A INFORMACIÓN QUE AMOSAMOS A CONTINUACIÓN VEN REFERIDA NO PORTAL DA CONSELLERIA DE EDUCACIÓN, UNIVERSIDADE E FORMACIÓN PROFESIONAL E PODE CONSULTARSE NA SEGUINTE LIGAZÓN:
http://www.edu.xunta.gal/portal/medidas-coronavirus
MEDIDAS:
-
Suspensión de todo tipo de actividade lectiva regulada en todos os centros de ensino non universitario. Esta suspensión inclúe tamén os servizos educativos complementarios, nomeadamente, o comedor, transporte e servizo de madrugadores, con independencia de quen sexa o organizador dos devanditos servizos.
-
Suspéndense no ámbito educativo todas as viaxes de estudos, excursións, ou calquera tipo de desprazamento de grupos de alumnado ou de profesorado.
-
Suspéndense no ámbito educativo todo tipo de festivais, galas ou actividades que impliquen a reunión de alumnado.
-
O persoal docente e non docente terá a obriga de acudir ao centro educativo. Para os efectos de favorecer a conciliación do persoal con fillos e fillas menores de 18 anos ou maiores que presenten algunha discapacidade e persoas maiores dependentes, o equipo directivo poderá reorganizar o horario de permanencia no centro educativo de cada docente ou persoal de administración e servizos, cumprindo co cómputo total anual do mesmo e debendo reorganizar as tarefas para adecuar a prestación dos servizos básicos de información, atención e tutorización non presencial da súa comunidade educativa. Todo elo dentro do horario de apertura habitual do centro. Esta medida é de aplicación ao persoal que non presente sintomatoloxía.
-
Como medida extraordinaria para facilitar a conciliación da vida familiar e laboral de aquel persoal con fillos e fillas menores de 18 anos ou maiores que presenten algunha discapacidade e persoas maiores dependentes, este poderá realizar a súa actividade laboral mediante o sistema de teletraballo nunha porcentaxe non superior ao 50% do seu horario total de permanencia no centro
-
O profesorado programará nas páxinas web dos centros ou por outros medios telemáticos, accesibles ao seu alumnado, actividades xenéricas relacionadas cos contidos curriculares para que o seu alumnado as poida realizar no seu domicilio, e fará o seu seguimento, pero non terán carácter de avaliables.
-
Para o alumnado de 2º de Bacharelato o profesorado adoptará todas as medidas específicas necesarias (telemáticas) para garantir de forma non presencial a continuidade das actividades lectivas dos contidos curriculares.
-
Suspéndense as prácticas de Formación Profesional (módulo FCT) que se realicen en empresas, incluídas as asociadas a Erasmus +
-
Reprogramarase individualmente para cada alumno ou empresa a actividade formativa nos centros de traballo para as ensinanzas impartidas na modalidade de FPDual.
-
Nos centros de Educación Especial con servizo de residencia NON se suspende a permanencia do alumnado, agás no caso en que presente sintomatoloxía, en cuxo caso, as autoridades sanitarias adoptarán as medidas pertinentes que garantan o non contacto co resto dos usuarios.
-
Suspéndese a permanencia de usuarios nos centros residenciais docentes.
-
Suspéndense todas as actividades de formación do profesorado que teñan carácter presencial.
CUESTIÓNS DE INTERESE:
Debido a improvisación e a falta de coordinación por parte do Goberno Autonómico na comunicación destas medidas, e a falta a día de hoxe de instruccións e outras medidas por parte da Consellería de Educación puntualizamos:
- As seguintes medidas son propostas nun contexto de urxencia polo que a súa duración pode variar si así o deciden as autoridades pertinentes.
- Suspéndense as clases de forma obrigatoria do 16 ó 29 de Marzo ámbos inclesive. A asistencia do alumnado ó centro o día 13 de Marzo é "voluntaria".
- Ante esta falta de instruccións específicas o Claustro do IES Ramón Caamaño se reunirá en sesión extraordinaria mañá 13 de Marzo para valorar e definir varios puntos que atinxen o desenvolvemento académico-curricular do alumnado como pode ser a inminente avaliación académica do 1 de abril.
- Das novas que se vaian producindo nas vindeiras xornadas e que sexan de interese para a comunidade escolar en relación a este tema daremos conta nesta páxina web.
- A partires de mañá poden consultar as súas dúbidas poñéndose en contacto con nós a través do correo elctrónico e do teléfono do centro:
ies.ramon.caamano@edu.xunta.es
881880775
GRAZAS E DESCULPEN AS MOLESTIAS