Departamentos

          Bolboreta         

Revista escolar

Logo EDLG

Eventos

« Marzo 2024 »
LunMarMérXovVenSábDom
123
45678910
11121314151617
18192021222324
25262728293031

Iniciar sesión

Usuarios conectados

Agora mesmo hai 0 usuarios e 2 invitados conectados.

SOLICITUDES DE RESERVA E ADMISIÓN PARA O CURSO 2024/2025

RESERVA: debe realizala, no propio centro de procedencia, o alumnado de 6º de Primaria que cursa estudos nos centros adscritos a este IES: CEIP Antonio Fernández López de Oural e o CEIP San Miguel de Paradela. O prazo é desde o 15 de xaneiro ao 5 de febreiro.

ADMISIÓN: deberá realizala o alumnado que proceda dun centro non adscrito (polo tanto, non formalizará a solicitude de reserva) ou cambia de etapa educativa. A solicitude entregarase no centro onde queira realizar os seus estudos durante o curso 2024-2025, desde o 1 ao 20 de marzo.

TRANSPORTE ESCOLAR: o alumnado dos centros adscritos teñen garantido este servizo. O resto do alumnado terá que solicitalo e usalo de xeito gratuito mediante a tarxeta “xente nova”.

COMEDOR ESCOLAR: o número de prazas foise incrementando cada ano podendo ofrecerlle o servizo de comedor a todo alumnado que teña dereito.

 OFERTA FORMATIVA

O alumnado matriculado no IES Gregorio Fernández pode cursar a ESO, o Bacharelato de Ciencias, de Humanidades e de Ciencias Sociais, e a ESA (Educación Secundaria de Adultos). Tamén, a FP Básica nos ciclos de Fabricación e Montaxe e  de Servizos Administrativos. Ademais, pode realizar os estudos  correspondentes aos Ciclos Medios de Mecanizado, de Mantemento Electromecánico e de Xestión Administrativa, así como, os Ciclos Superiores de Administración e Finanzas, de Mecatrónica Industrial e o de Sistemas de Telecomunicacións e Informáticos. Todos os ciclos teñen  FP DUAL ordinaria.

Ofértanse todas as materias opcionais da ESO e distintas medidas de atención á diversidade como: apoios individualizados durante os 4 anos da ESO, agrupamentos flexibles de Lingua castelá e Matemáticas en 1º ESO. Tamén, en 4º ESO impartimos Matemáticas Académicas e Aplicadas.

Por outro lado, ofértanse case o cen por cento das materias troncais de opción e optativas das distintas modalidades de bacharelato.

PROGRAMAS DE ÉXITO EDUCATIVO: 

INNOVA: trátase de fomentar a innovación educativa ao alumnado de ESO e 1º de Bacharelato do centro, na modalidade de “O centro docente como entorno innovador de aprendizaxe a través da mellora permanente. (EDUinnova)“. Mellora nas competencias: Matemática, Comunicación Lingüística e Competencia Dixital.

PROA +:  modalidade  de acompañamento no horario lectivo, para o alumnado de da ESO e da FPBásica, que  pretende potenciar de forma prioritaria o desenvolvemento das competencias clave. En definitiva, contribuir á mellora da calidade do sistema educativo de Galicia.

SECCIÓNS BILINGÜES: coa finalidade de mellorar a competencia en Inglés. Desenvolveranse en 2º ESO na materia de Tecnoloxía E Dixitalización, para acadar unha maior competencia en inglés.

PROGRAMAS VARIOS: Programa YAM para 3º ESO, Plan de Mellora de  Bibliotecas Escolares, Bibliotecas Escolares Solidarias, Clube de Lectura; Observa Acción, Radio Bolboreta, Plans Proxecta para o alumnado da ESO, Bacharelato, Ciclos, FP Básica e ESA (neste curso estamos realizando o de “Antonio Fraguas” e o de “Galicóns-Net”).

