Novas

A Consellería de Educación publicou a Orde do ORDE do 4 de febreiro de 2019 pola que se convocan axudas para a realización de actividades de formación en linguas estranxeiras (Inglés para ESO e Francés e Inglés para BAC) no ano 2019, destinadas ao alumnado dos centros docentes sostidos con fondos públicos.

DATAS: 

O período de realización destas actividades comprenderá desde a última semana do mes de xuño ata finais do mes de agosto de 2019, coa excepción das actividades de integración, que se desenvolverán no inicio do curso 2019/20. As datas concretas de realización das actividades daranse a coñecer coa publicación das listaxes definitivas do alumnado seleccionado.

PRAZO E SOLICITUDE: 

Ata o 20 de marzo de 2019, incluído. A solicitude realízase en liña ou presencial. 

No documento adxunto podera consultar toda a información necesaria.

Estimadas familias:

Actualmente estase a facer unha pequena obra ao final do aparcadoiro co obxectivo de instalar un portalón. Dito portalón solicitouse no curso pasado para evitar o perigo de que os coches circulasen pola mesma zona do alumnado, especialmente durante o recreo cando os rapaces están polo patio.

Cando estea finalizado a obra, o portalón permanecerá aberto desde as 8:30 ata as 9:00 horas, e o luns pola tarde de 16:00 ata 16:30 horas, para os país/nais que veñan deixar aos seus fillos/as, e logo permanecerá pechado o resto da xornada, e haberá na beirarrúa unha pota peonil que permanecerá aberta para o acceso ao público. Mentres non sexa así, rogamos que os coches entren no aparcadoiro da dereita, reservado aos profesores, polo acceso pegado á marquesiña, e saian pola outra entrada do mesmo, dando así a volta sen ter que manobrar.

Lamentando as molestias ocasionadas, aproveitamos a ocasión para saudarlles.

O Equipo Directivo.

(Podese acceder o documento emitido polo centro no enlace situado na parte inferior)