blogue deadmin

Preme na imaxe para ampliar      

 Este martes, 24 de maio, celebramos a despedida de 2.º bacharelato correspondente á promoción 2014-2016. O propio alumnado organizou e amenizou o acto con varias actuacións musicais e o visionado das imaxes do seu paso polo centro e excursións realizadas. Contou coa intervención dos profesores titores Francisco Canoura e Telmo de Paz que ademais foron os encardados de entregar os boletíns académicos. 

Finalmente, salientamos a mención das dúas matrículas de honor ás alumnas Raquel Ibón e Clara Morado nas modalidades de bacharelato científico e de humanidades, respectivamente.

Esta promoción, unha das máis númerosas dos últimos anos, salientou pola súa evolución académica e trato xovial. Moita sorte, bachareis. Parabéns!!!

O pasado venres, as profesoras Lecicia Ogando e Covadonga Rodríguez-Moldes participaron nas I Xornadas sobre o Proxecto Educativo de Centro e promoción de hábitos saudables celebrado no salón de actos do INEF  en Bastiagueiro. Neste foro puidon expoñer as actividades desenvolvidas no noso centro e a organización dos Premios Estudo e Deporte.

Preme na imaxe ou na ligazón
http://www.edu.xunta.gal/centros/iesdemugardos/?q=node/1355

 DÚAS ENQUISAS

       1PREME NA IMAXE ou neste enderezo
http://goo.gl/forms/1bfPIMTPJagfcch13

    2

PREME NA IMAXE ou neste enderezo
http://goo.gl/forms/MD3J3SFpgMbBnhDq1

LIGAZÓNS:

- Secretaría Xeral para o Deporte

- Portal educativo da Consellería de Educación

- Concello de Ares

- DIARIO DE FERROL (13 de maio)

- Galería La Voz de Galicia

No último claustro tivemos a oportunidade de despedirnos dos profesores en prácticas que a longo dos últimos meses estiveron realizando este período de formación entre nós. Trátase ademais de tres ex-alumnos do centro, o que nos enche de orgullo e satisfacción: Raquel Cartelle, de lingua inglesa;  Rosa Fernández, de lingua castelá e Adrián González, de Educación Física.  Recibiron o recoñecemento do claustro polo labor realizado e desexámoslles moitos éxitos para desenvolver a súa vocación docente.

Grazas ao Club do Mar de Mugardos, todo o alumando de 3.º e 4.º ESO asistiu esta mañá a unha sesión de iniciación ao remo. O tempo axudou e foi unha experiencia moi gratificante tanto para os que xa practican este deporte coma para os que saíron por primeira vez ao mar.

A tarde do pasado 14 de abril, o grupo de 3.º ESO-A participou na actividade "Matemáticas na Raia", concurso de resolución de problemas organizado por asociacións de profesores de matemáticas de Galicia e Portugal. A característica principal desta actividade consiste no fomento do traballo colaborativo, pois os equipos son grupos - clase completos.

A xornada de folga estudantil tivo un seguimento no día de hoxe, 13 de abril, do 95% do alumnado (3.º, 4.º ESO, Bacharelato e Educación de Adultos) do IES de Mugardos.

Os profesores Manuel Pousa e Gabriela Sánchez presentaron nas IV Xornadas de Patrimonio, dedicadas á memoria oral, o proxecto "Tempo de Lembranzas".

Pódese ler unha reseña da actividade na publicación Tempos de ouro.

Segundo o sorteo do cupón da ONCE do día 1 de abril,  o número premiado foi o

9185

O alumnado de 1.º e 2.º ESO asisitiu esta mañá a unha práctica do tenis de mesa guiados por representantes do club San Xoán de Ferrol.  Ao longo da actividade, que se desenvolveu no pavillón do Cristo, puideron coñecer as características deste deporte, realizar varios exercicios de adestramento e iniciar varias partidas cos compañeiros e compañeiras.  A exhibición contou coa organización dos Concellos de Ares e Mugardos a través das súas Concellerías de Deportes.

Para celebrarmos o Día do número Pi (en inglés 3/14), todos os grupos participaron na confección da cinta que a longo da rampla central do instututo recolle "só" as primeiras catrocentas cifras decimais de Pi...

Catrocentas cifras decimais do número pi na rampla central do instituto.

Actividade organizada pola Biblioteca e o departamento de Música.

Con motivo da súa xubilación, despedimos esta mañá ao condutor Juan Permuy, máis coñecido por todos como Bolita. El foi, hai xa 25 anos, o primeiro condutor do instituto e este venres realizou o derradeiro servizo para o IES de Mugardos na ruta que diariamente percorre o concello de Ares.

Como profesional acumula unha longa traxectoria no transporte metropolitano de Ferrolterra que de seguro o fai un dos condutores máis coñecidos e entrañables. No nome de todas as xeracións que estudaron e viñeron ao instituto con Bolita ao volante, feliz xubilación.

Condutores do transporte escolar

El Comarcal - La Voz de Galicia, edición Ferrol. Febreiro, 2016