HIPERBARIC CHALENGE - Quen somos?
HIPERBARIC CHALLENGE 2018-2019
FENE´S RACING TEAMS - INNOVANDO NA FP.
QUEN SOMOS?
20 alumnos!!!!! - 2 equipos!!!!! - 1 desafío!!!!!!
Somos 20 alumnos do IES de Fene, que estamos cursando os ciclos formativos de Soldadura e Calderería, e Mantemento Electromecánico de Vehículos Automóbiles, e estamos a formar dous equipos para participar no desafío Hiperbaric Challenge 2018-2019.
EQUIPO 1: Barallobre Racing Sport. Equipo coordinado polo profesor Santiago Varela Pedreiro, e formado por alumnos de 1º de CM de Electromecánica de vehículos automóbiles e de 2º de CM de Soldadura e calderería.
Mentores:
Alberto Caaveiro (persoal docente) - María Sande (persoal docente) - Roberto Salgado (persoal non docente).
EQUIPO 2: FeneSport Innovative Challenge. Equipo coordinado polo profesor Juan Carlos Romero, e formado por alumnos de 1º de CM de Soldadura e Calderería e 2º de CM de Electromecánica de vehículos automóbiles.
Mentores:
Ángel Chao (persoal docente) - Fátima Barreiro (persoal docente) - Dulce Rodriguez (persoal docente).
O DESAFÍO!!!
Este desafío consiste en deseñar, prototipar e construír un coche de inercia.
Estamos a traballar na elaboración dun proxecto que teremos que defender ante un xurado de expertos que valorarán no só a parte técnica, senón tamén os aspectos sociais, de marketing e de xestión, e naturalmente cada equipo poñerá a proba o seu prototipo nunha competición real de trazado urbano na que participarán equipos de toda España.
POR QUE QUEREMOS PARTICIPAR?
Gustaríanos participar nunha nova experiencia que mestura innovación, calidade, creatividade e emprendemento.
Pero ademais... levaremos lonxe o nome do noso instituto, participaremos por primeira vez nun proxecto a nivel nacional, coñecemos a outros alumnos e alumnas que, como nós, traballarán nas súas horas de clase e nas súas horas libres para participar neste desafío, e, se nos axudas, mesmo poderemos gañar esta edición de Hiperbaric Challenge.
QUEREMOS FORMAR PARTE DE ALGO, AXÚDASNOS?
O teu nome, a túa empresa, e a túa colaboración terán o seu espazo nos nosos coches de inercia, pero necesitamos patrocinadores, por iso estamos a chamar á túa porta.
UNS CANTOS PROFESORES E PROFESORAS QUE APOSTAN POR NÓS E POLA INNOVACIÓN SUMÁRONSE AO PROXECTO, CONTAMOS TAMÉN CO EQUIPO DIRECTIVO, CON PERSOAL NON DOCENTE, COAS NOSAS FAMILIAS, COS AMIGOS E AMIGAS…
SÚMASTE Á INERCIA DO HIPERBARIC CHALLENGE DO IES DE FENE?
Máis información no seguinte enlace:
http://hiperbaric-challenge.blogspot.com/