Eventos

« Septembro 2018 »
LunMarMérXovVenSábDom
12
3456789
10111213141516
17181920212223
24252627282930

Departamentos

Logo de Bibliotecas Escolares de Galicia

Iniciar sesión

Usuarios conectados

Agora mesmo hai 0 usuarios e 0 invitados conectados.

Espectáculo de Aldao + Lado

O mércores 10 de maio contamos coa presenza de María Lado e Lucía Aldao para presentarnos o seu espectáculo "Moita poesía, pouca diversión" ao cal asistiu o noso alumnado de 3º e 4º de ESO, 1º de BAC e 1º de FPB. Como peche a esta actividade, os participantes mesmo se animaron a elaborar unha poesía como mostra das súas habilidades literarias.

imaxe do espectáculo de Aldao + Lado

Viaxe ás Médulas

O 24 de abril, o alumnado de 3º ESO, acompañados polos profesores de Tecnoloxía e Clásicas, fixeron unha viaxe ás Médulas para coñecer as minas romanas e fotografar o contorno natural para o Proxecto Paisaxe, no que están a participar. Nesta ligazón, podedes ver algunha das fotos realizadas nesta viaxe.

foto de grupo camiñando polas Médulas

Roteiro por Piornedo

O día 18 de abril, vintedous alumnos e alumnas de 3º ESO do noso IES, acompañados por tres profesores, fixeron unha ruta guiada por Piornedo, no marco do Plan Proxecta, visitando tamén a Palloza-museo. Podedes ver as fotos do roteiro, picando aquí.

imaxe de grupo camiñando polo roteiro

Visita á Casa Grande de Xanceda

Os departamentos de Matemáticas e Administración organizaron unha visita á Casa Grande de Xanceda co alumnado de 1º e 2º de FPB de Servizos Administrativos e 2º de FPB de Fabricación e Montaxe o día 3 de abril. Nesta viaxe, o alumnado descubriu a diferenza entre a agricultura e gandería ecolóxica e a convencional, así como as dificultades de crear e comercializar este tipo de produtos por parte da empresa.

foto de grupo na visita á Casa Grande de Xanceda

Viaxe a Polonia

Os alumnos e alumnas de 2º de Bacharelato estiveron de viaxe por Polonia. Foi entre os días 13 e 18 de marzo. Visitaron as cidades de Cracovia e Varsovia e os campos de exterminio de Austzwich e Birkenau. Na primeira foto, o grupo atópase ante o Palacio da Ciencia e da Cultura da capital polaca e na segunda foto, vemos o grupo á entrada do campo de Birkenau.

foto do grupo á entrada do Palacio da Ciencia 

foto do grupo na entrada do campo de Birkenau

Conferencia sobre novas tecnoloxías

O martes, 14 de marzo de 2017, celebrouse no Salón de Actos unha conferencia impartida por Ramón Peña, técnico do PLAN DIRECTOR PARA A CONVIVENCIA E A MELLORA DA SEGURIDADE NOS CENTROS EDUCATIVOS. Asistiron os alumnos/as de: 

  • 3º  4º de ESO
  • 1º de BAC
  • 1º cursos dos ciclos de formación básica e grao medio de Formación Profesional.

O obxecto de dita reunión foi informar ao alumnado sobre os riscos de seguridade asociados ás novas tecnoloxías e ao uso de redes sociais, especialmente acoso sexual "child grooming", ou difusión de contidos de natureza sexual por teléfonos móbiles "sexting", venda de nenos prostitución infantil e utilización dos nenos na pornografía.

foto da conferencia impartido polos perigos asociados ás novas tecnoloxías

CURSO DE LINGUA GALEGA CELGA 2

Curso de lingua galega, que se impartirá no IES Gregorio Fernández, preparatorio das probas para obter o certificado de lingua galega Celga 2.

Data de impartición: do 18/04/2017 ao 08/06/2017

Horario:19.00 ás 21.00 h. de luns a xoves

            18.30 ás 20.30 h. venres

Festival do Entroido

Celebramos a chegada do entroido ao noso IES: personaxes inéditos e música moi variada encheron o salón de actos, no que o alumnado de ESO, BAC e Ciclos Formativos puxeron en escea o programa televisivo "Tu cara me suena" coordinados polo Departamento de Música, quen contou tamén coa axuda doutros profesores, entre eles, do departamento de Inglés, Filosofía e Latín. A todos os participantes: grazas e parabéns! Que siga o entroido ata a volta de clases, o xoves 2 de marzo!

foto da actuación gañadora no concurso musical celebrado polo entroido

Visita do C.B. Breogán S.A.D.

Os xogadores do C.B. Breogán, Sergi Quintela e Juan Manuel "Lobito" Fernández, xunto co fisioterapeuta do Equipo, o sarriao Jaime Capellá, achegáronse este mércores 21 de febreiro ao noso IES. O noso alumnado tivo a oportunidade de coñecer algunhas das súas vivencias profesionais, preguntarlles polos seus obxectivos profesionais e mesmo valorar cales son as súas opcións de ascenso e poder xogar así na ACB. Remataron xogando un 3x3 entre os xogadores e algúns dos nosos alumnos, animados pola profesora de Educación Física, Mercedes Veiga.

foto no Pavillón dos xogadores do C.B. Breogán que nos visitaron

Visita do Porta XI Ensino C.B.F.

Un grupo de xogadoras do Porta XI Ensino visitou este mércores 8 de febreiro o noso I.E.S. Contamos coa presencia de Loly Vilares, como xefa de prensa do equipo e coas xogadoras Licet Castillo, Aleksandra Begenisic e Rocío Varela, ademais da ex-xogadora e membro da actual directiva, Cata Pollini. Compartiron co noso alumnado de ESO e 1º BAC a súa traxectoria deportiva, respondendo ás súas curiosidades e facéndoos partícipes das súas innumerables vitorias, ademais de animalos a disfrutar con este deporte, ben xogándoo, ben acudindo a ver os partidos deste equipo.

foto da visita do Ensino