Eventos

« Decembro 2019 »
LunMarMérXovVenSábDom
1
2345678
9101112131415
16171819202122
23242526272829
3031

Departamentos

Logo de Bibliotecas Escolares de Galicia

Iniciar sesión

Usuarios conectados

Agora mesmo hai 0 usuarios e 0 invitados conectados.

Titulados de Ciclos Formativos

O mércores 26 de xuño recolleron as notas os nosos titulados dos ciclos formativos de grao medio e de grao superior. Parabéns aos nosos alumnos e alumnas e moito éxito na súa inserción laboral.

Titulados de CF

Festival fin de curso

O venres 21 de xuño celebrouse no noso IES unha exhibición de Educación Física nas pistas polideportivas e deseguido a festa de graduación de 4º ESO e 2º de FPB. A música animou a todo o público asistente e foinos contaxiando da ledicia que trae o comezo de verán: felices vacacións e esperámosvos en setembro. Se picades nas fotos, podedes visualizar todas as fotos e vídeos.

Foto actuación musical

Foto do alumnado de 1º e 2º da ESO bailando step

Foto do alumnado de 1º e 2º da ESO bailando Con calma

Graduación de 2º BAC

O venres 24 de maio pola tarde celebrouse no salón de actos do noso IES o acto de graduación do alumnado de 2º de Bacharelato. O noso centro felicítavos polos resultados acadados e deséxavos moito éxito na vosa futura carreira persoal e profesional!

Foto alumnas de 2º de BAC

O noso gran logotipo

O noso centro luce con orgullo na súa fachada principal o seu logotipo reproducido ao grande, concretamente, chega a pesar  uns 1.000 quilos. Trátase dunha obra feita con materiais reciclados, como piñóns, parafusos ou porcas,... elaborados durante os cursos anteriores polo noso alumnado e que se aproveitaron nesta ocasión para reciclar. Esta obra foi deseñada polo profesor Luis Hospido e desenvolvida por un grupo de alumnos dos ciclos medios de Mecanizado e Mantemento Electromecánico, e tamén contaron coa axuda de varios profesores á hora de levar a cabo varias tarefas, como a súa soldadura, limpeza ou colocación. A todos os que participaron dalgún xeito na creación deste gran logotipo, dámoslles as grazas polo seu esforzo e o seu traballo e felicitámolos polo resultado acadado.

foto do logo do IES

Obradoiro de Rap

O alumnado de 4º ESO e 1º BAC participou nun Obradoiro de Rap impartido por Vella Escola o día 7 de maio, actividade incluida no programa da Semana das Letras e a Lectura de Sarria, organizada desde o concello de Sarria. Con esta actividade, os participantes aprenderon a escribir e interpretar versos en lingua galega, traballando con ritmos urbanos e ao mesmo tempo achegándose ás figuras literarias do noso país e descubrindo así obras de poetas e escritores ilustres levadas ao Rap.

foto durante a celebración do obradoiro

Obradoiro de Guión audiovisual

No noso centro, celebrouse o 6 de maio un Obradoiro de guión audiovisual, que impartiu o escritor e xornalista sarriano, Manuel Darriba, e no que participou o alumnado de 3º ESO. Esta actividade está dentro do programa da Semana das Letras  e a Lectura de Sarria, que promove o concello de Sarria.

foto do obradoiro

Inmersión lingüística no Camiño de Santiago

O martes 30 de abril, o noso alumnado de primeiro dos ciclos formativos de Xestión Administrativa e de Administración e Finanzas percorreron un tramo do Camiño de Santiago, concretamente de Sarria a Barbadelo. Esta actividade, organizada pola profesora de Inglés e a Biblioteca do IES, tivo como principal obxectivo que os seus alumnos e alumnas levaran a cabo unha inmersión lingüística cos peregrinos que atopaban durante o percorrido e que puideran apreciar a riqueza que aporta o Camiño de Santiago, desde as súas paisaxes, a diversidade de culturas e idiomas, os negocios que se crean... Tedes máis información e fotos da actividade no blog da Biblioteca Fiz Vergara Vilariño.

imaxe dun grupo de alumnas falando cun peregrino

Presentación do libro de Aitor Freán

O noso ex-alumno Aitor Freán Campo acaba de publicar o seu primeiro libro titulado "Religiones y mentalidades del noroeste peninsular. De la Edad del Hierro a la tardoantigüedad" e aproveitamos para felicitalo e desexarlle moito éxito. Tedes máis información na seguinte ligazón.

Visita didáctica á empresa Jim Sports

O xoves 25 de abril, o alumnado de 1º do Ciclo Medio de Xestión Administrativa do noso IES visitou a empresa Jim Sports ubicada en Palas de Rei para coñecer de primeira man como funciona esta empresa, todo un referente no sector do material deportivo.

foto de grupo durante a visita

Axudas para a realización das actividades formativas STEM en lingua inglesa

Alumnado  de  3º e 4º de ESO

Prazo de solicitudes do 30 de abril ao 30 de maio de 2019

Ligazón da convocatoria