IES Gregorio Fernández

Semana: Do 12 ao 16 de xuño de 2017

Un grupo de xogadoras do Porta XI Ensino visitou este mércores 8 de febreiro o noso I.E.S. Contamos coa presencia de Loly Vilares, como xefa de prensa do equipo e coas xogadoras Licet Castillo, Aleksandra Begenisic e Rocío Varela, ademais da ex-xogadora e membro da actual directiva, Cata Pollini. Compartiron co noso alumnado de ESO e 1º BAC a súa traxectoria deportiva, respondendo ás súas curiosidades e facéndoos partícipes das súas innumerables vitorias, ademais de animalos a disfrutar con este deporte, ben xogándoo, ben acudindo a ver os partidos deste equipo.

 VISITA AO GRUPO INDITEX:

Un grupo de alumnos/as dos ciclos formativos de Xestión Administrativa, Mantemento Electromecánico e Mecatrónica Industrial visitaron este venres 3 de febreiro as instalacións do grupo empresarial Inditex ubicadas en Arteixo. Foi unha oportunidade para coñecer a traxectoria deste grupo téxtil desde o seu inicio ata a actualidade e achegarnos a este modelo de negocio tan exitoso.

O venres, 27 de xaneiro de 2017, celebrouse no Salón de Actos unha reunión co alumnado dos primeiros cursos do noso Centro cofinanciados polo Fondo Social Europeo:

• Programa de Mellora do Rendemento e Aprendizaxe, PMAR.
• Ciclos de Formación Profesional Básica de Fabricación e Montaxe e Servizos Administrativos.
• Ciclos Medios de Mantemento Electromecánico e de Mecanizado. 

O obxecto de dita reunión foi informar ao alumnado e aos profesores/as destes cursos sobre a contribución dos fondos estructurais da Unión Europea á redución e á prevención do abandono escolar temperá e ao fomento da igualdade de acceso a unha educación de boa calidade.

Un grupo de alumnos/as de 3º ESO e 1º BAC do noso IES estiveron en Andorra, concretamente na estación de Grandvalira, unha das máis grandes de Europa. Durante toda unha semana, desde o 14 ao 21 de xaneiro, tiveron a oportunidade de iniciarse neste deporte de inverno.

O pasado 16 de xaneiro, un grupo de alumnos/as  do Ciclo Superior de Administración e Finanzas e de Bacharelato xunto con dúas profesoras visitaron as instalacións do Grupo Inditex situadas en Arteixo, A Coruña. A visita durou aproximadamente dúas horas, na que persoal da empresa foi explicando como se desenvolven as principais actividades deste exitoso grupo empresarial, polo que agradecemos o seu recibimento e a opción de poder participar neste tipo de visitas guiadas. 

Este xoves 12 de xaneiro celebrouse no noso IES unha reunión informativa para animar ao noso alumnado de Ciclos Formativos de Grao Superior a participar no programa Erasmus+ para a convocatoria do ano 2017. Para máis información sobre as distintas posibilidades que ofrece este programa, podedes acceder á web do sepie.

Un ano máis, os nosos alumnos/as de 2º, 3º e 4º ESO e 1º, 2º BAC organizaron o Festival de Nadal, en colaboración coa profesora de Música. Tivemos a oportunidade de escoitar cancións e bandas sonoras que nos espertaron recordos e emocións. E como punto final, os presentadores  aproveitaron para desexar a toda a comunidade educativa felices festas e lembrar que volveremos o 9 de xaneiro.

Estes días celebrouse no noso IES un concurso de postais de Nadal no cal participaron os cursos de 2º e 4º da ESO e 2º de BAC, sendo o resultado o seguinte:

1º premio: Juan Antonio Díaz Fernández (curso 2º BAC)

2º premio: Diego Pandiscia Abella (curso 2º ESO)

3º premio: Andrés Dono Arias (curso 2º BAC)

As postais do 1º e 3º premio están elaboradas dixitalmente polos alumnos da materia de TICs e a do 2º premio está realizada en papel polo alumnado na materia de Lingua Galega. ¡Parabéns aos gañadores!

1º PREMIO                                                                                  2º PREMIO

3º PREMIO:

Este venres 2 de decembro, o director de hidráulica da compañía Gas Natural Fenosa, Jordi Vich, inaugurou coa colocación dunha placa conmemorativa a restauración dunha turbina de 9.000 quilos de peso utilizada para a xeración de electricidade e procedente da central hidráulica situada no embalse de Albarellos en Ourense. Esta peza foi restaurada por alumnado da FPB  e de ciclos formativos, baixo as directrices do noso profesorado, e mesmo a dotaron cun sistema de iluminación mediante leds que fai que esta turbina se convirta nun importante elemento decorativo no xardín do noso IES.

Esta empresa tamén nos cedeu dous paneis de ensaios dunha central hidroeléctrica de principios de século XX, rehabilitados e colocados nunha vitrina no vestíbulo do noso IES.

A dirección do centro agradeceu a esta compañía a súa colaboración neste tipo de actividades e o interés mostrado pola formación que recibe o noso alumnado.