Con motivo da celebración do día das Letras Galegas,@s alumn@s de 2º A levaron a cabo unha procura sobre Xela Arias e recolleron no seguinte video, os aspectos que consideraron máis relevantes da súa bografía persoal e a súa traxectoria.Foi unha procura realizada en pequenos grupos, cada grupo buscou información sobre os distintos momentos da vida de Xela. Posteriormente presentaron de xeito oral, na aula os seus achados. Este video é o resultado desa procura.
PREME NA IMAXE PARA VER O VIDEO
Entre os días 1 e 15 de maio de 2021 está aberto no IES Fernando Blanco o prazo para a preinscripción no Plan Cuale de inglés nivel A2 ou B1.
Tedes toda a información na páxina web do IES Fernando Blanco: http://www.edu.xunta.gal/centros/iesfernandoblanco/node/586 .
Para calquera dúbida poñédevos en contacto con nós no: 881880775, ou ben chamade ao IES Fernando Blanco: 881880467.
O IES Ramón Caamaño informa ás familias do alumnado de 6º de Primaria dos colexios de Vilarmide e Os Muíños, que todas as solicitudes de reserva de praza para o vindeiro curso 2021/2022 foron aceptadas. Todas elas teñen praza asignada, polo que non será necesario tramitar as solicitudes de admisión.
O listado de prazas adxudicadas estará exposto nas oficinas de administración do centro.
Unha vez rematado o curso, o alumnado de 6º que promocione á ESO deberá formalizar a matrícula en xuño.
Se tedes algunha dúbida, poñédevos en contacto co Equipo Directivo chamando ó 881880775, ou escribide ao correo electrónico ies.ramon.caamano@edu.xunta.gal
Un saúdo.
A Consellería de Educación concedeunos un curso de formación gratuíto destinado aos pais/nais e responsables do alumnado no manexo das tecnoloxías no ámbito educativo: funcionamento da aula virtual, uso do correo electrónico, abalar móbil...
- As sesións impartiranse polas tardes no centro de xeito presencial, con aforo limitado e respectando as medidas de seguridade.
- Centro de Formación e Recursos será a entidade encargada da impartición do curso.
- A duración da formación será de 10 horas e terá lugar no mes de febreiro.
- As sesións impartiranse na aula de informática do instituto, e cada persoa terá acceso a un ordenador individual para traballar.
- Podedes inscribirvos no curso chamando ao teléfono do centro 881880775, onde rexistraremos os vosos datos.
- A información detallada do programa do curso (contidos, horarios…) publicarase na web do centro unha vez rematado o prazo de inscrión.
- A actividade será totalmente gratuíta.
O prazo de inscrición remata o 29 de xaneiro.
Os alumnos do IES Ramón Caamaño deséxanvos un BO NADAL e que a maxia da música vos acompañe no 2021.
Dende o departamento de Francés celebramos o Nadal cunhas tarxetiñas postais que emprenderán o camiño a Francia en menos dun día!
JOYEUX NOËL À TOUS ET À TOUTES !
As cualificacións correspondentes á 1ª avaliación publicaranse a través de Abalar Móbil o día 22/12/2020 ás 14:00 horas.
O horario lectivo de mañá, 22 de decembro, será o habitual de 8:30 a 14:10 e de 16:20 a 18:00.
O centro permanecerá pechado entre os días 23 de decembro e o 11 de xaneiro por motivos de desinfección. Se necesitades contactar co centro, atenderémosvos no número de teléfono: 881880775, ou a través do correo electrónico: ies.ramon.caamaño@edu.xunta.es .
Lembramos a importancia de extremar as precaucións fronte á COVID-19 durante este período de vacacións para poder ter unha volta ás aulas o máis segura posible para todos.
Boas vacacións.
Equipo Directivo do IES Ramón Caamaño
A Consellería de Educación vén de publicar no DOGA un anuncio sobre a distribución gratuíta de máscaras entre o alumnado matriculado nos centros educativos de Galicia.
A orde establece que será beneficiario directo das mesmas o alumnado de Educación Secundaria que recibiu no presente curso 2020/2021 a axuda para material escolar, polo que o centro organizará a súa distribución.
Aquelas familias que non recibiron esa axuda poderán, igualmente, presentar unha solicitude (Anexo I e II) no centro antes do 24 de novembro para recibir máscaras gratuítas. Terán dereito a elas as familias cunha renda per cápita igual ou inferior a 6000€.
Podedes acceder á convocatoria completa premendo no seguinte enlace:
https://www.xunta.gal/dog/Publicados/2020/20201113/AnuncioG0598-061120-0002_gl.pdf
A Dirección do IES Ramón Caamaño comunícalles que, a día de hoxe venres, 30.10.2020 non hai no centro ningún membro do alumnado nin do profesorado que dese positivo en COVID-19 nin á espera do resultado de ningunha proba.
Así mesmo, aconsellamos discreción á hora de compartir información que non estea contrastada, xa que lles pode ocasionar moito dano ás familias afectadas. En caso de dúbida, por favor, contacten co Equipo Directivo do centro chamando ao teléfono: 881 880 775.
Por último, insistimos na necesidade de cumprir coas normas de hixiene e seguridade recollidas no protocolo que se facilitou ao inicio de curso xa que estamos a detectar casos nos que as máscaras usadas non son as apropiadas (gastadas, sucias, frouxas...)
Agradecémoslles a colaboración.
Un saúdo,
O Equipo Directivo
Colgamos hoxe unha nova referente a unha publicación do 20 de Maio de 2020 en "El Correo Gallego", na que se describe o achádego por parte dun alumno (actualmente en 2º ESO) de moedas de 1619 pertencentes a un naufráxio na Costa da Morte. Como no seu día ainda estabamos saíndo do "confinamento", non se lle dou publicidade entre a comunidade educativa que hoxe lle queremos dar.
Estimadas familias:
Presentámosvos o "Plan de Adaptación da Situación Covid 20-21" do IES Ramón Caamaño. Este Plan recolle os protocolos básicos e as instruccións a seguir por alumnado, profesorado e demáis membros da comunidade escolar durante o curso 2020-2021. É importante a súa visualización para unha correcta actuación de todos/as fronte a Pandemia COVID19. Toda a información relevante con respecto a este tema publicarase aquí na páxina principal e a maiores estará recollida na pestana "Espazo Info COVID 20-21" nunha das pestanas grises baixo a cabeceira da páxina.
O equipo directivo do IES Ramón Caamaño informa que o curso 2020-2021 comezará previsiblemente o día 23 de setembro.
Seguindo as instruccións da Consellería, a incorporación ás clases dos diferentes cursos será a seguinte:
23 de setembro: 1º e 2º ESO (8:30-14:10 horas)
24 de setembro: 3º ESO (8:30-14:10 horas)
25 de setembro: 4º ESO (8:30-14:10 horas)
Ás 8:30 da mañá reuniremos o alumnado no salón de actos para informalo sobre as novas instrucións de funcionamento do centro derivadas da COVID-19. Unha vez rematada a reunión comezarán as clases con normalidade.
Todo o alumnado traerá posta unha máscara de seguridade e outra de reposto para cambiar no 2º recreo.
Achegamos un documento adxunto con toda a información sobre o inicio de curso e as novas normas de funcionamento. É imprescindible ler o documento e en caso de dúbida poden poñerse en contacto co centro a través do teléfono: 881880775 ou do correo electrónico ies.ramon.caamano@edu.xunta.es
