Taboleiro

O alumnado de Bioloxía e Xeoloxía de 4º da ESO e 1º de Bacharelato asistiu hoxe a unha charla impartida por persoal médico do Complexo Hospitalario Universitario da Coruña na que puido aprender sobre a doazón de tecidos e órganos, sobre o rexeitamento que se produce nos trasplantes, así como sobre que hai que facer para convertirse en doador.

O día 21 de decembro, no festival de Nadal do IES Fernando Esquío, coñecimos os nomes dos gañadores do primeiro concurso de postal científica de Nadal. Parabéns aos premiados e moitas grazas a todos por participar!

O pasado 29 de novembro, o alumnado de Bioloxía de 1º de Bacharelato tivo a oportunidade de realizar un Laboratorio Aberto na Domus sobre o proceso de síntese dun novo fármaco que se está a investigar para a cura do parkinson.

Estimadas familias, A partir do luns 6 de novembro estará prohibido o uso dos teléfonos móbiles e dispositivos electrónicos en todo o recinto escolar do IES Fernando Esquío en cumprimento do establecido no punto 19.4 do DECRETO 8/2015, do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar: 

"Así mesmo, prohíbese o uso de teléfonos móbiles e outros dispositivos electrónicos como mecanismo de comunicación durante os períodos lectivos. Excepcionalmente, os centros poderán establecer normas para a correcta utilización como ferramenta pedagóxica."

Estimadas familias,  o martes 31 de outubro haberá clase ordinaria excepto nas dúas últimas horas nas que teremos un magosto. Haberá castañas, música en galego, un túnel do terror e desfile de zombies, Santa Compaña e algunha sorpresa máis... O alumnado pode vir disfrazado pero sempre lembrando que a festa non empeza ate as 12h12.

Un saúdo, o equipo directivo