POLOS CREATIVOS: son espazos de innovación educativa nos que se traballan as competencias STEM (Ciencia, Tecnoloxía e Matemática), a co-creación, a solución de problemas reais e o pensamento de deseño e habilidades. Para iso cóntase con espazos específicos e a dotación de equipamento especializado como robots, equipamento audiovisual de última xeración, tabletas, gafas de realidade virtual, impresoras e escaner 3D, cortadora laser, paneis dixitais, etc.

Somos un Centro Cardioprotexido.

CARTA ERASMUS: o noso alumnado que cursa Ciclos Medios e Superiores realizan as Prácticas en empresas no estranxeiro, preferentemente en países da Unión Europea, como Alemaña, Bélxica, Italia, Irlanda, etc.

ABALAR MÓBIL: Usamos esta aplicación para ter informado, de xeito inmediato, aos pais e nais sobre os estudos, comportamentos, etc, dos seus fillos/as.

ESCOLA OFICIAL DE IDIOMAS: somos Sección da E.O.I de Lugo. O alumnado de bacharelato do centro ten a oportunidade de compaxinar os seus estudos coa obtención do certificado B2 en inglés.

Pensamos que o IES Gregorio Fernández é unha boa opción para realizar os estudos

Visita participantes do programa "Camino Europa"

O 14 de marzo tivemos a honra de recibir no noso centro a un grupo de 50 peregrinos formados por alumnos e docentes de varios centros europeos, dentro do programa "Camino Europa". Antes de comenzar a súa primeira etapa do Camiño ata Portomarín, quixeron coñecer o noso centro e interactuar co noso alumnado e profesorado para expor a súa experiencia e informar sobre as eleccións europeas que se celebrarán en xuño, xa que este é o tema do seu proxecto.

Este grupo forma parte dun proxecto do IES Andrés de Vandelvira de Albacete en colaboración co concello de Albacete e o Parlamento Europeo. Todos os alumnos teñen entre 16 e 18 anos e pertencen a cinco nacionalides distintas. Os paises integrantes do grupo son: España, Portugal, Alemania, Bulgaria e Rumanía.

A lingua vehicular foi o inglés, co cal o noso alumnado tivo ocasión de comunicarse en inglés de xeito real con rapaces doutros países e culturas.

Resultou unha actividade moi dinámica e enriquecedora na que tanto a vicedirección como as tres profesoras do departamento de inglés se implicaron directamente para levala adiante. Participaron de xeito moi activo o alumnado de 4º de ESO, 1º de Bach e 1º dos Ciclos de Administración. 

Se picade no blog da Biblioteca Fiz Vergara Vilariño, tedes máis fotos e información.

foto grupal Camino Europa

DATAS PROBAS EXTRAORDINARIAS MATERIAS PENDENTES BAC

O alumnado de 2º BAC que teña pendente algunha materia de 1º BAC poderá presentarse ás probas extraordinarias que se convocarán durante a semana do 15 ao 19 de abril.

Actividades para conmemorar o Día Internacional da Muller

Durante esta semana,  no noso centro celebráronse unha serie de actividades co gallo do 8 de Marzo: o concurso Bolboretas pola Igualdade, a proxección de curtametraxes e temas musicais relacionados con esta temática e unha exposición de libros e filmes, para profundizar e valorar o papel da muller ao longo da historia.

Ademais, o xoves achegáronse ao instituto tres mulleres de referencia da nosa contorna: Chelo de Gandeiría Quintián (O Páramo), Laura de Rural o Urbano (Paradela) e Benedicta Sánchez (O Corgo) para participar na Xornada Mulleres da nosa contorna, na que compartiron a súa experiencia como emprendedoras no mundo rural, no caso de Chelo e Laura, e para escoitar as vivencias dunha muller que tivo que emigrar a Brasil, que volveu á súa terra meiga e mesmo foi quen de conquistar moitos corazóns coa súa interpretación na película O que arde, gañadora dun Goya e da medalla Castelao pola súa contribución a poñer en valor a cultura galega e o galego en calquera lugar do mundo. Tamén se sentaron diante dos micros da nosa radio, Radio Bolboreta, e responderon unha serie de preguntas formuladas por un grupiño de alumnas con total sinceridade e espontaneidade.

