Eventos

« Xaneiro 2020 »
LunMarMérXovVenSábDom
12345
6789101112
13141516171819
20212223242526
2728293031

Departamentos

Logo de Bibliotecas Escolares de Galicia

Iniciar sesión

Usuarios conectados

Agora mesmo hai 0 usuarios e 0 invitados conectados.

Exposición Esquecidas

Desde o 18 ao 31 de marzo, contamos no noso centro coa Exposición Esquecidas, unha oportunidade para coñecer mulleres de Sarria e da súa contorna e rendirlles homenaxe polo papel que desempeñaron e polo que aportaron á hora de falar de igualdade real e efectiva en feminino. Ademais, o 22 de marzo contamos coa presenza de María Xesús López Escudeiro, quen fixo unha visita guiada pola exposición ao noso alumnado.

foto da exposición

II CARREIRA SOLIDARIA “GOTAS PARA NÍXER”

O 22 de marzo celebrouse a segunda edición da carreira solidaria, en colaboración con Unicef, para concienciar ao alumnado da importancia de aportar unha axuda que permita facer chegar instalacións de auga, hixiene e saneamento a cada vez máis lugares deste país africano. 

Cada participante puxo “a súa gota” en forma dunha pequena aportación económica para a campaña deste ano “Gotas Para Níxer”.

A actividade consistiu nunha carreira polo contorno das Aceas con saída diante do cuartel da Garda Civil e chegada no estadio de fútbol da Ribela.

Conferencia Iberdrola

O xoves 14 de marzo visitounos o Xefe de Produción da Central de Santo Estevo, de Iberdrola. Explicou aos asistentes, o alumnado de ciclos formativos e 2º  FPB, o funcionamento básico dunha presa eléctrica, cal é a estrutura organizativa do centro de traballo no que opera e remarcou as demandas que ten a empresa a nivel laboral e, sobre todo, a importancia dunha formación actualizada e vinculada ás esixencias das empresas. 

foto dos asistentes

Actividade "A memoria do Silencio"

O xoves 7 de marzo levouse a cabo unha das iniciativas culturais incluidas no programa Vivas e Visibles. Contamos coa presencia de Eva Mejuto para presentar o seu libro Memoria do Silencio, que recolle voces de mulleres silenciadas ao londo da Historia, xunto coa música de Su Garrido Pombo. Os alumnos/as que asistiron a este acto foron os de 3º e 4º ESO e tamén Bacharelato.

Foto do acto de presentación do libro

 

VISITA AO NOSO CENTRO DO ALUMNADO DE 4º DE ESO DOS CENTROS CONCERTADOS

O día 27 de febreiro, os alumnos/as de 4º de ESO, dos CPR Ntra. Sra. De La Asunción e CPR Padres Mercedarios de Sarria visitaron o noso Centro. O obxectivo da visita foi coñecer as instalacións do Centro e a súa oferta académica.

Durante a visita tiveron ocasión de manexar un dron, que montaron os alumnos/as do Ciclo Superior de FP de Sistemas de Telecomunicación e Informáticos.

 

Visita á fabrica Cementos Cosmos

O xoves 28 de febreiro, o noso alumnado de ciclos formativos visitou a fábrica de Cementos Cosmos, ubicada en Oural. Os asistentes puideron coñecer o proceso de fabricación que se leva a cabo para obter o cemento, percorreron algunha das súas instalacións e, sobre todo, achegáronse, a un dos valores principais da compañía, a seguridade e saúde dos seus traballadores.

foto de grupo durante a visita

Conferencia "Por que as enerxías renovables cambiarán a vosa vida?"

O venres 22 de febreiro contamos coa presenza do avogado lucense Juan Castro-Gil Amigo, asesor legal e secretario xeral da Asociación Española de Produtores de Enerxía Fotovoltaica e tamén vicepresidente da Fundación Renovables, para impartir a conferencia "Por que as enerxías renovables cambiarán a vosa vida?" dirixida ao alumnado dos ciclos formativos de Formación Profesional. Na súa exposición, fixo un diagnóstico da situación actual do panorama enerxético en España e, a partir de aí, plantexounos a súa visión de como evolucionará nos vindeiros anos, poñendo énfase no importante papel que desempeñará a enerxía solar.

foto dos asistentes á conferencia

Charla informativa de Programas para a mocidade galega

O luns, 18 de febreiro de 2019, celebrouse no Salón de Actos unha charla co alumnado dos Ciclos de Formación Profesional de Grao Superior. Dita charla informativa estivo a cargo de Zoe Prieto, técnica de xuventude.

O obxecto de dita charla foi informar ao alumnado e ao profesorado dos Programas para a mocidade Galega.

Visita cultural a Santiago e a Padrón

O alumnado de 3º e 4º da ESO e de 1º de Bacharelato do noso centro visitou a Casa de Rosalía de Castro en Padrón e a Cidade da Cultura e o Museo do Pobo Galego, ubicados en Santiago de Compostela. Esta viaxe foi organizada polo departamento de Galego e o Equipo de Dinamización Lingüística e tivo lugar o venres 8 de febreiro, xornada que aproveitaron para achegarse á cultura do pobo galego.

foto de grupo durante a visita a Santiago

A actividade emprendedora como chave para o teu futuro

O 6 de febreiro desenvolveuse no noso IES a actividade formativa "A actividade emprendedora como chave para o teu futuro" dentro do Programa EDUEMPRENDE- Actúa 2018-2019, dirixida ao alumnado de segundo dos ciclos formativos de grao medio e superior do noso centro.

Contamos coa presenza dunha asesora en emprendemento, Fátima Rodríguez Figueiras, en representación do IGAPE e dunha persoa emprendedora da nosa localidade, Jesús Pato Mourelo, presidente de Galimplant. Os dous participantes compartiron a súa experiencia persoal e profesional cos asistentes, poñendo en valor a importancia da iniciativa empresarial e entendendo que o emprendemento pode ser unha opción de futuro de éxito e de desenvolvemento persoal e profesional. 

foto dos participantes na actividade formativa