Actividades

Xa están os produtos empaquetados e listos para seren enviados. Remátanse polo tanto as xuntanzas no taller.

Agora a rapazada terá que elaborar unha memoria na que se reflicta todo o traballo realizado, así como a súa experiencia e o aprendido durante o trasncurso do proxecto.

Ánimo! Recta final consumópolis!

O traballo vai progresando... e xa se nota! Algún equipo xa está a rematar o seu prototipo ou maqueta. Nesta foto mostrámosvos un anaquiño dun deles, pero "ata aquí podemos ler".

Agora toca completar a redacción e imprimir as etiquetas e fichas explicativas adxuntas, e preparar as embalaxes para o envío dos produtos.

Que pouco falta para a recta final, a continuar traballando!

Custou, pero parece que por fin van saíndo ideas dalgún produto que cumpre cos requisitos que busca a rapazada do proxecto "Repensa a túa despensa": responsable, saudable, sostible e solidario. Sen esquecer que cada equipo debe procurar tamén que sexa algo novidoso e orixinal e ten que achegar unha etiqueta e unha ficha técnica, con nome e slogan incluídos.

En vaia lea andan metidos... Sorte a todas e todos!