IES Escolas Proval

Estimadas familias:

Para calquera información que nos queiran transmitir relacionada coa COVID-19, rogamos que se poñan en contacto con nós a través do número de móbil 681200817 (preferiblemente) ou do número 886110365.

Lembren realizar diariamente antes de saír da casa a “Enquisa de autoavaliación” para comprobar se teñen algún síntoma da covid-19. No caso de telo, cómpre ficar na casa, pórse en contacto co EquipoCovid do instituto (nos números abaixo indicados) para comunicar a ausencia e, sobre todo, chamar ao centro de saúde correspondente parar falar directamente co/a pediatra (antes dos 15 anos) ou médico de cabeceira. 

Grazas, EquipoCovid do Proval.

AVISO IMPORTANTE: Nestes momentos non temos constancia ningunha da existenia de positivos en COVID-19 entre a nosa comuidade educativa.

Para consultares o calendario de presentación e inicio de curso de todos os ciclos formativos de Administrativo e Electrónica preme no enlace.

Para visualizar os horarios dos respectivos ciclos de Xestión administrativa e Instalacións de telecomunicacións preme nos enlaces da táboa:

Para consultar o Plan de acollida do IES Escolas Proval para este próximo curso 2020-21, premede no enlace.

A presentación de ciclos medios e superiores de Administración e Electrónica, tanto de diúrno como nocturno, adíase para o próximo luns día 28 de setembro. 

Desde o IES Escolas Proval informámolos de que por fin comezamos o novo curso escolar 2020-2021 mantendo a presencialidade en todos os niveis. Como saben, o inicio das clases realizarase de forma escalonada os días 23, 24 e 25 de setembro e no horario lectivo habitual (8:45-14:30 horas).

Este ano comezamos con moitas ganas e algunha incertidume, pero asegurámoslles que levamos moitas semanas traballando para garantir un regreso seguro ás aulas e poder mantermos un ensino de calidade. Habilitamos todos os espazos do centro, tanto interiores como exteriores, conforme ao protocolo COVID, asegurando a máxima protección do noso alumnado e de toda a comunidade educativa. 

Con todo, precisamos da súa colaboración para reforzar as normas de seguridade desde o ámbito familiar. Ademais, é imprescidible que entreguen na conserxería do centro, debidamente asinada e antes do día 23 (en horario de 9:00-14:00 e de 16:00-20:00), a Declaración responsable pola que se comprometen a realizar a diario a Enquisa de Autoavaliación clínica da COVID e a NON enviar ao centro o seu fillo ou filla se presenta síntomas compatibles coa COVID-19.

Estes dous documentos poden descargalos nos enlaces anteriores ou pedilos no centro; tamén se lles entregará a todas as familias que acudan á reunión do próximo luns 21 de setembro. Así mesmo, achegamos outros dous documentos relacionados co protocolo Covid: "Guía-resumo das instrucións para a adaptación dos centros educativos" e "Guía de volta segura as aulas".

Grazas de antemán pola súa comprensión, e desexámoslle moito ánimo e saúde!

Desde a dirección do Proval convocamos as familias do noso alumnado de ESO e FPBásica a unha reunión informativa de inicio de curso para o próximo luns 21 de setembro no claustro do edifício antigo: 1º e 2º ESO ás 16:30; 3º e 4º ESO ás 17:30 e FPBásica I e II ás 18:30 horas. Por motivos de aforo, recomendamos que só acuda un membro de cada familia. Agradecemos a súa comprensión e asistencia!

Publicada a listaxe de beneficiari@s do fondo de libros e vales para material escolar que pode consultarse na Secretaría do centro ou na sede electrónica da Xunta. Os vales teñen que recollerse na Secretaría a partir de hoxe en horario de 9:00 a 14:00 horas.

A presentación da Educación Secundaria de Adultos terá lugar o próximo mércores 23 ás 18:10 h. O alumnado deberá agardar na entrada principal do edificio de arriba, con máscara e respectando a debida distancia de seguridade, e iremos chamando por grupos. Lembramos que o proceso de matrícula continúa aberto, e que se pode consultar a listaxe actualizada de alumnado matriculado en 1º e 3º ESA premendo no seguinte enlace.

Probas extraordinarias: martes 1 e mércores 2

Entrega de cualificacións:

• Envío das notas a través de abalarMóbil o venres 4 ás 11:00 h (agás 2º bacharelato que será o xoves 3 ás 12:00 h)
• Os boletíns en papel e os Consellos orientadores da ESO estarán a disposición das familias interesadas o venres 4 e o luns 7 na Xefatura de Estudos

Revisión exames e reclamación de exames:

Matrícula 2020-21: na Secretaría de 9:00 a 14:00 h.

• martes 8: ESO (1º/2º/3º/4º)
• mércores 9: bacharelato (1º/2º)

Devolución de libros de texto: martes 8 e mércores 9 na Aula de Plástica (9:00 a 14:00 h.)

Prematrícula ABAU: martes 8 na Secretaría de 9:00 a 13:00 h.

Listaxe defintiva do Fondo de libros: luns 14 na Secretaría (presencial) ou na sede electrónica da Xunta (por vía electrónica)

Inicio das clases 2020-21: 

• mércores 23: 1º/2º ESO + 1º Bacharelato + 1º FP Medio e Superior 
• xoves 24: 3º ESO + 2º Bacharelato + 2º FP Medio e Superior 
• venres 25: 4º ESO + FPBásica

Entrega de cheque-libros para material escolar: a partir do mércores 16 na Secretaría