Departamentos

Logo de Bibliotecas Escolares de Galicia

RADIO BOLBORETA 

Logo EDLG

Eventos

« Febreiro 2023 »
LunMarMérXovVenSábDom
12345
6789101112
13141516171819
20212223242526
2728

Iniciar sesión

Usuarios conectados

Agora mesmo hai 0 usuarios e 0 invitados conectados.

Visita ao parque eólico de Monciro

O día 5 de abril o alumnado de 1º dos ciclos de FPB, medios e superior da familia de Mantemento do noso IES visitaron o parque eólico de Monciro da empresa Naturgy dentro do programa EduTecEmprende coa finalidade de coñecer máis de cerca a realidade empresarial e tecnolóxica do seu sector profesional.

visita parque eólico

I Edición do Día da Poesía en Sarria

O 21 de marzo celebrouse na Praza da Vila en Sarria o Día da Poesía adicado ao poeta Fiz Vergara Vilariño e organizado pola biblioteca do centro e o Equipo de Dinamización da Lingua Galega en colaboración co Concello de Sarria. Asistiron máis de 400 alumnos e profesores de doce centros educativos da comarca de Sarria e cada centro foi recitando poemas deste poeta de Samos, Fiz Vergara Vilariño. Tamén interpretaron un soneto musical deste poeta dous profesores do noso centro, que foron os presentadores deste acto, Xurxo Souto e Eduardo Rei e escoitamos repetidas veces unha versión de "Terra" das Tanxugueiras na voz da nosa profesora Patricia Coucheiro e acompañada da coreografía dirixida por outra profesora nosa, Mercedes Veiga. Para finalizar o acto, presentouse un grupo musical formado por alumnos do IES Xograr Afonso Gómez que versionou un poema deste autor samanense.

Foi un acto cheo de poesía, de versos que soaban un tras outro cheos de beleza e sentimentos e que mostraban a fermosa obra que nos deixou Fiz Vergara Vilariño, para o cal reivindicouse neste acto que se lle adique por fin o Día das Letras Galegas. Parabéns a tódolos participantes!

Vídeos: Sarria, Feliz Día da PoesíaSarria celebra o Día da Poesía 

foto Día da Poesía

Charla- coloquio: O papel das mulleres da nosa contorno no mundo laboral

O venres 11 de marzo celebrouse no noso centro unha charla coloquio dentro do Programa Donas de Sí no que participa o Departamento de FOL sobre O papel das nosas mulleres no mundo laboral dirixida ao noso alumnado de Formación Profesional.

Contamos coa presenza de dúas mulleres vinculadas ao sector gandeiro da nosa localidade, Adela e Laura, tamén asistiu a xerente dunha empresa de transportes da comarca de Sarria, Rocío e ademais estivo connosco Antía, como representante dun negocio familiar de longa tradición do sector da alimentación da nosa vila. Debatimos e reflexionamos sobre as dificultades que tiveron e teñen as mulleres para compaxinar a vida laboral e profesional coa vida familiar, falamos dos estereotipos de xénero e tamén da igualdade de oportunidades entre homes e mulleres... Agradecemos a asistencia destas mulleres que puxeron voz ao esforzo e que simbolizan as mulleres da nosa comarca que serven de exemplo de superación e loita por conseguir as súas metas. 

foto charla-coloquio

 

Xornada "A actividade emprendedora como unha alternativa laboral para o alumnado"

Dentro do Programa de Eduemprende Actúa, o departamento de FOL organizou unha xornada sobre o emprendemento como unha alternativa á empregabilidade. Nela participaron María Traveso como representante do IGAPE e un emprendedor de Sarria, José María de Peregrinoteca. Compartiron co noso alumnado a súa experiencia como emprendedores (que foi o que os animou a emprender, como xurdiu a idea, o relevante dun plan de empresa, as dificultades que tiveron e teñen que afrontar...), e axudaron a reflexionar sobre a importancia do emprendemento e a valoraralo como unha alternativa de futuro. Agradecemos a súa disposición para participar nesta actividade e compartir connosco as súas inquedanzas como emprendedores.

charla Actúa

 

Datas probas extraordinarias materias pendentes de BAC

 

Departamento de LINGUA GALEGA

 

MATERIA PENDENTE

DATA

HORA E AULA

PROFESOR QUE EXAMINA

LINGUA GALEGA

20/04/22

10.20H

AULA 113

PILAR SAAVEDRA

Día de Rosalía de Castro

O 23 de febreiro celebrouse no noso centro o Día de Rosalía de Castro. O EDLG e a Biblioteca do centro en colaboración con outros departamentos organizaron un montón de actividades para conmemorar o seu aniversario: lectura de poemas de Rosalía, creación dun gran panel colaborativo "E a ti, que che di Rosalía?", música, cancións, regueifa improvisada, exposición de libros, reparto de chapas cun fermosísimo debuxo creado por unha alumna de 3º de ESO, cartel xigante tamén creado na clase de plástica e programa en Radio Bolboreta. Deseguido, tedes un vídeo resumo do grande día de Rosalía:

"Saint Valentin"

O día 14 de febreiro o alumnado de ESO, da materia de Francés, festexou a "Saint Valentin" escribindo cartas de amor.

A mellor, tendo en conta a presentación e o contido, agasallábaselle cun vale para ir comer a un restaurante da vila, levando consigo un convidado ou convidada. Este premio era moi desexado. Por iso, os traballos presentados foron incríbles. Finalmente a gañadora foi unha alumna de 3º da ESO.  Parabéns a tódolos participantes!

Saint Valentin

Regueifando no Correlingua

Co seguinte vídeo cantando unha regueifa, o alumnado do noso centro de 1º da ESO participa na actividade Regueifando no Correlingua: 

Día da "Chandeleur"

O alumnado de Francés da ESO celebrou o día da "Chandeleur". Para conmemorar esta festa, todos os grupos realizarón receitas de crêpes e mostráronas para poder participar, así, no concurso. Na exposición puideron verse diferentes crêpes (salgadas, doces, con froitas...). Á degustación, que se celebrou no recreo, acudiu todo o alumnado do centro. 

Para elixir aos/ás tres gañadores/as tívose en conta o seguinte: textura e sabor das crêpes, presentación das mesmas, así como o esforzo e o interese amosados na elaboración deste prato típico de Francia.

Todos os premiados pertencen ao grupo de 3º da ESO. Podedes visualizar as fotos na seguinte ligazón: Album Día da Chandeleur

mostra crêpes