santos, do centro de apoio educativo APREHENDO de Gondomar.
A súa charla abordou o tema do acoso escolar co alumnado de 1ºC-ESO.
Queremos agradecer a relatora o seu bo facer e a sintonía que acadou cos alumnos e alumnas. Por sorte, pronto volverá para tratar deste mesmo asunto cos grupos de 3º de ESO.
PROXECTO DE COMUNICACIÓN E PREVENCIÓN DO VAL MIÑOR. SESIÓN INFORMATIVA LUNS 23 DE OUTUBRO ÁS 18:30 horas..
O próximo luns 23 de outubro ás 18:30 horas no Salón de Actos do IES VAL MIÑOR terá lugar a sesión informativa sobre o proxecto de comunicación e prevención do Val Miñor (Habilidades comunicativas intrafamiliares e prevención de consumo de tóxicos) cuxas relatoras son persoal sanitario cualificado en habilidades sociais.
Estará dirixido para as familias e o alumnado de 3º de ESO.
OBRADOIRO DE EDUCACIÓN MEDIÁTICA PARA O ALUMNADO DE 3º DE ESO.
O obxectivo do obradoiro realizado en colaboración co CIM e con Cru Producións é reflexionar sobre o presente e o futuro da educación mediática tendo presente de maneira especial a necesidade de suscitar actitudes críticas respecto aos medios de comunicación e produtos audiovisuais.
REPRESENTANTES DO CENTRO JUAN MARÍA FALÁRONLLE AO ALUMNADO DE 1º BACHARELATO DO VOLUNTARIADO.
Vane, Yago e David, alumnos do centro de Educación Especial, faláronlle ao noso alumnado de 1º de bacharelato do voluntariado. Agradecemos o seu gran labor e as súas ensinanzas. Grazas por todo.
PREINSCRIPCIÓN E MATRÍCULA NA UNIVERSIDADE DE GALICIA 23-24
Todo o procedimiento de preinscripción e matrícula está publicado na web da CIUG.
PRAZOS DE PREINSCRIPCIÓN (ver na convocatoria os prazos xerais e especiais).
XORNADA DE ACOLLIDA
O día 12 tivemos o privilexio de recibir a visita do alumnado de 6º de Educación primaria que se unirá ao noso centro educativo no próximo curso.
Durante esta xornada, os alumnos puideron percorrer o patio, ademais de visitar o taller de química, bioloxía e tecnoloxía, as aulas de música e Educación plástica, así como a nosa biblioteca. Para facer a vistia máis enriquecedora tiveron a oportunidade de interactuar cos nosos profesores realizando algunhas actividades divertidas e educativas.
Ademais de explorar as nosas instalacións e participar nos talleres, recibiron informacioń sobre a nova etapa que están a piques de comezar da man da orientadora do centro, que lles proporcionou información sobre a nova etapa e consellos para afrontala con éxito.
Vémonos o próximo curso!
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »