Departamentos

Logo de Bibliotecas Escolares de Galicia

RADIO BOLBORETA 

Logo EDLG

Eventos

« Novembro 2022 »
LunMarMérXovVenSábDom
123456
78910111213
14151617181920
21222324252627
282930

Iniciar sesión

Usuarios conectados

Agora mesmo hai 0 usuarios e 0 invitados conectados.

Eleccións 2022 para a renovación dos membros do Consello Escolar do centro

Neste mes renovaranse de xeito parcial os membros do CONSELLO ESCOLAR deste Instituto, correspondéndolle aos pais/nais ou representantes legais  dos alumnos/as a elección de tres membros (un deles por 2 anos) e o alumnado poderá elexir ata catro representantes (dous deles por 2 anos).

Os censos electorais, tanto de pais/nais ou representantes legais como do alumnado estarán expostos dende o día 4 ata o 16 de novembro, no taboleiro da entrada ao centro.

Os pais/nais ou representantes legais e o alumnado interesados en presentar a súa candidatura poderán facelo na Dirección do centro, dende o día 7 ata o día 15 de novembro, de 9:00 horas ás 13:00 horas.

O día 23 deste mes, de 9:30 ás 13:30 horas, os pais/nais ou representantes legais dos alumnos/as poderán exerce-lo voto para elexir o seu representante, debendo presentar o D.N.I. O alumnado votará, tamén o día 24 desde as 9:30 ás 13:30 horas.

Visita didáctica Pull&Bear

O pasado venres 18 de novembro, o noso alumnado de 2º do CM de Xestión Administrativa, 1º do CS de Administración e Finanzas e 2º de FPB de Servizos Administrativos, xunto con tres profesoras da familia de Administración visitaron o centro de Pull&Bear na localidade coruñesa de Narón coa finalidade de coñecer como funciona por dentro esta importante empresa.

visita Pull&Bear

Visita interior Pull&Bear

 

Música galega. Ponlle a orella!

O equipo de Dinamización da Lingua Galega do noso centro comezou un novo proxecto co título Música galega. Ponlle a orella. Este proxecto iniciouse o 20 de novembro e rematará o 2 de xuño de 2023 no que participarán 15 grupos, 210 alumnos e 16 profesores, cun total de 24 cancións en galego.

Trátase dun ambicioso proxecto do noso EDLG, no que colaboraron Xurso Souto e Patricia Coucheiro e que ten como finalidade principal que a nosa cultura siga viva para que todos nos poidamos seguir máis vivos!

Podedes descargar os pdf da presentación das fichas e o caderno coas cancións.

Obradoiro de Competencias Emprendedoras

O pasado xoves 17 de novembro volvemos contar coa presenza de Rafa Vázquez, economista da Fundación Ronsel (https://fundacionronsel.org/), esta vez para impartir aos alumnos e alumnas de 2º curso dos ciclos formativos de Formación Profesional un obradoiro interactivo de competencias emprendedoras, concretamente de riscos calculados. Esta actividade xa é a cuarta dun ciclo organizado pola Aula de Emprendemento do noso centro, financiado na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2021) no marco do Mecanismo do Plan de Recuperación, Transformación e Resiliencia. Podedes ver máis fotos no álbum Obradoiro de Competencias Emprendedoras.

taller riscos calculados

Roteiro polos Ancares

O pasado xoves 10 de novembro, os alumnos de 1º de BAC do IES Gregorio Fernández de Sarria realizaron un roteiro de sendeirismo desde o Porto de Ancares ata o Pico Cuiña (1.992m). A xornada trascorreu cun día espectacular, onde a dureza do roteiro se viu compensada pola beleza da paisaxe e o avistamento de diversos exemplares da fauna salvaxe.

Roteiro Ancares

Mobilidade profesorado Erasmus

As profesoras Elena Corujo Pereiro e Esther Rodríguez Dono participaron nunha mobilidade enmarcada dentro do Proxecto 2021-1-ESO1- KA131-HED-000010538 de ERASMUS no INETE (Instituto de Educação Técnica) de Lisboa. Esta experiencia foi satisfactoria como docentes porque lles aportou outra visión de impartir docencia así como a posibilidade de traballar conxuntamente en futuros proxectos.

Na súa estadía ademais de participar o primeiro día nunha xornada de acollida e visita das instalacións do centro, mantiveron un encontro coa directora e as responsables de ERASMUS do INETE  e un grupo de profesoras noruegas que tamén estaban participando nesta estadía. O resto dos días participaron en distintas clases impartidas polos compañeiros portugueses para comprobar como organizan e imparten docencia; en concreto, na materia de Contabilidade compararon e analizaron as diferencias nos Plans Contables e demais lexislacións mercantís dos dous países. Tamén mantiveron reunión co responsable do departamento de orientación xunto cos psicólogos clínico e vocacional, que forman parte do departamento.

Froito desta estadía hai un compromiso por ambas partes de colaborar en buscar empresas no contorno de Sarria para o alumnado portugués, así como colocar o noso alumnado en empresas portuguesas para facer prácticas.

Tamén está previsto participar conxuntamente en máis proxectos internacionais dentro do ERASMUS.

Erasmus Lisboa reunión

Taller Entrevistas de traballo

Seguimos co ciclo de actividades organizadas pola aula de Emprendemento do noso centro educativo.

O pasado martes 4 de novembro, Rafa Vázquez, economista da Fundación Ronsel, impartiu un taller de entrevistas de traballo, no que os alumnos e alumnas de 2º curso dos ciclos formativos de Formación Profesional tiveron a oportunidade de interactuar mediante a técnica do xogo de roles ou role-playing. Como resultado, sentáronse as bases da estrutura dunha entrevista acompañadas de toda unha serie de consellos útiles.

Estas actividades están financiadas na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2021) no marco do Mecanismo do Plan de Recuperación, Transformación e Resiliencia.

Na seguinte ligazón podedes descargar as fotos do taller: Obradoiro Entrevistas de traballo

obradoiro entrevistas de traballo

 

Iniciación á escalada en Fontaneira

O pasado xoves 13 de outubro, dezanove alumnos do noso centro, acompañados por dous profesores, realizaron unha iniciación a este deporte, cada vez máis en alza, na área recreativa de Fontaneira, no concello de Baleira.

actividade de escalada

Obradoiro de Oratoria

O pasado venres 4 de novembro, os alumnos e alumnas de 2º curso de ciclos formativos de Formación Profesional e de 1º de Bacharelato contaron coa presenza de Alejandra Sánchez Barje, de Bével Consultores, que impartiu un obradoiro de oratoria dirixido a proporcionar ferramentas e recursos para emprender e para a inserción ao mundo laboral.

Esta actividade enmárcase dentro do programa organizado pola Aula de Emprendemento deste centro educativo, financiado na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2021) no marco do Mecanismo do Plan de Recuperación, Transformación e Resiliencia.

Obradoiro de Oratoria

Comezo das actividades da Aula de Emprendemento

O pasado martes 14 de outubro, os nosos alumnos de 2º curso dos ciclos formativos de Formación Profesional contaron coa presenza de Dani Diéguez, da consultora Píldoras Digitales, que impartiu un taller para identificar os aspectos esenciais dun modelo de negocio.

Esta é a primeira dunha serie de actividades organizadas pola Aula de Emprendemento do noso centro educativo, financiadas na súa totalidade polo Ministerio de Educación e Formación Profesional e pola Unión Europea-NextGenerationEU (Repartición 2021) no marco do Mecanismo do Plan de Recuperación, Transformación e Resiliencia.

Charla emprendemento