Eventos

« Xuño 2018 »
LunMarMérXovVenSábDom
123
45678910
11121314151617
18192021222324
252627282930

Departamentos

Logo de Bibliotecas Escolares de Galicia

Iniciar sesión

Usuarios conectados

Agora mesmo hai 0 usuarios e 0 invitados conectados.

Convocatoria do fondo solidario de libros de texto e axudas para libros de texto e material escolar

ABERTO o prazo para a participación no fondo solidario de libros de  texto e axudas para a adquisición de libros de texto e material escolar para o curso 2018/19. Máis información na seguinte ligazón e na secretaría do centro.

PRAZO: ATA O 22/06/2018 SOLICITUDE: Anexos I e II

AVALIACIÓN DE BACHARELATO PARA ACCESO Á UNIVERSIDADE XUÑO 2018

ABAU XUÑO 2018  CUALIFICACIÓNS PROVISIONAIS: 22 de xuño 

 

ADMISIÓN A CICLOS DE FORMACIÓN PROFESIONAL 2018-2019

Presentación de solicitudes: 25 de xuño ao 3 de xullo ás 13:00 horas       Acceso á información

Actividade formativa sobre o Mindfulness

Un grupo de profesores do noso centro asistiu a unha actividade de formación sobre o Mindfulness impartida polo especialista Manuel Darriba. Os asistentes puideron coñecer cales son os beneficios desta técnica, que axuda a mellorar a atención e o benestar persoal e a reducir os niveis de estrés. Ademais, desenvolvéronse varias prácticas en grupo como primeira toma de contacto desta ferramenta, que pode ser moi valiosa tanto a nivel profesional como persoal.

Acto de graduación de 2º BAC

O venres 25 de maio celebrouse no noso IES o acto de graduación de 2º de BAC que contou coa presenza da comunidade educativa e no cal participou activamente tanto alumnado como profesorado, contando ademais cunha actuación musical. Ao seu remate, os asistentes xuntáronse no noso comedor para facer un picoteo. Podedes visualizar neste álbum de Graduación BAC 2018 as fotos do acto e tamén están á vosa disposición os vídeos  do Acto de graduación-1ª parte e Acto de graduación-2ª parte e unha vez máis felicitamos a todos os nosos alumnos e alumnas titulados.

 

EXAMES FINAIS ESA DE XUÑO

 

EXAMES FINAIS DE 2º E 4º CURSO DE EDUCACIÓN DE ADULTOS

 14 de Xuño de 18:15 a 19:45 Inglés

 18 de Xuño de 19:45 a 21:15 Ámbito Comunicación

 19 de Xuño de 19:00 a 20:30 Ámbito Científico Tecnolóxico

 20 de Xuño de 19:00 a 20:30 Ámbito Social

 

Viaxe de intercambio do alumnado de 3º e 4º ESO

Un grupo de alumnos de 3º e 4º ESO do noso centro están a participar no intercambio co Collège Paul Eluard. Saíron o sábado 12 de maio para facer noite en Hondarribia e o domingo reemprenderon a marcha para chegar a Mur de Bretaña. O luns fixeron un roteiro polo Sur da Bretaña, coñecendo Locronan, Quimper e Concarneau. O martes achegáronse ao Mont Saint Michel, lugar emblemático de Francia, e pola tarde visitaron a fermosa vila de Dinan. Tamén tiveron tempo este xoves a celebrar o Día das Letras Galegas na Bretaña. Se picades na foto, tamén podedes acceder ao álbum e na seguinte ligazón tedes información sobre a visita no xornal Ouest France.

foto grupo de participantes no intercambio

Xornada formativa sobre Prevención e Primeiros Auxilios

Celebrouse no noso IES unha xornada formativa dirixida ao alumnado de Ciclos Formativos e da Formación Profesional Básica sobre a Prevención no traballo e os Primeiros Auxilios por parte de persoal dependente do Instituto Galego de Seguridade e Saúde Laboral (ISSGA) de Lugo. Contamos coa presenza dun profesional nesta materia, quen tratou de concienciar da importancia da seguridade e saúde no traballo e das graves consecuencias que implican os accidentes de traballo e as enfermidades profesionais para a sociedade, e que en moitos casos poderían evitarse cunha adecuada política preventiva por parte das empresas. Deseguido, unha enfermeira detallou os procedementos a seguir en situacións de emerxencia tales como feridas, atrangantamentos e mesmo paradas cardiorespiratorias, na que todos os participantes puidemos practicar cun maniquí unha reanimación cardiorespiratoria. 

foto sobre como se practica unha reanimación cardiorespiratoria

Intercambio co Collège Paul Eluard

Como en anos anteriores, recibimos a visita de 40 alumnos do Collège Paul Eluard, dentro das actividades previstas no intercambio que mantemos co Centro de Mur de Bretagne.Despois dunha longa viaxe, chegaron a Sarria na tarde do 14 de abril. O programa de actividades foi intenso e diverso, con visitas á cidade de A Coruña, Santiago de Compostela e Rías Baixas. Ademais, o luns 16 puidemos compartir unha completa xornada en común, na que participaron os alumnos de 3º e 4º da ESO. Nese día, organizamos un festival no salón de actos no que os alumnos de Francés recitaron poemas do poeta francés Paul Eluard e fragmentos do Principiño e os alumnos de música interpretaron unhas cancións á flauta. Para completar a xornada en común, visitamos O Cebreiro e fixemos un tramo do Camiño de Santiago, entre o Alto do Poio e Filloval. O xoves 19 partiron de volta cara Bretaña, onde nos agardan ata o día 13 de maio no que lles devolveremos a visita.

foto de confraternidade na entrado do IES

PROGRAMA "FALEMOS DE CONSUMO"

O alumnado de FP Básica participou nun Programa educativo "Falemos de Consumo" organizado polo Centro para Persoas con Discapacidade Domus Vi de Bóveda, que ten como obxectivo fundamental concienciar e sensibilizar en relación ao consumo de drogas e outras substancias nocivas para a saúde.

Despois de participar neste Programa visitouse o Museo do Ferrocarril de Galicia en Monforte de Lemos.