O noso agradecemento a estas grandes mulleres pola súa participación e achega á nosa comunidade educativa: educación en valores, paixón pola lectura, emprendemento, valor do rural, afouteza, cooperación, equipo... e que  promoven a igualdade de oportunidades na nosa sociedade. 

Animádevos a ler a reseña do blog da nosa biblioteca Fiz Vergara Vilariño, na que se recolle algunha das frases que escoitamos durante a xornada! En breve, poderedes escoitar o programa en Radio Bolboreta...

Foto participantes xornada 8M

Visita didáctica á Mariña lucense

O mércores 28 de febreiro, o alumnado de 1° Bac foi ao Museo do Mar de Cervo, á fábrica de Sargadelos, Foz e Mondoñedo, espazos nos que se desenvolve a acción de "A lei das ánimas" novela de lectura obrigada. No seguinte álbum Visita á Mariña Lucense hai máis fotos da viaxe.

visita a Mariña lucense

Datas de avaliación de módulos pendentes de 1º curso e de módulos con perda do dereito de avaliación continua de 2º curso de ciclos formativos (marzo 2024)

CALENDARIO (Marzo 2024) das probas extraordinarias de módulos pendentes de 1º curso e de módulos de 2º curso con perda do dereito á avaliación continua (PD) dos ciclos formativos: 

CICLOS FORMATIVOS
CM Mecanizado

Departamento de Mecanizado

Departamento de FOL 

CS Mecatrónica Industrial

CM Mantemento electromecánico

Departamento Instalación e Mantemento 

Departamento de FOL

 

CICLOS FORMATIVOS
CM Xestión Administrativa

 

Departamento de Administración

Departamento de FOL

 

CS Administración e Finanzas

 

FPB Servizos Administrativos
Módulos con perda de avaliación Departamento de Administración  

 

FPB Fabricación Mecánica
Módulos pendentes de 1º

 

Departamento de Mecanizado

 

Módulos con perda de avaliación

Entroido no IES

Chegou o entroido e no noso IES celebrouse esta festa cun concurso de disfraces dirixido a toda a comunidade educativa, no que se valoraba especialmente a orixinalidade e o uso de materiais de refugallo para a elaboración dos disfraces. Houbo premios para as diferentes categorías que participaron, e sobre todo, houbo moito inxenio, animación, colaboración e ganas de troula por parte dos participantes (alumnado de diferentes cursos e tamén profesorado).

Parabéns a todos e viva o entroido!

foto entroido

Ensaio aberto da obra Boa sorte, mala fama

O Concello de Sarria convidou a todos os alumnos e alumnas de 4º da ESO do noso centro o pasado mércores 31 de xaneiro a asistir ás 10:30 h na Casa da Cultura ao ensaio aberto da función de Tarabela Creativa, coa obra "Boa sorte, mala fama". Deseguido, celebrouse un encontro coas artistas, actividade que nos permitiu adentrarnos na forma de traballar nesta arte escénica. O noso agradecemento ao concello e aos artistas participantes.

Foto ensaio teatral

Visita á Residencia de Persoas Maiores de Sarria

O mércores 20 de decembro, un grupo de alumnos e alumnas do noso centro achegáronse a Residencia de Persoas Maiores de Sarria para facer entrega das postais realizadas polo alumnado de Formación Profesional das familias de Administración, Mantemento e Mecanizado e da ESA. Acolléronnos con moito agarimo e agradecemento por dita visita e compartimos sorrisos, abrazos e mesmo consellos para a vida que foron toda unha lección maxistral, sen dúbida, unha experiencia para volver repetir. Grazas á nosa xente maior que tanto nos deu e tanto nos segue a dar!

foto visita residencia personas maiores